ਗ਼ਜ਼ਲ
ਮੈਨੂੰ ਮੇਰੇ ਦੁਸ਼ਮਣ ਚੰਗੇ ਲਗਦੇ ਨੇ।
ਯਾਰ ਦਿਲਾਂ ਵਿੱਚ ਪ੍ਰੇਮ ਦੇ ਦੀਵੇ ਜਗਦੇ ਨੇ।
ਆਪਣੇ ਤਾਂ ਬਣ ਗਏ ਨੇ ਪੁੱਤਰ ਪੈਸੇ ਦੇ
ਦਿਨ-ਰਾਤੀਂ ਜੋ ਮੈਨੂੰ ਰਹਿੰਦੇ ਠੱਗਦੇ ਨੇ।
ਮਿੱਠੇ ਫ਼ਲ ਨੂੰ ਵੱਟੇ ਵੱਜਣ ਭੁੱਲ ਗਏ
ਵਹਿਣ ਤਾਂ ਨੀਵੇਂ ਪਾਸੇ ਵੱਲ ਹੀ ਵਗਦੇ ਨੇ।
ਅਣਖ, ਜ਼ਮੀਰਾਂ, ਕੋਲ ਜਿਨ੍ਹਾਂ ਦੇ ਹਿੰਮਤ ਹੈ
ਸੂਰਜ ਵਾਂਗਰ ਰਹਿੰਦੇ ਜਗਦੇ-ਮਘਦੇ ਨੇ।
ਜਿਸਦੇ ਪੱਲੇ ਹੋਵੇ ਪਿਆਰ ਮੁਹੱਬਤ ਜੀ
ਸਚਿਆਰਾਂ ਵਿੱਚ ਬੈਠੈ ਓਹੀਓ ਫੱਬਦੇ ਨੇ।
ਸੁਣ ਲਖਵਿੰਦਰ ਕਰ ਨਾ ਭਰੋਸਾ ਉਹਨਾਂ ਤੇ
ਵਾਕਿਫ਼ ਜੋ ਤੇਰੀ ਹਰ ਇੱਕ ਰਗ-ਰਗ ਦੇ ਨੇ।
✍️ ਲਖਵਿੰਦਰ ਸਿੰਘ ਲੱਖਾਸਲੇਮਪੁਰੀ