ਲੇਖਕਾਂ ਨੂੰ ਸਨਿਮਰ ਬੇਨਤੀ
ਲਿਖਣਾ ਦਿ ਚਾਅ ਹੈ ਤਾਂ ਲਿਖੀਏ ਜ਼ਰੂਰ ਵੀਰੋ,
ਲਿਖ ਲਿਖ ਆਓ ਜੀ ਸੁਧਾਰੀਏ ਸਮਾਜ ਨੂੰ।
ਜਿਥੇ ਕਿਤੇ ਖਾਮੀ ਦਿਸੇ ਵਿਕਾਸ ਦਿਆਂ ਕਾਰਜਾਂ ਚ,
ਮੀਡੀਏ ਦੇ ਰਾਹੀਂ ਓਹਦੇ ਖੋਲ੍ਹ ਦੇਈਏ ਪਾਜ ਨੂੰ।
ਕਰੀਏ ਨਾ ਮਾੜੀ ਗੱਲ ਕਿਸੇ ਵੀ ਧਰਮ ਦੀ ਕੋਈ,
ਭਰਾਤਰੀ ਭਾਈਚਾਰੇ ਤੇ ਠੇਸ,ਪਹੁੰਚੇ ਨਾ ਲਿਹਾਜ ਨੂੰ।
ਸਿਆਸੀਆਂ ਦੇ ਪਾਜ ਭਾਵੇਂ ਉਧੇੜ ਦਿਓ ਖਿੱਦੋ ਵਾਂਗੂੰ,
ਰੱਖਿਓ ਨਾ ਦਿਲਾਂ ਵਿੱਚ ਛੁਪਾ ਕੇ ਕਿਸੇ ਰਾਜ ਨੂੰ।
ਲਾਲਚ ਦੇ ਵੱਸ ਪੈ ਕੇ ਲੇਖਕੋ ਨਾ ਵਿਕ ਜਾਇਓ,
ਦੂਰੋ ਹੀ ਸਲਾਮ ਕਰੋ ਇਹੋ ਜਿਹੇ ਰਿਵਾਜ ਨੂੰ।
ਦੱਦਾਹੂਰ ਵਾਲਾ ਕਹੇ ਗੈਰਤ ਦੇ ਨਾਲ ਲਿਖੋ,
ਹੋਵੇ ਵੀ ਸਚਾਈ ਨਾ ਹੀ ਰੱਖੀਏ ਲਿਹਾਜ ਨੂੰ।
ਜਸਵੀਰ ਸ਼ਰਮਾਂ ਦੱਦਾਹੂਰ