ਧੂੜ ਉਡਾਈ ਵਕ਼ਤ ਨੇ ,
ਚੜ੍ਹਿਆ ਅਗਲਾ ਸਾਲ,
ਪੱਤਰੀ ਮੁੜ ਮੁੜ ਦੱਸਦੀ
ਰਹਿਣਾ ਓਹੀ ਹਾਲ।
ਨੁਹਾਰ ਬਦਲ ਜਾਏ ਦੇਸ਼ ਦੀ,
ਮਨਾ ਚੱਲ ਕੋਈ ਐਸੀ ਚਾਲ।
ਕੱਢੋ ਦੇਸ਼ ਚੋਂ ਕਾਲੇ ਲੋਕਾਂ ਨੂੰ,
ਬੰਦ ਹੋ ਜਾਏ ਚਿੱਟਾ ਮਾਲ।
ਧੂੜ ਉਡਾਈ ਵਕ਼ਤ ਨੇ,
ਚੜ੍ਹਿਆ ਅਗਲਾ ਸਾਲ।
ਨਾ ਵੱਧਦਾ ਤੇ ਨਾ ਫੁੱਲਦਾ,
ਹੋਇਆ ਦੇਸ਼ ਮੇਰਾ ਬੇਹਾਲ।
ਕੁਰਸੀਆਂ ਵਾਲੇ ਮੋਟੇ, ਚੌੜੇ
ਤੇ ਜਨਤਾ ਹੋਈ ਕੰਗਾਲ,
ਧੂੜ ਉਡਾਈ ਵਕ਼ਤ ਨੇ
ਚੜ੍ਹਿਆ ਅਗਲਾ ਸਾਲ।
ਜਵਾਨੀ ਨਸ਼ੇ ਨੇ ਗਾਲਤੀ
ਕੁਝ ਰੁਲਦੇ ਫਿਰਨ ਜਵਾਨ
ਜੇ ਦੇਸ਼ ਹੋਵੇ ਮੁੱਲ ਪਾਂਵਦਾ,
ਕਿਉਂ ਚੜ੍ਹ ਜਹਾਜੇ ਜਾਣ।
ਹੱਥ ਜੋੜ ਕਰਾਂ ਅਰਦਾਸ ਮਾਲਕਾ
ਇਸ ਦੇਸ਼ ਦਾ ਕੁਝ ਸਵਾਰ।
ਧੂੜ ਉਡਾਈ ਵਕ਼ਤ ਨੇ
ਚੜ੍ਹਿਆ ਅਗਲਾ ਸਾਲ,
ਪੱਤਰੀ ਮੁੜ ਮੁੜ ਦੱਸਦੀ
ਰਹਿਣਾ ਓਹੀ ਹਾਲ।
ਸੰਦੀਪ ਕੌਰ ਤਲਵੰਡੀ