Friday, January 28, 2022
24 Punjabi News World
Mobile No: + 31 6 39 55 2600
Email id: hssandhu8@gmail.com

Poem

ਨਵੇਂ ਸਾਲ ਵੀਹ ਸੌ ਬਾਈ ਦੀ ਆਮਦ ਤੇ ਵਾਹਿਗੁਰੂ ਨੂੰ ਅਰਜੋਈ - ਜਸਵੀਰ ਸ਼ਰਮਾਂ ਦੱਦਾਹੂਰ

December 30, 2021 10:04 PM
ਨਵੇਂ ਸਾਲ ਵੀਹ ਸੌ ਬਾਈ ਦੀ ਆਮਦ ਤੇ ਵਾਹਿਗੁਰੂ ਨੂੰ ਅਰਜੋਈ
 
ਨਵਾਂ ਸਾਲ ਇਹੋ ਜਿਹਾ ਚੜਾਈਂ ਦਾਤਿਆ।
ਸੱਭ ਦੇ ਦਿਲਾਂ ਚ ਠੰਢ ਪਾਈਂ ਦਾਤਿਆ।।
ਝਗੜਾ ਲੜਾਈ ਕੋਈ ਫਸਾਦ ਹੋਵੇ ਨਾ,
ਕਰਾਂ ਹੱਥ ਜੋੜ ਬੇਨਤੀ ਪੁਗਾਈਂ ਦਾਤਿਆ।
ਨਵਾਂ ਸਾਲ ਇਹੋ ਜਿਹਾ ਚੜਾਈਂ,,,,,,
ਸੱਭ ਦੇ ਦਿਲਾਂ ਚ ਠੰਢ ਪਾਈਂ ਦਾਤਿਆ।
 
ਲੱਗ ਜੇ ਲਗਾਮ ਬੇ--ਰੁਜ਼ਗਾਰੀ ਨੂੰ।
ਪੈ ਜਾਵੇ ਠੱਲ੍ਹ ਨਸ਼ੇ ਦੀ ਬੀਮਾਰੀ ਨੂੰ।।
ਸਦਬੁੱਧੀ ਸੱਭ ਦੀ ਬਣਾਈਂ ਦਾਤਿਆ,,,,
ਨਵਾਂ ਸਾਲ ਇਹੋ ਜਿਹਾ,,,,,,,
ਸੱਭ ਦੇ ਦਿਲਾਂ ਚ  ਠੰਢ ਪਾਈਂ ਦਾਤਿਆ।
 
ਅੱਥਰੂ ਕਿਸੇ ਵੀ ਅੱਖ ਵਿੱਚ ਆਵੇ ਨਾ।
ਤੰਗੀ ਵਿੱਚ ਕੋਈ ਜ਼ਿੰਦਗੀ ਲੰਘਾਵੇ ਨਾ।।
ਹਰ ਘਰੇ ਬਰਕਤ ਪਾਈਂ ਦਾਤਿਆ,,,,,
ਨਵਾਂ ਸਾਲ ਇਹੋ ਜਿਹਾ,,,,,
ਸੱਭ ਦੇ ਦਿਲਾਂ ਚ ਠੰਢ ਪਾਈਂ ਦਾਤਿਆ।
 
ਹੱਦਾਂ ਸਰਹੱਦਾਂ ਤੇ ਨਾ ਡੁੱਲ੍ਹੇ ਖ਼ੂਨ ਜੀ।
ਕਤਲ ਨਾ ਹੋਣ ਕੁੱਖਾਂ ਚ ਭਰੂਣ ਜੀ।।
ਐਹੋ ਜਿਹੇ ਪਾਪਾਂ ਤੋਂ ਬਚਾਈਂ ਦਾਤਿਆ,,,,
ਨਵਾਂ ਸਾਲ ਇਹੋ ਜਿਹਾ,,,,,
ਸੱਭ ਦੇ ਦਿਲਾਂ ਚ ਠੰਢ ਪਾਈਂ ਦਾਤਿਆ।
 
ਨਫ਼ਰਤ  ਈਰਖਾ  ਦਵੈਸ਼  ਨਾ ਰਹੇ।
ਕਿਸੇ ਦੀ ਅਧੂਰੀ ਫਰਮਾਇਸ਼ ਨਾ ਰਹੇ।।
ਫੁੱਲਾਂ ਵਾਂਗ ਚਿਹਰੇ ਮਹਿਕਾਈਂ ਦਾਤਿਆ,, 
ਨਵਾਂ ਸਾਲ ਇਹੋ ਜਿਹਾ,,,,,
ਸੱਭ ਦੇ ਦਿਲਾਂ ਚ ਠੰਢ ਪਾਈਂ ਦਾਤਿਆ।
 
ਕੰਮ ਕਾਰ ਰੁਕਣ ਨਾ ਰਹਿਣ ਚੱਲਦੇ।
ਰੱਖੀਂ ਸੱਭ ਦੇ ਹੀ ਮਾਲਿਕਾ ਤੂੰ ਚੁਲ੍ਹੇ ਬੱਲਦੇ।
ਕਰੇ ਹਰ ਬੰਦਾ ਹੱਕ ਦੀ ਕਮਾਈ ਦਾਤਿਆ
ਨਵਾਂ ਸਾਲ ਇਹੋ ਜਿਹਾ,,,,
ਸੱਭ ਦੇ ਦਿਲਾਂ ਚ ਠੰਢ ਪਾਈਂ ਦਾਤਿਆ।
 
ਕਰੋਨਾ ਜਿਹੀ ਬੀਮਾਰੀ ਫਿਰ ਫੇਰਾ ਪਾਵੇ ਨਾ।
ਰੋਟੀ ਵੱਲੋਂ ਕਿਸੇ ਨੂੰ ਵੀ ਤੜਪਾਵੇ ਨਾ।।
ਵੀਹ ਇੱਕੀ ਵਾਲੇ ਦੁੱਖੜੇ ਭੁਲਾਈਂ ਦਾਤਿਆ
ਨਵਾਂ ਸਾਲ ਇਹੋ ਜਿਹਾ,,,,,
ਸੱਭ ਦੇ ਦਿਲਾਂ ਚ ਠੰਢ ਪਾਈਂ ਦਾਤਿਆ।
 
ਆਪਣੇ ਪੈਰਾਂ ਤੇ ਖੜਨਾ ਸਿਖਾ ਦੇ ਤੂੰ।
ਦੱਦਾਹੂਰੀਏ ਦੀ ਇਹੀ ਅਰਜ਼ ਪੁਗਾ ਦੇ ਤੂੰ।
ਤੈਨੂੰ ਭੁੱਲੇ ਨਾ ਕੋਈ,ਸੱਭ ਨੂੰ ਸਿਖਾਈਂ ਦਾਤਿਆ,,,,,
ਨਵਾਂ ਸਾਲ ਇਹੋ ਜਿਹਾ ਚੜਾਈਂ ਦਾਤਿਆ
ਸੱਭ ਦੇ ਦਿਲਾਂ ਚ ਠੰਢ ਪਾਈਂ ਦਾਤਿਆ।
 
ਜਸਵੀਰ ਸ਼ਰਮਾਂ ਦੱਦਾਹੂਰ

Have something to say? Post your comment