ਕਿਸਾਨੀ ਅਤੇ ਜਵਾਨੀ
ਲੋਕ ਲਹਿਰ ਜਦ ਪੈਦਾ ਹੁੰਦੀ ,
ਪਿੱਛੇ ਰੋਸ ਨਿਸ਼ਾਨੀ ਹੁੰਦੀ ,
ਧਰਤੀ ਪੁੱਤਰ ਜਾਗ ਹੀ ਪੈਂਦੇ ,
ਦੇਣ ਲਈ ਕੁਰਬਾਨੀ ਹੁੰਦੀ ,
ਛੱਡ ਬੰਦੂਕਾਂ ਪੁੱਤ ਪੰਜਾਬੀ ,
ਸਾਹਿਤਕ ਕਲਮ ਨਿਸ਼ਾਨੀ ਹੁੰਦੀ ,
ਦਿਲਜੀਤ , ਬਾਵੇ , ਬੀਰ ਅਤੇ ਹਰਭਜਨ ਜਿਹੇ ,
ਸਮਝਾ ਹੀ ਦਿੰਦੇ , ਹੁਣ ਨਾ ਜੰਗ ਮੈਦਾਨੀ ਹੁੰਦੀ ,
ਉੱਠੇ ਪੁੱਤਰ , ਧੀ ਜਦੋਂ ਵੀ ,
ਹੱਕਾਂ ਲਈ ਨੀਂ ਚਰਨੀ ਪੈਂਦੀ ,
ਹਰਫ਼ , ਕੰਨਵਰ ਅਤੇ ਜੱਸ ਬਾਜਵੇ ,
ਅਵਾਜ਼ ਬੁਲੰਦ ਕਰਨੀ ਹੀ ਹੁੰਦੀ ,
ਮਾਂਵਾ , ਧੀਆਂ , ਗੱਭੂਰਆਂ ਲਈ ,
ਪੱਗ ਬਸੰਤੀ ਚੁੰਨੀ ਹੁੰਦੀ ,
ਗੀਤਾਂ ਵਿੱਚ ਸਮਝਾ ਹੀ ਦਿੰਦੇ ,
ਜ਼ਿੰਦਬਾਦ ਜਵਾਨੀ ਹੁੰਦੀ ,
ਸਾਰੇ ਗਾਇਕ ਹਲੂਣਾ ਦੇ ਗਏ ,
ਗੁਰਮੁੱਖੀ ਨਾਲ ਜੋੜ ਕਿਸਾਨੀ ਹੁੰਦੀ ।
ਸੁਖਪਾਲ ਸਿੰਘ ਗਿੱਲ