ਲਾਹਣਤ
ਲੱਖ ਲਾਹਣਤ ਔਰਤ ਹੋਣ ਤੇ ,
ਤੂੰ ਔਰਤ ਦੇ ਨਾ ਭਾਰ।
ਤੇਰੇ ਚੱਲ ਜਾਣ ਕੀੜੇ ਪਾਪਣੇ ,
ਤੈਨੂੰ ਧੁਰੋੰ ਪਵੇ ਫਟਕਾਰ।
ਤੈਨੂੰ ਮੰਗੀ ਮੌਤ ਵੀ ਨਾ ਮਿਲੇ ,
ਤੈਥੋੰ ਜਾਵੇ ਜ਼ਿੰਦਗੀ ਉਕ।
ਤੂੰ ਰਗੜੇ ਨੱਕ ਔਲਾਦ ਲਈ ,
ਨੀ ਤੇਰੀ ਹਰੀ ਹੋਵੇ ਨਾ ਕੁੱਖ ।
ਖਸਮ ਹੰਢਾ ਕੇ ਪਾਪਣੇ,
ਸਿਟੀ ਜੰਮ ਕੇ ਅਲਫ ਮਸੂਮ।
ਤੇਰੇ ਕੰਨੀਂ ਚੀਕਾਂ ਪੈਣ ਉਹਦੀਆਂ,
ਮਿਲੇ ਨਾ ਤੈਨੂੰ ਸਕੂਨ ।
ਉਹ ਕੰਧਾਂ ਵਿਚ ਹੱਥ ਮਾਰੇ ਤੂੰ ,
ਜਿਹੜੇ ਹੱਥੀਂ ਦਿੱਤੀ ਸੁੱਟ।
ਤੂੰ ਰਗੜੇ ਨੱਕ ਔਲਾਦ ਲਈ,
ਨੀ ਤੇਰੀ ਹਰੀ ਹੋਵੇ ਨਾ ਕੁੱਖ ।
ਲੱਗ ਮਾਸੂਮ ਤੇ ਜਾਣ ਨੀਂ,
ਤੈਨੂੰ ਹੌਕੇ ਬਣ ਸ਼ਰਾਪ ।
ਉਹ ਹੈਨੀ ਬਖਸ਼ਣਯੋਗ ਨੀ ,
ਜਿਹੜਾ ਕੀਤਾ ਏ ਤੂੰ ਪਾਪ ।
ਤੈਨੂੰ ਕਮਲੀ ਕਰਦੇ ਪਾਪਣੇ,
ਹਵਸ ਤੇਰੀ ਦੀ ਭੁੱਖ ।
ਤੂੰ ਰਗੜੇ ਨੱਕ ਔਲਾਦ ਲਈ,
ਨੀ ਤੇਰੀ ਹਰੀ ਹੋਵੇ ਨਾ ਕੁੱਖ ।
ਨੀ ਤੇਰੇ ਤੋਂ ਕੁੱਤੀ ਵੀ ਚੰਗੀ ,
ਜੀਹਨੇ ਲਈ ਸੰਭਾਲ ।
"ਵੀਰਪਾਲ ਭੱਠਲ"ਸੱਚ ਆਖਦੀ ,
ਤੂੰ ਬਣਗੀ ਧੀ ਦਾ ਕਾਲ ।
ਇੰਜ ਮਰਨ ਲਈ ਨਾ ਛੱਡਦੀ,
ਤੂੰ ਗਲ਼ ਹੀ ਦਿੰਦੀ ਘੁੱਟ ।
ਤੂੰ ਰਗੜੇ ਨੱਕ ਅੌਲਾਦ ਲਈ ,
ਨੀ ਤੇਰੀ ਹਰੀ ਹੋਵੇ ਨਾ ਕੁੱਖ ।
ਵੀਰਪਾਲ ਕੌਰ ਭੱਠਲ