ਯੈਸਮੈਨ ਫ਼ਿਲਮਜ਼ ਅਤੇ ਜੀ ਐਫ ਐਨ ਸਟੂਡੀਓ ਆਸਟ੍ਰੇਲੀਆ ਦੀ
ਪੰਜਾਬੀ ਫੀਚਰ ਫ਼ਿਲਮ' ਹਵੇਲੀ ਇਨ ਟਰੱਬਲ' ਦਾ ਸ਼ਡਿਊਲ ਹੋਇਆ ਮੁਕੰਮਲ
----------------------------------------------
ਯੈਸਮੈਨ ਫ਼ਿਲਮਜ਼ ਅਤੇ ਜੀ ਐਫ ਐਨ ਸਟੂਡੀਓ ਆਸਟ੍ਰੇਲੀਆ ਦੇ ਬੈਨਰ ਹੇਠ ਬਣੀ ਰਹੀ ਇਸ ਫ਼ਿਲਮ ਦੇ ਚਰਚਿਤ ਨਿਰਦੇਸ਼ਕ ਦੇਵੀ ਸ਼ਰਮਾ ਦੇ ਨਿਰਦੇਸ਼ਨਾਂ ਹੇਠ ਪੰਜਾਬੀ ਫੀਚਰ ਫ਼ਿਲਮ 'ਹਵੇਲੀ ਇਨ ਟਰੱਬਲ' ਦਾ ਮੁਕੰਮਲ ਸ਼ੂਟ ਬਠਿੰਡਾ ਸ਼ਹਿਰ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਤੇ ਆਸਟ੍ਰੇਲੀਆ ਦੀ ਵਿਦੇਸ਼ੀ ਧਰਤੀ ਦੀਆਂ ਖੂਬਸੂਰਤ ਲੋਕੇਸ਼ਨਜ਼ ਤੇ ਫ਼ਿਲਮਾਇਆ ਗਿਆ ਹੈ। ਜਿਸ ਤਰ੍ਹਾਂ ਪਹਿਲਾਂ ਦੱਸਿਆ ਹੈ ਕਿ ਇਸ ਫ਼ਿਲਮ ਦੇ ਨਿਰਦੇਸ਼ਕ ਦੇਵੀ ਸ਼ਰਮਾ ਤੇ ਫ਼ਿਲਮ ਦੀ ਕਹਾਣੀ ਖੁਸ਼ਬੂ ਸ਼ਰਮਾ ਨੇ ਲਿਖੀ ਹੈ । ਸਕਰੀਨ ਪਲੇਅ ਤੇ ਡਾਇਲਾਗ ਦੇਵੀ ਸ਼ਰਮਾ ਦੁਆਰਾ ਰਚਿਤ ਹਨ ਖੁਸ਼ਬੂ ਸ਼ਰਮਾ ਤੇ ਦੇਵੀ ਸ਼ਰਮਾ ਦੀ ਇਸ ਪਤੀ ਪਤਨੀ ਦੀ ਜੋੜੀ ਨੇ ਇਸ ਤੋਂ ਪਹਿਲਾਂ ਵੀ 'ਦੁੱਲਾ ਵੈਲੀ' 'ਕੰਟਰੀ ਸਾਈਡ ਗੁੰਡੇ' ਵਰਗੀਆਂ ਸਫ਼ਲ ਫਿਲਮਾਂ ਦਰਸ਼ਕਾਂ ਦੀ ਝੋਲੀ ਪਾ ਚੁੱਕੇ ਹਨ। ਫ਼ਿਲਮ ਦੇ ਐਡੀਟਰ ਗੁਰਮੀਤ ਲੱਧੜ ਹਨ ਇਸ ਫ਼ਿਲਮ ਦੇ ਸਬੰਧਤ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੇਵੀ ਸ਼ਰਮਾ ਨੇ ਦੱਸਿਆ ਕਿ ਇਹ ਪੰਜਾਬੀ ਸਿਨੇਮੇ ਦੀ ਪਹਿਲੀ ਕਾਮੇਡੀ ਤੇ ਹਾਰਰ ਫ਼ਿਲਮ ਹੋਵੇਗੀ । ਇਸ ਫ਼ਿਲਮ ਦੇ ਪ੍ਰੋਡਿਊਸਰ ਸੁਮੀਤ ਮਾਣਕ ਨੇ ਇਸ ਫ਼ਿਲਮ ਦਾ ਟਾਈਟਲ ਉਘੇ ਸ਼ਾਇਰ ਤੇ ਗੀਤਕਾਰ ਦਲਜੀਤ ਸਿੰਘ ਅਰੋੜਾ ਨੇ ਲਿਖਿਆ ਹੈ ਜੇ ਫ਼ਿਲਮ ਦੀ ਕਾਸਟ ਦੀ ਗੱਲ ਕਰੀਏ ਤਾਂ ਇਸ ਵਿਚ ਲਖਵਿੰਦਰ, ਨੀਤ ਮਾਹਲ, ਸੁਮੀਤ ਮਾਣਕ, ਹਰਜੀਤ ਵਾਲੀਆ, ਪਰਵਿੰਦਰ ਧਾਮੀ ( ਹੀਰਾ ਗਰੁੱਪ ਯੂ ਕੇ), ਸੁਸ਼ਮਾ ਪ੍ਰਸ਼ਾਤ, ਰਾਜੇਸ਼ ਭਾਟੀ, ਗੁਰਪ੍ਰੀਤ ਕੌਰ ਭੰਗੂ, ਅਰਵਿੰਦਰ ਭੱਟੀ, ਸਮਰਾਟ ਕਪੂਰ, ਲਛਮਣ ਸਿੰਘ ਕੰਗ, ਨਵੀਨ ਵਾਲੀਆ ,ਸਪਨਾ ਬਰਾੜ, ਹਰਬੰਸ ਸਿੰਘ ਕੁਲਾਰ ਤੇ ਰਵਿੰਦਰ ਸ਼ਰਮਾ ਹਨ । ਉਮੀਦ ਕੀਤੀ ਜਾਂਦੀ ਹੈ ਇਹ ਫ਼ਿਲਮ ਦਰਸ਼ਕਾਂ ਦੀਆਂ ਉਮੀਦਾਂ ਤੇ ਖਰਾ ਉਤਰੇਗੀ।
----------------------------------------------
ਮੰਗਤ ਗਰਗ / ਜੌਹਰੀ ਮਿੱਤਲ
ਫ਼ਿਲਮ ਜਰਨਲਿਸਟ