ਪੰਜਾਬੀ ਫਿਲਮ ਇੰਡਸਟਰੀ ਦੀ ਧੱਕੜ ਜੱਟੀ * ਦੀਪ ਗਿੱਲ ਪਾਂਘਲ਼ੀਆਂ
ਦੀਪ ਗਿੱਲ ਪਾਂਘਲ਼ੀਆਂ ਉਹ ਹਿੰਮਤੀ ਤੇ ਮਿਹਨਤੀ ਕੁੜੀ ਹੈ ਜੋ ਆਪ ਖੂਹ ਪੱਟ ਕੇ ਪਾਣੀ ਪੀਂਦੀ ਹੈ , ਭਾਵ ਕਿ ਉਹ ਕਿਸੇ ਦੀ ਮੁੱਥਾਜੀ ਨਾ ਝੱਲ ਕੇ ਆਪਣੀ ਮਿਹਨਤ ਸਦਕਾ ਆਪਣੇ ਨਵੇਂ ਟੀਚੇ ਮਿੱਥ ਕੇ ਉਨ੍ਹਾਂ ਨੂੰ ਸਰ ਵੀ ਕਰਦੀ ਹੈ। ਇੱਕ ਸੁਲ਼ਝੀ ਹੋਈ ਲੇਖਿਕਾ ਤੇ ਕਲਾਕਾਰ ਤੋਂ ਬਾਅਦ ਹੁਣ ਦੀਪ ਨੇ ਫਿਲਮ ਨਿਰਦੇਸ਼ਕਾ ਵਜੋਂ ਆਪਣੀ ਹੋਮ ਪ੍ਰੋਡਕਸ਼ਨ ਵਿੱਚ ਬਣੀ ਫਿਲਮ ਲੰਬੜਦਾਰੀ ਰਾਹੀਂ ਐਂਟਰੀ ਕੀਤੀ ਹੈ। ਕੁੱਲੂ ਪਨੇਸਰ ਤੇ ਦੀਪ ਗਿੱਲ ਦੋਵੇਂ ਕੁੜੀਆਂ ਲੰਬੜਦਾਰੀ ਦੀਆਂ ਨਿਰਮਾਤਾ ਵੀ ਹਨ। ਪੰਜਾਬੀ ਫਿਲਮ ਇੰਡਸਟਰੀ ਦੇ ਭਵਿੱਖ ਨਾਲ਼ ਇੱਕ ਰੌਚਕ ਤੱਤ ਜੁੜਨ ਦਾ ਰਿਹਾ ਕਿ ਪਹਿਲੀ ਬਾਰ ਦੋ ਕੁੜੀਆਂ ਫਿਲਮ ਮੇਕਰ ਵਜੋਂ "ਦ ਕੌਰਜ ਪ੍ਰੋਡਕਸ਼ਨ" ਰਾਹੀਂ ਇੰਡਸਟਰੀ ਦੇ ਰੂਬਰੂ ਹੋਣ ਦਾ ਰਹੀਆਂ ਹਨ।
ਇਸ ਫਿਲਮ ਵਿੱਚ ਤਰਸੇਮ ਪਾਲ ਲੀਡ ਕਰ ਰਹੇ ਹਨ। ਬਲਵਿੰਦਰ ਧਾਲੀਵਾਲ ਇੱਕ ਦਮਦਾਰ ਰੋਲ ਵਿਚ ਹੈ। ਨਾਲ਼ ਹੀ ਬਲਕਾਰ ਸਿੱਧੂ , ਪੰਮੀ ਸਿੱਧੂ ਸੰਧੁ , ਸੰਜੀਵ ਕਲੇਰ , ਇੰਦਰਜੀਤ ਸਿੰਘ , ਗਗਨਦੀਪ ਕੌਰ ਤੇ ਬੱਚੇ ਦੇ ਰੋਲ ਵਿੱਚ ਅਵਜੋਤ ਗਰੇਵਾਲ ਨੇ ਬਹੁਤ ਵਧੀਆ ਕੰਮ ਕੀਤਾ ਹੈ। ਫਿਲਮ ਦੀ ਕਹਾਣੀ ਹਲਕੇ ਫੁਲਕੇ ਢੰਗ ਨਾਲ਼ ਆਮ ਪੰਜਾਬੀ ਜ਼ਿੰਦਗੀ ਦੇ ਕਈ ਪਹਿਲੂਆਂ ਨਾਲ਼ ਖਹਿ ਕੇ ਲੰਘਦੀ ਹੈ।
ਦੋ ਘੰਟੇ ਦੀ ਇਹ ਵੈੱਬ ਫਿਲਮ "ਦ ਕੌਰਜ ਪ੍ਰੋਡਕਸ਼ਨ" ਦੀ ਪਹਿਲੀ ਫ਼ਿਲਮ ਹੈ। ਇਸ ਫਿਲਮ ਦੀ ਸ਼ੂਟਿੰਗ ਮੋਰਿੰਡਾ ਨੇੜੇ ਪਿੰਡ ਕਕਰਾਲੀ ਵਿੱਚ ਪੂਰੀ ਕੀਤੀ ਗਈ ਹੈ।