ਮੁੰਡੇ ਨੂੰਹਾਂ ਆਪਣੇ ਫ਼ਰਜ਼ਾਂ ਨੂੰ ਸਮਝਣ :ਸੰਜੀਵ ਸਿੰਘ ਸੈਣੀ

ਮਾਂ ਬਾਪ ਦੇ ਬਹੁਤ ਸੁਪਨੇ ਹੁੰਦੇ ਹਨ ਕਿ ਉਨ੍ਹਾਂ ਦੇ ਬੱਚੇ ਬੁਢਾਪੇ ਸਮੇਂ ਉਨ੍ਹਾਂ ਦੀ ਦੇਖਭਾਲ ਕਰਨ ।ਮਾਂ ਬਾਪ ਆਪਣੇ ਬੱਚਿਆਂ ਨੂੰ ਆਪਣੇ ਪੈਰਾਂ ਤੇ ਖੜ੍ਹਾ ਕਰਦੇ ਹਨ। ਮਾਂ ਬਾਪ ਦੀ ਇਹ  ਉਮੀਦ  ਹੈ ਕਿ ਉਨ੍ਹਾਂ ਦੇ ਬੱਚੇ ਆਪਣੇ ਵਧੀਆ ਰੁਜ਼ਗਾਰ ਕਰਨ। ਹਰ ਇੱਕ ਮਾਂ ਬਾਪ ਦੀਆਂ ਉਮੀਦਾਂ ਹੁੰਦੀਆਂ ਹਨ ਕਿ ਉਨ੍ਹਾਂ ਦੇ ਬੱਚੇ ਹਰ ਸਮੇਂ ਉਨ੍ਹਾਂ ਦੀ ਦੇਖਭਾਲ ਕਰਨ।੨੧ ਵੀਂ ਸਦੀ ਵਿੱਚ  ਅਸੀਂ ਗੁਜਰ ਰਹੇ ਹਾਂ ।ਪਰ ਹੁਣ ਸਮਾਂ ਉਹ ਨਹੀਂ ਰਿਹਾ ਹੈ ਜ਼ਿੰਦਗੀ ਬਹੁਤ ਹੀ ਅਡਵਾਂਸ ਹੋ ਚੁੱਕੀ ਹੈ। ਬੱਚਿਆਂ ਕੋਲ ਸਮਾਂ ਹੀ ਨਹੀਂ ਹੈ ਕਿ ਉਹ ਮਾਂ ਬਾਪ ਦਾ ਹਾਲ ਚਾਲ ਪੁੱਛਣ।ਵਿਆਹ ਸਮਾਗਮਾਂ ਵਿੱਚ ਹੀ ਬੱਚੇ ਮਾਂ ਬਾਪ ਨੂੰ ਮਿਲਦੇ ਹਨ  ।ਕਈ ਮੁੰਡੇ ਨੂੰਹਾਂ  ਤਾਂ ਆਪਣੇ ਸਹੁਰਾ ਪਰਿਵਾਰ  ਤੋਂ ਅੱਡ ਰਹਿੰਦੇ ਹਨ।ਜਦੋਂ ਕੋਈ ਪਰਿਵਾਰ ਵਿੱਚ ਵਿਆਹ ਸ਼ਾਦੀ ਹੁੰਦੀ ਹੈ ਤਾਂ ਉਹ ਅਜਿਹੇ ਪ੍ਰੋਗਰਾਮਾਂ ਵਿੱਚ ਆਪਣੇ ਮਾਂ ਬਾਪ ਨੂੰ ਮਿਲਦੇ ਹਨ ।  ਮੁੰਡੇ ਨੂੰਹਾਂ  ਦੀ ਜ਼ਿੰਮੇਵਾਰੀ ਹੁੰਦੀ ਹੈ ਉਹ ਆਪਣੇ ਸੱਸ ਸਹੁਰੇ  ਦੇ ਫ਼ਰਜ਼ਾਂ ਨੂੰ ਸਮਝਣ। ਬੱਚਿਆਂ ਨੂੰ ਆਪਣੇ ਮਾਂ ਬਾਪ ਨੂੰ ਸਮਾਂ ਦੇਣਾ ਚਾਹੀਦਾ ਹੈ। ਬੱਚਿਆਂ ਨੂੰ ਸੋਚਣਾ ਚਾਹੀਦਾ ਹੈ ਕਿ ਮਾਤਾ ਪਿਤਾ  ਕਿੰਨੀਆਂ ਤੰਗੀਆਂ ਕੱਟ ਕੇ ਉਨ੍ਹਾਂ ਨੂੰ ਪੜ੍ਹਾਉਂਦੇ ਹਨ, ਫਿਰ ਉਨ੍ਹਾਂ ਨੂੰ ਆਪਣੇ ਪੈਰਾਂ ਤੇ ਖੜ੍ਹਾ ਕਰਦੇ ਹਨ ।ਬੱਚਿਆਂ ਨੂੰ ਇਹ ਜ਼ਿੰਮੇਵਾਰੀਆਂ ਤੋਂ ਨਹੀਂ ਭੱਜਣਾ ਚਾਹੀਦਾ। ਪੱਛਮੀ ਸੱਭਿਅਤਾ ਦਾ ਬਹੁਤ ਬੋਲਬਾਲਾ ਹੈ। ਨੂੰਹਾਂ ਨੂੰ ਵੀ ਆਪਣੀ ਸੱਸ ਨੂੰ ਮਾਂ ਦਾ ਦਰਜਾ ਦੇਣਾ ਚਾਹੀਦਾ ਹੈ। ਨੂੰਹ ਦੀ ਜ਼ਿੰਮੇਵਾਰੀ ਬਣਦੀ ਹੈ ਕਿ ਉਹ ਆਪਣੀ ਸੱਸ ਦੀ ਕਦਰ ਕਰੇ।   ਸਹੁਰੇ ਨੂੰ ਪਿਤਾ ਦਾ ਦਰਜਾ ਦੇਣਾ ਚਾਹੀਦਾ ਹੈ। ਕਿਉਂਕਿ ਅਕਸਰ ਘਰਾਂ ਵਿੱਚ ਦੇਖਿਆ ਜਾਂਦਾ ਹੈ ਕਿ ਨੂੰਹਾਂ  ਸਾਰਾ ਦਿਨ ਫੋਨ ਤੇ ਆਪਣੀ ਮਾਂ ਨਾਲ ਲੱਗੀ ਰਹਿੰਦੀ ਹੈ ।ਅਜਿਹੇ ਘਰਾਂ ਵਿੱਚ ਜ਼ਿਆਦਾ ਪੁਆੜੇ ਪੈਂਦੇ ਹਨ ।ਜਿਹੜੇ ਪਰਿਵਾਰਾਂ ਵਿੱਚ ਨੂੰਹਾਂ ਆਪਣੇ ਪੇਕਿਆਂ ਦੇ ਮੁਤਾਬਕ ਚੱਲਦੀਆਂ ਹਨ ਉਹ ਘਰ ਤਬਾਹੀ ਤੇ ਆ ਜਾਂਦੇ ਹਨ ।ਨੂੰਹਾਂ ਨੂੰ ਆਪਣੇ ਪੇਕਿਆਂ ਤੋਂ ਮੋਹ ਘੱਟ ਕਰ ਦੇਣਾ ਚਾਹੀਦਾ ਹੈ ,ਕਿਉਂਕਿ ਹੁਣ ਉਹ ਸਹੁਰਾ ਪਰਿਵਾਰ ਵਿੱਚ ਰਹਿ ਰਹੀਆਂ ਹਨ  ।ਨੂੰਹਾਂ ਦੀ ਵੱਡੀ ਜ਼ਿੰਮੇਵਾਰੀ ਬਣ ਜਾਂਦੀ ਹੈ ਕਿ ਹੁਣ ਉਹ ਸਹੁਰਾ ਪਰਿਵਾਰ ਹੀ ਉਨ੍ਹਾਂ ਦਾ ਆਪਣਾ ਪਰਿਵਾਰ ਹੈ ।ਨੂੰਹਾਂ ਨੂੰ ਆਪਣੇ ਪੇਕਿਆਂ ਪਰਿਵਾਰ ਵਿੱਚ ਬਹੁਤ ਹੀ ਘੱਟ ਜਾਣਾ ਚਾਹੀਦਾ ਹੈ ।ਚਲੋ ਕੋਈ ਮੁਸੀਬਤ ਹੈ, ਜਾ ਕੋਈ ਦੁੱਖ ਤਕਲੀਫ਼ ਹੈ ਤਾਂ ਤਾਂ ਚਲੋ ਜਾਣਾ ਹੀ ਬਣਦਾ ਹੈ ।ਥੋੜ੍ਹਾ ਸਮਾਂ ਜਾਓ ਤੇ ਫਿਰ ਵਾਪਸ ਆਪਣੇ ਘਰ ਆ ਜਾਓ ।ਨੂੰਹਾਂ ਨੂੰ ਆਪਣੇ ਪਤੀ ਤੇ ਸੱਸ ਸਹੁਰੇ ਦੇ ਮੁਤਾਬਿਕ ਚੱਲਣਾ ਚਾਹੀਦਾ ਹੈ ਕਿਉਂਕਿ ਸੱਸ ਸਹੁਰਾ ਕਦੇ ਵੀ ਆਪਣੇ ਪਰਿਵਾਰ ਦਾ ਮਾੜਾ ਨਹੀਂ ਸੋਚਦੇ ।ਸੱਸ ਸਹੁਰਾ ਦੀ ਵੀ ਜ਼ਿੰਮੇਵਾਰੀ ਬਣ ਜਾਂਦੀ ਹੈ ਕਿ ਆਪਣੀ ਨੂੰਹ ਨੂੰ ਆਪਣੀ ਧੀਆਂ ਵਾਂਗੂੰ ਰੱਖਣ ,ਅਜਿਹੇ ਘਰ ਫਿਰ ਸਵਰਗ ਬਣ ਜਾਂਦੇ ਹਨ ।

 

 

ਸੰਜੀਵ ਸਿੰਘ ਸੈਣੀ, ਮੋਹਾਲੀ।