Tuesday, September 21, 2021
24 Punjabi News World
Mobile No: + 31 6 39 55 2600
Email id: hssandhu8@gmail.com

Article

ਪੰਜਾਬੀ ਮਾਂ ਬੋਲੀ ਨੂੰ ਸਮਰਪਿਤ ਅਧਿਆਪਕ ਵਤਨ ਸਿੰਘ ।

August 30, 2021 11:59 PM
ਪੰਜਾਬੀ ਮਾਂ ਬੋਲੀ ਨੂੰ ਸਮਰਪਿਤ ਅਧਿਆਪਕ ਵਤਨ ਸਿੰਘ ।
 
ਪੰਜਾਬੀ ਮਾਂ ਬੋਲੀ ਦੀ ਸੇਵਾ ਦਾ ਜਜ਼ਬਾ ਦੇਖਣਾ ਹੋਵੇ ਤਾਂ ਤੁਸੀਂ ਪੰਜਾਬੀ ਮਾਸਟਰ ਵਤਨ ਸਿੰਘ ਨਾਲ਼ ਰਾਬਤਾ ਕਰ ਸਕਦੇ ਹੋ। ਬੱਚਿਆਂ ਨੂੰ ਪੰਜਾਬੀ ਬੋਲਣ ਲਿਖਣ ਅਤੇ ਪੜ੍ਹਨ ਲਈ ਪ੍ਰੇਰਣ ਲਈ ਉਹ ਜਿੰਦ ਜਾਨ ਨਾਲ਼ ਜੁਟਿਆ ਹੋਇਆ ਹੈ। ਅੱਜ ਸਿੱਖਿਆ ਵਿਭਾਗ ਦੀ ਹਰ ਪੰਜਾਬੀ ਭਾਸ਼ਾ ਦੀ ਉੱਨਤੀ ਵਾਲ਼ੀ ਹਰ ਗਤੀਵਿਧੀ ਵਿੱਚ ਉਸ ਦਾ ਨਾਮ ਬੋਲ ਰਿਹਾ ਹੈ।ਅਧਿਆਪਕ ਵਰਗ ਨੂੰ ਮਾਂ ਬੋਲੀ ਦੇ ਇਸ ਸਪੂਤ ਤੇ ਮਾਣ ਹੈ।ਦੋਹਰੀ ਮਾਸਟਰ ਡਿਗਰੀ ਪ੍ਰਾਪਤ ਇਸ ਅਧਿਆਪਕ ਨੇ ਆਪਣੀ ਸਰਕਾਰੀ ਸੇਵਾ ਸਰਹੱਦੀ ਜ਼ਿਲ੍ਹਾ ਤਰਨਤਾਰਨ ਦੇ ਸਰਕਾਰੀ ਹਾਈ ਸਕੂਲ ਅਮਰਕੋਟ ਤੋਂ ਸ਼ੁਰੂ ਕੀਤੀ ਅਤੇ ਅੱਜ-ਕੱਲ੍ਹ ਫ਼ਾਜ਼ਿਲਕਾ ਜ਼ਿਲ੍ਹੇ ਵਿੱਚ ਸੇਵਾ ਨਿਭਾ ਰਿਹਾ ਹੈ। ਆਪਣੇ ਕੰਮ ਨੂੰ ਮਿਸ਼ਨ ਸਮਝ ਕੇ ਕਰਨ ਵਾਲ਼ੇ ਇਸ ਅਧਿਆਪਕ ਨੇ ਗੂਗਲ ਫ਼ਾਰਮ,ਪੰਜਾਬੀ ਪ੍ਰਸ਼ਨ ਪੱਤਰ ਤਿਆਰ ਕਰਨ,ਟੈਲੀਵੀਜ਼ਨ ਤੇ ਪੰਜਾਬੀ ਸੰਬੰਧੀ ਲੈਕਚਰ ਦੇਣ ਅਤੇ ਰਾਸ਼ਟਰੀ ਸਰਵੇਖਣ ੨੦੨੧ ਤੋਂ ਇਲਾਵਾ ਪੰਜਾਬ ਐਜ਼ੂਕੇਅਰ ਐਪ ਤੇ ਸਿੱਖਣ ਸਮੱਗਰੀ ਪਾ ਕੇ ਆਪਣੇ ਕਿੱਤੇ ਪ੍ਰਤੀ ਸਮਰਪਣ ਦੀ ਭਾਵਨਾ ਨਿਭਾਈ ਹੈ।
                ਅਧਿਆਪਕ ਮੇਲੇ ਵਿੱਚ ਬਲਾਕ ਵਿੱਚੋਂ ਦੂਸਰਾ ਸਥਾਨ ਪ੍ਰਾਪਤ ਕਰਕੇ ਆਪਣੀਆਂ ਮਾਣਮੱਤੀਆ ਪ੍ਰਾਪਤੀਆਂ ਵਿੱਚ ਵਾਧਾ ਕੀਤਾ ਹੈ। ਸੋਸ਼ਲ ਮੀਡੀਆ ਤੇ ਪੰਜਾਬੀ ਸਾਹਿਤ ਮੰਚ ਗਰੁੱਪ ਦੇ ਪ੍ਰਬੰਧਕ ਵਤਨ ਸਿੰਘ ਸੰਧੂ ਨੇ ਆੱਨਲਾਈਨ ਕਲਾਸਾਂ ਲਾ ਕੇ ਕਰੋਨਾ ਕਾਲ ਵਿੱਚ ਸਾਰੇ ਪੰਜਾਬ ਦੇ ਵਿਦਿਆਰਥੀਆਂ ਨੂੰ ਸਿੱਖਿਆ ਨਾਲ਼ ਜੋੜਨ ਦਾ ਠੋਸ ਉਪਰਾਲਾ ਕੀਤਾ ਹੈ।ਇੱਕ ਸੰਸਥਾ ਜਿੰਨਾ ਕੰਮ ਕਰਨ ਵਾਲ਼ੇ ਇਸ ਅਧਿਆਪਕ ਤੇ ਸਿੱਖਿਆ ਵਿਭਾਗ ਪੰਜਾਬ ਅਤੇ ਵਿਦਿਆਰਥੀਆਂ ਨੂੰ ਹਮੇਸ਼ਾ ਮਾਣ ਰਹੇਗਾ। ਆਪਣੀਆਂ ਮਾਂ ਬੋਲੀ ਦੀ ਸੇਵਾ ਲਈ ਕੋਸ਼ਿਸ਼ਾਂ  ਨੂੰ ਇਸੇ ਤਰ੍ਹਾਂ ਨਿਰੰਤਰ ਜਾਰੀ ਰੱਖੇ ਮੇਰੀ ਇਹੀ ਕਾਮਨਾ ਹੈ ।
 
— ਜਗਤਾਰ ਸਿੰਘ ਸੋਖੀ

Have something to say? Post your comment