ਗੁਜਰਾਤ ਦੇ ਕਾਂਡਲਾ ਤੋਂ ਮੁੰਬਈ ਜਾ ਰਹੇ ਸਪਾਈਸਜੈੱਟ Q400 ਜਹਾਜ਼ ਨਾਲ ਸ਼ੁੱਕਰਵਾਰ ਨੂੰ ਵੱਡਾ ਹਾਦਸਾ ਟਲ ਗਿਆ। ਉਡਾਣ ਭਰਨ ਤੋਂ ਬਾਅਦ ਇਸਦਾ ਇੱਕ ਪਹੀਆ ਰਨਵੇਅ ‘ਤੇ ਡਿੱਗ ਗਿਆ। ਜਹਾਜ਼ ਵਿੱਚ 75 ਯਾਤਰੀ ਸਵਾਰ ਸਨ, ਪਰ ਪਾਇਲਟ ਦੀ ਸਮਝਦਾਰੀ ਨਾਲ ਜਹਾਜ਼ ਸ਼ਾਮ ਚਾਰ ਵਜੇ ਮੁੰਬਈ ਹਵਾਈ ਅੱਡੇ ‘ਤੇ ਸੁਰੱਖਿਅਤ ਉਤਰ ਗਿਆ।
ਕਾਂਡਲਾ ਏਟੀਸੀ ਨੇ ਪਹੀਏ ਦੇ ਡਿੱਗਣ ਦੀ ਸੂਚਨਾ ਦਿੱਤੀ, ਜਿਸ ਤੋਂ ਬਾਅਦ ਮੁੰਬਈ ਵਿੱਚ ਐਮਰਜੈਂਸੀ ਘੋਸ਼ਿਤ ਕੀਤੀ ਗਈ। ਜਹਾਜ਼ ਸੁਚਾਰੂ ਤਰੀਕੇ ਨਾਲ ਟਰਮੀਨਲ ਤੱਕ ਲਿਆਂਦਾ ਗਿਆ ਅਤੇ ਸਾਰੇ ਯਾਤਰੀ ਸੁਰੱਖਿਅਤ ਬਾਹਰ ਆ ਗਏ।
ਏਟੀਸੀ ਟੀਮ ਨੂੰ ਰਨਵੇ ‘ਤੇ ਧਾਤ ਦੇ ਟੁਕੜਿਆਂ ਨਾਲ ਇੱਕ ਪਹੀਆ ਵੀ ਮਿਲਿਆ। ਘਟਨਾ ਕਾਰਨ ਕੁਝ ਸਮੇਂ ਲਈ ਰਨਵੇ ਸੇਵਾਵਾਂ ਰੁਕ ਗਈਆਂ ਅਤੇ ਕਈ ਉਡਾਣਾਂ ਪ੍ਰਭਾਵਿਤ ਹੋਈਆਂ, ਪਰ ਸਥਿਤੀ ਸੰਭਾਲੇ ਜਾਣ ਤੋਂ ਬਾਅਦ ਸੰਚਾਲਨ ਮੁੜ ਸ਼ੁਰੂ ਕਰ ਦਿੱਤਾ ਗਿਆ।