ਕਨਿਸ਼ਕਾ ਧੀਰ ਨੇ ਕੀਤਾ ਹਲਕਾ ਆਤਮ ਨਗਰ ਦਾ ਨਾਮ ਰੋਸ਼ਨ: ਵਿਧਾਇਕ ਬੈਂਸ
ਲੁਧਿਆਣਾ 14 ਜਨਵਰੀ ():- ਲੁਧਿਆਣਾ ਦੇ ਹਲਕਾ ਆਤਮ ਨਗਰ ਦੀ ਰਹਿਣ ਵਾਲੀ ਕਨਿਸ਼ਕਾ ਧੀਰ ਨੇ ਪੰਜਾਬ ਦੀ ਜੂਨੀਅਰ ਨੈਸ਼ਨਲ ਬਾਸਕਟਬਾਲ ਟੀਮ ਲੜਕੀਆਂ ਦੀ ਕਪਤਾਨ ਵੱਜੋਂ ਅਗਵਾਈ ਕਰਦੇ ਹੋਏ ਮੱਧ ਪ੍ਰਦੇਸ਼ ਦੇ ਸ਼ਹਿਰ ਇੰਦੌਰ ਵਿਖੇ ਹੋਈ ਚੈਪੀਅਨਸ਼ਿਪ ਵਿਚ 71ਵਾਂ ਗੋਲਡ ਮੈਡਲ ਜਿੱਤ ਕੇ ਜਿੱਥੇ ਇਤਿਹਾਸ ਰਚਿਆ ਹੈ ਉਥੇ ਹੀ ਆਪਣੇ ਮਾਤਾ ਪਿਤਾ ਦੇ ਨਾਲ ਨਾਲ ਲੁਧਿਆਣਾ ਅਤੇ ਹਲਕਾ ਆਤਮ ਨਗਰ ਦਾ ਨਾਮ ਵੀ ਰੋਸ਼ਨ ਕੀਤਾ। ਜਿਸ ਨੂੰ ਸਨਮਾਨਿਤ ਕਰਨ ਲਈ ਲੋਕ ਇਨਸਾਫ ਪਾਰਟੀ ਦੇ ਪ੍ਰਧਾਨ ਅਤੇ ਹਲਕਾ ਆਤਮ ਨਗਰ ਤੋਂ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਉਹਨਾਂ ਦੇ ਗ੍ਰਹਿ ਵਿਖੇ ਪਹੁੰਚੇ। ਇਸ ਮੌਕੇ ਪੱਤਰਕਾਰਾ ਨਾਲ ਗੱਲਬਾਤ ਕਰਦਿਆ ਵਿਧਾਇਕ ਬੈਂਸ ਨੇ ਕਿਹਾ ਕਿ ਹਲਕਾ ਆਤਮ ਨਗਰ ਦੇ ਵਸਨੀਕਾ ਲਈ ਬਹੁਤ ਹੀ ਮਾਣ ਵਾਲੀ ਗੱਲ ਹੈ ਕਿ ਕਨਿਸ਼ਕਾ ਧੀਰ ਵੱਲੋਂ ਪੰਜਾਬ ਦੀ ਜੂਨੀਅਰ ਨੈਸ਼ਨਲ ਬਾਸਕਟਬਾਲ ਟੀਮ ਲੜਕੀਆਂ ਦੀ ਕਪਤਾਨ ਵੱਜੋ ਅਗਵਾਈ ਕਰਦੇ ਹੋਏ 71 ਵਾਂ ਗੋਲਡ ਮੈਡਲ ਜਿੱਤਿਆ ਹੈ ਅਤੇ ਇਹ ਖਿਤਾਬ 29 ਸਾਲ ਦੇ ਵਖਫੇ ਮਗਰੋ ਜਿੱਤਿਆ ਗਿਆ ਹੈ। ਉਹਨਾਂ ਦੱਸਿਆ ਕਿ ਕਨਿਸ਼ਕਾ ਦੀ ਵੱਡੀ ਭੈਣ ਭਾਵਿਕਾ ਧੀਰ ਸਰਕਾਰੀ ਕਾਲਜ ਫਾਰ ਵੂਮੈਨ ਵਿਚ ਪੜਦੀ ਹੈ ਜਿਸ ਨੇ ਅੰਤਰ ਕਾਲਜ ਬਾਸਕਟਬਾਲ ਚੈਂਪੀਅਨਸ਼ਿਪ ਵਿਚ ਸੋਨ ਤਗਮਾ ਜਿੱਤਿਆ ਅਤੇ ਆਲ ਇੰਡੀਆ ਬਾਸਕਟਬਾਲ ਚੈਂਪੀਅਨਸ਼ਿਪ ਲਈ ਕੁਆਲੀਫਾਈ ਕੀਤਾ ਹੈ।ਵਿਧਾਇਕ ਬੈਂਸ ਨੇ ਪੰਜਾਬ ਦੇ ਹੋਰਨਾਂ ਨੌਜਵਾਨ ਲੜਕੇ ਲੜਕੀਆ ਨੂੰ ਅਪੀਲ ਕੀਤੀ ਕਿ ਉਹਨਾਂ ਨੂੰ ਵੱਧ ਤੋਂ ਵੱਧ ਖੇਡਾ ਵਿਚ ਜਾਣਾ ਚਾਹੀਦਾ ਹੈ। ਇਸ ਮੌਕੇ ਤੇ ਪ੍ਰਧਾਨ ਬਲਦੇਵ ਸਿੰਘ ਸਵੱਦੀ, ਫਕੀਰ ਚੰਦ ਭਨੋਟ, ਅਮਰਜੀਤ ਸਿੰਘ, ਜਗਮੋਹਨ ਧੀਰ, ਬਲਦੇਵ ਧੀਰ, ਸੋਨੂੰ ਧੀਰ, ਸ਼ਾਰਦਾ ਪਟੇਲ, ਤੇਜਪਾਲ ਸਿੰਘ, ਮਹਿੰਦਰ ਸਿੰਘ, ਰਾਜੀਵ ਮੋਦਗਿਲ, ਪ੍ਰਮੋਦ ਸੀ.ਏ, ਰਜਿੰਦਰ ਕੋਚਰ, ਭੁਪਿੰਦਰ ਸਿੰਘ, ਚਰਨਪਾਲ ਸਿੰਘ, ਕਮਲ ਕੁਮਾਰ, ਜੀਵਨਪਾਲ ਸਿੰਗਲਾ, ਗੌਰਵ ਚੋਪੜਾ ਆਦਿ ਹਾਜ਼ਰ ਸਨ।