ਪਰਿਵਾਰ ਬਾਜਾਂ ਵਾਲੇ ਦਾ" ਸ਼ਬਦ 10 ਨੂੰ ਹੋਵੇਗਾ ਰਿਲੀਜ਼:- ਗਾਇਕ ਮੁਹੰਮਦ ਇਰਸ਼ਾਦ
ਪੰਜਾਬੀ ਅਤੇ ਸੂਫ਼ੀ ਸੰਗੀਤ ਜਗਤ ਦੇ ਖੇਤਰ ਚ ਸਾਫ਼ ਸੁਥਰੀ ਮਿਆਰੀ ਤੇ ਸੱਭਿਆਚਾਰਕ ਗਾਇਕੀ ਸਦਕਾ ਲੱਖਾਂ ਹੀ ਸੰਗੀਤ ਪ੍ਰੇਮੀਆਂ ਤੇ ਸਰੋਤਿਆਂ ਦੇ ਦਿਲਾਂ ਤੇ ਆਪਣੀ ਮਿੱਠੀ ਦਿਲਕਸ਼ ਆਵਾਜ਼ ਰਾਹੀਂ ਰਾਜ ਕਰਦਾ ਆ ਰਿਹਾ ਰੂਹ ਨੂੰ ਸਕੂਨ ਦੇਣ ਵਾਲਾ ਸੁਰੀਲਾ ਫ਼ਨਕਾਰ ਮੁਹੰਮਦ ਇਰਸ਼ਾਦ ਜਿਸ ਨੇ ਹੁਣ ਤੱਕ ਪੰਜਾਬੀ ਸੰਗੀਤ ਜਗਤ ਦੇ ਖੇਤਰ 'ਚ ਆਪਣੇ ਅਨੇਕਾਂ ਹੀ ਗੀਤ ਸਰੋਤਿਆਂ ਦੀ ਝੋਲੀ ਪਾਏ ਨੇ ਤੇ ਸਰੋਤਿਆਂ ਵੱਲੋਂ ਉਸਦੇ ਗੀਤਾਂ ਨੂੰ ਭਰਵਾਂ ਹੁੰਗਾਰਾ ਅਤੇ ਭਰਪੂਰ ਪਿਆਰ ਦਿੱਤਾ ਗਿਆ ਇਸੇ ਪਿਆਰ ਨੂੰ ਬਰਕਰਾਰ ਰੱਖਦਿਆਂ ਮੁਹੰਮਦ ਇਰਸ਼ਾਦ ਆਉਣ ਵਾਲੀ 10 ਦਸੰਬਰ ਨੂੰ ਸਾਹਿਬੇ ਕਮਾਲ ਧੰਨ-ਧੰਨ ਸਾਹਿਬ ਸ੍ਰੀ ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਦੇ ਪਰਿਵਾਰ ਦੀ ਸ਼ਹਾਦਤ ਨੂੰ ਸਮਰਪਿਤ ਗੀਤਕਾਰ ਬਿੰਦਰ ਵਿਰਕ ਦੀ ਕਲਮ ਨਾਲ ਕਲਮਬੱਧ ਕੀਤਾ ਸ਼ਬਦ "ਪਰਿਵਾਰ ਬਾਜਾਂ ਵਾਲੇ ਦਾ" ਲੈ ਕੇ ਸੰਗਤਾਂ ਦੀ ਕਚਹਿਰੀ 'ਚ ਹਾਜ਼ਰ ਹੋ ਰਿਹਾ ਹੈ।ਜਿਸ ਸਬੰਧੀ ਗੱਲਬਾਤ ਕਰਦਿਆਂ ਗਾਇਕ ਮੁਹੰਮਦ ਇਰਸ਼ਾਦ ਨੇ ਦੱਸਿਆ ਕਿ ਅੱਪ-ਬੀਟ ਮਿਊਜ਼ਿਕ ਕੰਪਨੀ ਵੱਲੋਂ 10 ਦਸੰਬਰ ਨੂੰ ਰਿਲੀਜ਼ ਕੀਤੇ ਜਾ ਰਹੇ ਇਸ ਸ਼ਬਦ ਦਾ ਮਿਊਜ਼ਿਕ ਅਸ਼ੋਕ ਸ਼ਰਮਾ ਅਤੇ ਵੀਡਿਓ ਨਰਿੰਦਰ ਕਾਮਰਾ ਵੱਲੋਂ ਬਹੁਤ ਹੀ ਸੁਚੱਜੇ ਢੰਗ ਨਾਲ ਤਿਆਰ ਕੀਤਾ ਗਿਆ ਹੈ ਜਿਸ ਨੂੰ ਸੰਗਤਾਂ ਭਰਪੂਰ ਪਿਆਰ ਦੇਣਗੀਆਂ।ਇਸ ਮੌਕੇ ਗਾਇਕ ਮੁਹੰਮਦ ਇਰਸ਼ਾਦ ਨੇ ਇਸ ਧਾਰਮਿਕ ਸ਼ਬਦ 'ਚ ਉਨ੍ਹਾਂ ਦਾ ਭਰਭੂਰ ਸਹਿਯੋਗ ਦੇਣ ਲਈ ਸਮੁੱਚੀ ਟੀਮ ਦਾ ਵਿਸ਼ੇਸ਼ ਤੌਰ ਤੇ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਹਮੇਸ਼ਾਂ ਹੀ ਪੰਜਾਬ ਦੇ ਅਮੀਰ ਵਿਰਸੇ ਸੱਭਿਆਚਾਰ ਅਤੇ ਅਣਮੁੱਲੇ ਇਤਿਹਾਸ ਦੀ ਸਾਫ਼ ਸੁਥਰੀ ਗਾਇਕੀ ਰਾਹੀਂ ਸੇਵਾ ਕਰਦੇ ਰਹਿਣਗੇ।