ਪੰਜਾਬ ਸਰਕਾਰ ਦੁਆਰਾ ਐਨ.ਐਚ.ਐਮ. ਕਰਮਚਾਰੀਆਂ ਨੂੰ ਰੈਗੂਲਰ ਨਾ ਕਰਨ ਤੇ ਭਾਰੀ ਰੋਸ।
ਕੰਮ ਛੱਡੋ ਹੜਤਾਲ 8ਵੇਂ ਦਿਨ ਵਿੱਚ ਦਾਖਲ ।
ਐਨ.ਐਚ.ਐਮ. ਕਰਮਚਾਰੀਆਂ ਦੁਆਰਾ ਓ.ਪੀ.ਡੀ. ਸੇਵਾਵਾਂ ਦਫਤਰੀ ਰਿਪੋਟਿੰਗ ਕਰੋਨਾ ਸੈਪਲਿੰਗ, ਕੋਵਿਡ ਵੈਕਸੀਨੇਸ਼ਨ ਆਦਿ ਪੂਰੀ ਤਰਾ ਠੱਪ ।
ਮਾਨਸਾ, 23 ਨਵੰਬਰ,(ਨਾਨਕ ਖੁਰਮੀ/ਕਰਮਜੀਤ ਰਾਜੀਆ) ਪੰਜਾਬ ਸਰਕਾਰ ਦੇ ਸਿਹਤ ਵਿਭਾਗ ਅਧੀਨ ਬਹੁਤ ਹੀ ਨਿਗੂਣੀਆਂ ਤਨਖਾਹਾਂ ਤੇ ਕੰਮ ਕਰਦੇ ਐਨ.ਐਚ.ਐਮ. ਕਰਮਚਾਰੀਆਂ ਦੁਆਰਾ ਸਿਹਤ ਮੰਤਰੀ ਵੱਲੋਂ ਰੈਗੂਲਰ ਕਰਨ ਦੇ ਵਾਅਦੇ ਅਨੁਸਾਰ ਪੱਤਰ ਦੀ ਉਡੀਕ ਕੀਤੀ ਜਾ ਰਹੀ ਸੀ,ਪਰੰਤੂ ਡਾਇਰੈਕਟਰ ਐਨ.ਐਚ.ਐਮ ਪੰਜਾਬ ਨੇ ਮਿਤੀ 23/11/2021 ਨੂੰ ਸੀ.ਐਚ.ਓ ਦੇ ਇਨਸੈਂਟਿਵ ਸਬੰਧੀ ਪੱਤਰ ਜਾਰੀ ਕਰਕੇ ਹਦਾਇਤ ਕੀਤੀ ਹੈ ਕਿ ਜਿਹਨਾਂ ਸੀ.ਐਚ.ਓ ਦਾ ਟੈਲੀਕੰਸਲਟੇਸ਼ਨ ਟਾਰਗੇਟ ਪੂਰਾ ਹੈ,ਸਿਰਫ ਉਹਨਾਂ ਨੂੰ ਹੀ ਇਨਸੈਂਟਿਵ ਜਾਰੀ ਕੀਤਾ ਜਾਵੇਗਾ।ਜਿਸਤੇ ਐਨ.ਐਚ.ਐਮ ਕਰਮਚਾਰੀਆਂ ਵਿੱਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ।ਜਾਣਕਾਰੀ ਸਾਂਝੀ ਕਰਦਿਆ ਰਵਿੰਦਰ ਕੁਮਾਰ ਪ੍ਰਧਾਨ ਐਨ.ਐਚ.ਐਮ ਇੰਪਲਾਇਜ ਯੂਨੀਅਨ ਮਾਨਸਾ ਨੇ ਕਿਹਾ ਕਿ ਇਕ ਪਾਸੇ ਪੰਜਾਬ ਸਰਕਾਰ ਐਲਾਨ ਤੇ ਐਲਾਨ ਕਰ ਰਹੀ ਹੈ ਕਿ ਅਸੀਂ ਐਨ.ਐਚ.ਐਮ ਮੁਲਾਜਮਾਂ ਨੂੰ ਰੈਗੂਲਰ ਕਰ ਦੇਵਾਂਗੇ, ਦੂਜੇ ਪਾਸੇ ਅਜਿਹੇ ਮੁਲਾਜਮ ਵਿਰੋਧੀ ਪੱਤਰ ਜਾਰੀ ਕਰਕੇ ਮੁਲਾਜਮਾਂ ਦੇ ਮਨਾਂ ਨੂੰ ਠੇਸ ਪਹੁੰਚਾਈ ਜਾ ਰਹੀ ਹੈ। ਜਿਸ ਕਰਕੇ ਪੰਜਾਬ ਸਰਕਾਰ ਦੇ ਵਾਅਦੇ ਫੋਕੇ ਸਾਬਤ ਹੁੰਦੇ ਨਜਰ ਆ ਰਹੇ ਹਨ।ਇਸ ਕਰਕੇ ਪੰਜਾਬ ਸਰਕਾਰ ਦੇ ਵੱਖ ਵੱਖ ਵਿਭਾਗਾਂ ਵਿੱਚ ਕੱਚੇ ਮੁਲਾਜਮ ਰੋਸ ਮੁਜਾਹਰੇ ਕਰ ਰਹੇ ਹਨ । ਉਹਨਾਂ ਮੰਗ ਕੀਤੀ ਕਿ ਸਰਕਾਰ ਅਜਿਹੇ ਪੱਤਰ ਜਾਰੀ ਕਰਨ ਦੀ ਬਜਾਏ ਐਨ.ਐਚ.ਐਮ. ਕਰਮਚਾਰੀਆਂ ਨੂੰ ਰੈਗੂਲਰ ਕਰਨ ਦਾ ਪੱਤਰ ਜਾਰੀ ਕਰੇ ਤਾਂ ਜੋਂ ਕਰਮਚਾਰੀ ਆਪਣੇ ਕਾਰਜਕੁਸ਼ਲਤਾ ਨਾਲ ਲੋਕਾਂ ਨੂੰ ਸਿਹਤ ਸੇਵਾਵਾਂ ਦੇ ਸਕਣ।ਇਸ ਮੌਕੇ ਜਗਦੇਵ ਸਿੰਘ, ਨਿਰਮਲ ਸਿੰਘ, ਹੈਰੀ ਗੋਇਲ, ਲਵਲੀ ਗੋਇਲ,ਮੀਨਾਕਸ਼ੀ,ਮਨਦੀਪ ਕੌਰ,ਸੰਤੋਸ਼ ਭਾਰਤੀ,ਸ਼ਰਨਜੀਤ ਕੌਰ,ਅਵਤਾਰ ਸਿੰਘ,ਰਾਜਵੀਰ ਕੌਰ,ਦੀਪ ਸ਼ਿਖਾ ਆਦਿ ਐਨ.ਐਚ.ਐਮ ਕਰਮਚਾਰੀ ਅਤੇ ਆਗੂ ਹਾਜਰ ਸਨ।