Tuesday, July 15, 2025
24 Punjabi News World
Mobile No: + 31 6 39 55 2600
Email id: hssandhu8@gmail.com

Punjab

ਕਾਨੂੰਨੀ ਉਲੰਘਣਾ: ਹੁਸ਼ਿਆਰੀ ਬਣੀ ਦੁਖਿਆਰੀ

September 14, 2021 11:19 PM

ਕਾਨੂੰਨੀ ਉਲੰਘਣਾ: ਹੁਸ਼ਿਆਰੀ ਬਣੀ ਦੁਖਿਆਰੀ
ਘੋੜ ਸਵਾਰੀ ਦੇ ਵਕੀਲ ਨੇ ਬਾਰਡਰ ਟੱਪਿਆ ਤੇ
ਕੀੜੇ ਮਕੌੜਿਆਂ ਵਰਗੇ ਕਿਊ. ਆਰ. ਕੋਡ ਨੇ ਨੱਪਿਆ
-ਹਰਜਿੰਦਰ ਸਿੰਘ ਬਸਿਆਲਾ-
ਔਕਲੈਂਡ 14 ਸਤੰਬਰ, 2021: ਨਿਊਜ਼ੀਲੈਂਡ ਇਸ ਵੇਲੇ ਕਰੋਨਾ ਤਾਲਾਬੰਦੀ ਕਾਰਨ ਦੋ ਭਾਗਾਂ ਵਿਚ ਹੈ। ਔਕਲੈਂਡ ਖੇਤਰ ਦਾ ਇਕ ਵੱਡਾ ਹਿੱਸਾ ਪੱਧਰ 4 ’ਤੇ ਹੈ ਅਤੇ ਬਾਕੀ ਦੇਸ਼ ਪੱਧਰ-2 ਉਤੇ ਹੈ। ਪੱਧਰ-4 ਤੋਂ ਪੱਧਰ-2 ਅੰਦਰ ਦਾਖਿਲ ਹੋਣਾ ਪਵੇ ਤਾਂ ਸਿਰਫ ਜ਼ਰੂਰੀ ਕੰਮਾਂ ਵਾਲੇ ਟ੍ਰੈਵਲ ਪਾਸ ਵਿਖਾ ਕੇ ਜਾ ਸਕਦੇ ਹਨ। ਵਕੀਲਾਂ ਨੂੰ ਇਹ ਛੋਟ ਸੀ ਕਿ ਉਹ ਅਦਾਲਤ ਦੇ ਕਿਸੇ ਜ਼ਰੂਰੀ ਕੰਮ ਵਾਸਤੇ ਤਾਲਾਬੰਦੀ ਪੱਧਰ ਤੋਂ ਬਾਹਰ ਜਾ ਸਕਦੇ ਸਨ ਪਰ ਉਹ ਇੰਸ਼ੈਸ਼ੀਅਲ ਵਰਕਰ (ਲੋੜਵੰਦ) ਸ਼੍ਰੇਣੀ ਵਿਚ ਨਹੀਂ ਆਉਂਦੇ।
ਪਰ ਇਨ੍ਹਾਂ ਕਾਨੂੰਨੀ ਸ਼ਰਤਾਂ ਬਾਰੇ ਜਿਨ੍ਹਾਂ ਨੂੰ ਜਿਆਦਾ ਪਤਾ ਹੁੰਦਾ ਹੈ ਉਹੀ ਵਕੀਲ ਪਿਛਲੇ ਸ਼ੁੱਕਰਵਾਰ ਕਾਨੂੰਨ ਨਾਲ ਹੁਸ਼ਿਆਰੀ ਵਰਤਦਿਆਂ ਔਕਲੈਂਡ ਦਾ ਬਾਰਡਰ ਇਹ ਕਹਿ ਕੇ ਟੱਪ ਗਏ ਕਿ ਉਹ ਜ਼ਰੂਰੀ ਕੰਮ ਬਾਹਰ ਜਾ ਰਹੇ ਹਨ। ਉਨ੍ਹਾਂ ਅੱਗਲੇ ਸ਼ਹਿਰ ਹਮਿਲਟਨ ਤੋਂ ਫਲਾਈਟ ਫੜੀ ਵਾਇਆ ਰਾਜਧਾਨੀ ਵਲਿੰਗਟਨ ਹੁੰਦੇ ਹੋਏ ਫਿਰ 1500 ਕਿਲੋਮੀਟਰ ਦੂਰ ਸ਼ਹਿਰ ਸੈਰ ਸਪਾਟੇ ਵਾਲੇ ਸ਼ਹਿਰ ਕੂਈਨਜ਼ ਟਾਊਨ ਨੇੜੇ ਵਨਾਂਕਾ ਸ਼ਹਿਰ ਵਿਖੇ ਆਪਣੇ ਪਿਤਾ ਜੀ ਦੇ ਹਾਲੀਡੇਅ ਘਰ ਵਿਖੇ ਕਿਰਾਏ ਦੀ ਕਾਰ ਲੈ ਕੇ ਛੁੱਟੀਆਂ ਬਿਤਾਉਣ ਪਹੁੰਚ ਗਏ। ਘੋੜ ਸਵਾਰੀ (ਜੰਪਿੰਗ) ਦਾ ਗੋਲਡ ਕੱਪ ਜੇਤੂ ਅਤੇ ਸਪੋਰਟਸ ਘੋੜਿਆਂ ਦੀ ਕੰਪਨੀ ਦਾ ਡਾਇਰੈਕਟਰ ਇਹ ਵਕੀਲ ਜਿਸ ਦਾ ਨਾਂਅ ਵਿਲੀਅਨ ਜੌਹਨ (35) ਹੈ।  ਇਸਦੇ ਨਾਲ ਗਈ  ਉਸਦੀ ਪਾਰਟਨਰ 26 ਸਾਲਾ ਹਾਨਾਹ ਰਾਨਸੇ ਵੀ ਨਾਲ ਗਈ ਸੀ। ਘੋੜਿਆ ਦਾ ਸ਼ੌਕੀਨ ਇਹ ਵਕੀਲ ਅਤੇ ਉਸਦੀ ਪਾਰਟਨਰ (ਜੋੜੀ) ਝੂਠ ਬੋਲ ਕੇ ਬਾਰਡਰ ਤਾਂ ਟੱਪ ਗਈ ਪਰ ਕੀੜੇ-ਮਕੌੜਿਆਂ ਵਰਗੇ ਕਿਊ. ਆਰ. ਕੋਡ (ਟਰੇਸਰ ਐਪ) ਨੇ ਉਨ੍ਹਾਂ ਦੀ ਪੈੜ ਨੱਪ ਲਈ। ਵਰਨਣਯੋਗ ਹੈ ਕਿ ਨਿਊਜ਼ੀਲੈਂਡ ਦੇ ਸਿਹਤ ਵਿਭਾਗ ਨੇ ਤਾਲਾਬੰਦੀ ਦੌਰਾਨ ਲੋਕਾਂ ਦੇ ਆਵਾਜ਼ਾਈ ਵਾਲੇ ਸਥਾਨਾਂ ਦੀ ਪੈੜ ਲੱਭਣ ਲਈ ‘ਕੋਵਿਡ ਟ੍ਰੇਸਰ ਐਪ’ ਬਣਾਈ ਹੋਈ ਹੈ। ਇਹ ਐਪ ਲਗਪਗ ਹਰ ਥਾਂ ਲਾਜ਼ਮੀ ਹੈ ਅਤੇ ਲੋਕਾਂ ਨੂੰ ਸਮਾਰਟ ਫੋਨ ਉਤੇ ਇਸਨੂੰ ਵਰਤਣ ਨੂੰ ਕਿਹਾ ਜਾਂਦਾ ਹੈ ਜਾਂ ਫਿਰ ਮੁੱਖ ਦੁਆਰਾ ਉਤੇ ਰੱਖੇ ਗਏ ਰਜਿਸਟਰ ਉਤੇ ਪਤਾ ਭਰਨਾ ਹੁੰਦਾ ਹੈ। ਇਸ ਐਪ ਦੇ ਰਾਹੀਂ ਕੰਪਿਊਟਰ ਨੂੰ ਪਤਾ ਲੱਗਿਆ ਕਿ ਇਹ ਜੋੜੀ ਕਿੱਥੋਂ ਨਿਕਲੀ ਅਤੇ ਕਿੱਥੇ ਪਹੁੰਚੀ। ਪੁਲਿਸ ਨੇ ਐਪ ਦੀ ਨਿਸ਼ਾਨਦੇਹੀ ਤੋਂ ਉਨ੍ਹਾਂ ਨੂੰ ਲੱਭ ਲਿਆ।
ਹੁਣ ਮਾਮਲਾ ਅਦਾਲਤ ਦੇ ਵਿਚ ਜਾ ਪੁੱਜਾ ਹੈ। ਕਰੋਨਾ ਕਾਨੂੰਨ ਜਾਂ ਸ਼ਰਤਾਂ ਦੀ ਉਲੰਘਣਾ ਕਰਨ ਦੇ ਲਈ ਪੁਲਿਸ ਨੇ ਇਨ੍ਹਾਂ ਵਿਰੁੱਧ ਦੋਸ਼ ਪੱਤਰ ਆਇਦ ਕਰਨੇ ਹਨ। ਪਹਿਲਾਂ ਇਸ ਜੋੜੀ ਦਾ ਨਾਂਅ ਗੁਪਤ ਰੱਖਿਆ ਗਿਆ ਸੀ, ਪਰ ਅੱਜ ਸ਼ਾਮ ਜਨਤਕ ਕਰ ਦਿੱਤਾ ਗਿਆ ਹੈ। ਵਕੀਲ ਸਾਹਿਬ ਦੀ ਮਾਂ ਮਾਣਯੋਗ ਜ਼ਿਲ੍ਹਾ ਜੱਜ ਸਾਹਿਬਾ ਹੈ, ਜੋ ਬਹੁਤ ਸ਼ਰਮਿੰਦਗੀ ਮਹਿਸੂਸ ਕਰ ਰਹੀ ਹੈ।
ਇਸ ਜੋੜੇ ਨੇ ਪੂਰੇ ਦੇਸ਼ ਕੋਲੋਂ ਮਾਫੀ ਮੰਗੀ ਹੈ ਅਤੇ ਆਪਣੀ ਗਲਤੀ ਸਵੀਕਾਰ ਕੀਤੀ ਹੈ। ਇਸ ਜੋੜੇ ਨੂੰ ਸੋਸ਼ਲ ਮੀਡੀਆ ਉਤੇ ਬਹੁਤ ਸਾਰੇ ਬੁਰੇ ਕੁਮੈਂਟ ਵੀ ਸੁਨਣੇ ਪਏ ਹਨ। ਲੋਕਾਂ ਨੇ ਕਿਹਾ ਕਿ ਇਨ੍ਹਾਂ ਨੇ ਕਰੋਨਾ ਦੀ ਰੋਕਥਾਮ ਦੇ ਵਿਚ ਵਿਘਨ ਪਾਉਣ ਦੀ ਕੋਸ਼ਿਸ ਕੀਤੀ ਹੈ ਤੇ ਦੇਸ਼ ਦੇ ਦੂਜੇ ਹਿਸਿਆਂ ਦੇ ਵਿਚ ਕਰੋਨਾ ਫੈਲਾਉਣ ਲਈ ਖਤਰਾ ਬਣੇ ਹਨ। ਉਂਜ ਇਸ ਜੋੜੇ ਦਾ ਕਰੋਨਾ ਨਤੀਜਾ ਨੈਗੇਟਿਵ ਆਇਆ ਹੈ। ਜੋੜੇ ਨੇ ਕਿਹਾ ਹੈ ਕਿ ਉਨ੍ਹਾਂ ਨੇ ਪੂਰੇ ਦੇਸ਼ ਵਾਸੀਆਂ ਨੂੰ ਆਪਣੀ ਇਸ ਹਰਕਤ ਨਾਲ ਸ਼ਰਮਸਾਰ ਕੀਤਾ ਹੈ ਤੇ ਲੋਕਾਂ ਕੋਲੋਂ ਮਾਫੀ ਮੰਗੀ ਹੈ। ਉਹ ਕਾਫੀ ਪਛਤਾਵੇ ਦਾ ਪ੍ਰਗਟਾਵਾ ਕਰ ਰਹੇ ਹਨ ਤੇ ਕਹਿ ਰਹੇ ਹਨ ਕਿ ਉਨ੍ਹਾਂ ਦਾ ਵਨਾਕਾ ਛੁੱਟੀਆਂ ਕੱਟਣ ਜਾਣਾ ਬਹੁਤ ਗੈਰ ਜ਼ਿੰਮੇਵਾਰਾਨਾ ਸੀ। ਪਰ ਕਹਿੰਦੇ ਨੇ ਕਈ ਵਾਰ ਵਰਤੀ ਹੁਸ਼ਿਆਰੀ ਦੁਖਿਆਰੀ ਦਾ ਰੂਪ ਧਾਰਨ ਕਰ ਲੈਂਦੀ ਹੈ ਅਤੇ ਇਨ੍ਹਾਂ ਨਾਲ ਏਦਾਂ ਹੋ ਹੋਈ।

Have something to say? Post your comment

More From Punjab

ਕਵੀ ਪਾਸ਼ ਦੀ ਯਾਦ 'ਚ ਤਲਵੰਡੀ ਸਲੇਮ 'ਚ ਬਣੇਗਾ ਯਾਦਗਾਰੀ ਸਮਾਰਕ

ਕਵੀ ਪਾਸ਼ ਦੀ ਯਾਦ 'ਚ ਤਲਵੰਡੀ ਸਲੇਮ 'ਚ ਬਣੇਗਾ ਯਾਦਗਾਰੀ ਸਮਾਰਕ

ਸੁਪਰੀਮ ਕੋਰਟ ਵੱਲੋਂ ਪੰਜਾਬ ਸਰਕਾਰੀ ਕਾਲਜਾਂ ਵਿੱਚ 1158 ਸਹਾਇਕ ਪ੍ਰੋਫੈਸਰਾਂ ਦੀ ਭਰਤੀ ਰੱਦ

ਸੁਪਰੀਮ ਕੋਰਟ ਵੱਲੋਂ ਪੰਜਾਬ ਸਰਕਾਰੀ ਕਾਲਜਾਂ ਵਿੱਚ 1158 ਸਹਾਇਕ ਪ੍ਰੋਫੈਸਰਾਂ ਦੀ ਭਰਤੀ ਰੱਦ

ਪੰਜਾਬ ਵਿਧਾਨ ਸਭਾ 'ਚ ਬੇਅਦਬੀ ਰੋਕੂ ਬਿਲ ਪੇਸ਼, ਕੱਲ੍ਹ ਹੋਵੇਗੀ ਵਿਸਥਾਰ ਵਿੱਚ ਬਹਿਸ

ਪੰਜਾਬ ਵਿਧਾਨ ਸਭਾ 'ਚ ਬੇਅਦਬੀ ਰੋਕੂ ਬਿਲ ਪੇਸ਼, ਕੱਲ੍ਹ ਹੋਵੇਗੀ ਵਿਸਥਾਰ ਵਿੱਚ ਬਹਿਸ

ਮੌਸਮ ਅਲਰਟ: ਪੰਜਾਬ ਅਤੇ ਚੰਡੀਗੜ੍ਹ ‘ਚ ਤੇਜ਼ ਮੀਂਹ, ਸੁਖਨਾ ਝੀਲ ਦੇ ਫਲੱਡ ਗੇਟ ਖੁਲੇ

ਮੌਸਮ ਅਲਰਟ: ਪੰਜਾਬ ਅਤੇ ਚੰਡੀਗੜ੍ਹ ‘ਚ ਤੇਜ਼ ਮੀਂਹ, ਸੁਖਨਾ ਝੀਲ ਦੇ ਫਲੱਡ ਗੇਟ ਖੁਲੇ

ਡਾ. ਜਮੀਲ ਜਾਲਿਬੀ ਦੀਆਂ ਵਿਗਿਆਨਕ ਅਤੇ ਸਾਹਿਤਕ ਪ੍ਰਾਪਤੀਆਂ ਦੀ ਇੱਕ ਦਿਲਚਸਪ ਸਮੀਖਿਆ ਲਿਖਤ: ਜ਼ਫ਼ਰ ਇਕਬਾਲ ਜ਼ਫ਼ਰ

ਡਾ. ਜਮੀਲ ਜਾਲਿਬੀ ਦੀਆਂ ਵਿਗਿਆਨਕ ਅਤੇ ਸਾਹਿਤਕ ਪ੍ਰਾਪਤੀਆਂ ਦੀ ਇੱਕ ਦਿਲਚਸਪ ਸਮੀਖਿਆ ਲਿਖਤ: ਜ਼ਫ਼ਰ ਇਕਬਾਲ ਜ਼ਫ਼ਰ

"ਨਵੀਆਂ ਕਲਮਾਂ ਨਵੀਂ ਉਡਾਣ" ਚਾਰ ਪੁਸਤਕਾਂ ਦੇ ਲੋਕ ਅਰਪਣ ਸਮਾਰੋਹ ਮੌਕੇ ਹਾਜ਼ਰ ਦੁਆਬੇ ਦੇ ਵਿਦਿਆਰਥੀ ਸਾਹਿਤਕਾਰਾਂ ਨੇ "ਰੂਹ" ਨਾਲ ਕੀਤਾ ਕਲਾ ਦਾ ਸ਼ਾਨਦਾਰ ਪ੍ਰਦਰਸ਼ਨ * ਤੁਸੀਂ ਲਿਖਦੇ ਜਾਓ, ਮੈਂ ਪੁਸਤਕਾਂ ਛਾਪਦਾ ਜਾਵਾਂਗਾ- ਸੁੱਖੀ ਬਾਠ * ਚੰਗੀਆਂ ਕਿਤਾਬਾਂ ਦਿਲਾਂ ਨੂੰ ਜੋੜਨ ਲਈ ਧਾਗੇ ਦਾ ਕੰਮ ਕਰਦੀਆਂ ਹਨ- ਪ੍ਰਿੰ. ਗੁਰਮੀਤ ਸਿੰਘ ਪਲਾਹੀ

Punjab Police Inspector Inderbir Kaur Arrested for Corruption in Gurdaspur

Punjab Police Inspector Inderbir Kaur Arrested for Corruption in Gurdaspur

ਤਖਤ ਸਾਹਿਬਾਨ ਦੀ ਮਰਿਆਦਾ ’ਤੇ ਵਿਚਾਰ ਲਈ ਸ਼੍ਰੋਮਣੀ ਕਮੇਟੀ ਵੱਲੋਂ ਵਿਸ਼ੇਸ਼ ਇਜਲਾਸ 5 ਅਗਸਤ ਨੂੰ ਬੁਲਾਇਆ

ਤਖਤ ਸਾਹਿਬਾਨ ਦੀ ਮਰਿਆਦਾ ’ਤੇ ਵਿਚਾਰ ਲਈ ਸ਼੍ਰੋਮਣੀ ਕਮੇਟੀ ਵੱਲੋਂ ਵਿਸ਼ੇਸ਼ ਇਜਲਾਸ 5 ਅਗਸਤ ਨੂੰ ਬੁਲਾਇਆ

10 ਲੱਖ ਰੁਪਏ ਤੱਕ ਦਾ ਮੁਫ਼ਤ ਇਲਾਜ – ਦੇਸ਼ ਵਿੱਚ ਅਜਿਹੀ ਯੋਜਨਾ ਲਾਗੂ ਕਰਨ ਵਾਲਾ ਪਹਿਲਾ ਸੂਬਾ ਬਣਿਆ ਪੰਜਾਬ: ਵਿਧਾਇਕ ਸ਼ੈਰੀ ਕਲਸੀ

10 ਲੱਖ ਰੁਪਏ ਤੱਕ ਦਾ ਮੁਫ਼ਤ ਇਲਾਜ – ਦੇਸ਼ ਵਿੱਚ ਅਜਿਹੀ ਯੋਜਨਾ ਲਾਗੂ ਕਰਨ ਵਾਲਾ ਪਹਿਲਾ ਸੂਬਾ ਬਣਿਆ ਪੰਜਾਬ: ਵਿਧਾਇਕ ਸ਼ੈਰੀ ਕਲਸੀ

ਅੰਤਰਰਾਸ਼ਟਰੀ ਪੁਲਿਸ ਖੇਡਾਂ ਵਿੱਚ ਪੰਜਾਬੀ ਬੇਟੀ ਰਜਨੀ ਦੀ ਚਮਕਦਾਰ ਕਾਮਯਾਬੀ – 7 ਮੈਡਲ ਜਿੱਤੇ

ਅੰਤਰਰਾਸ਼ਟਰੀ ਪੁਲਿਸ ਖੇਡਾਂ ਵਿੱਚ ਪੰਜਾਬੀ ਬੇਟੀ ਰਜਨੀ ਦੀ ਚਮਕਦਾਰ ਕਾਮਯਾਬੀ – 7 ਮੈਡਲ ਜਿੱਤੇ