ਸੁਰੇਸ਼ ਨੰਦਗੜੀਆ ਬਣੇ ਮਾਰਕੀਟ ਕਮੇਟੀ ਦੇ ਚੇਅਰਮੈਨ!

ਸੁਰੇਸ਼ ਨੰਦਗੜੀਆ ਬਣੇ ਮਾਰਕੀਟ ਕਮੇਟੀ ਦੇ ਚੇਅਰਮੈਨ!
ਵਪਾਰੀ ਵਰਗ ਸਮੇਤ ਹੋਰ ਵਰਗਾਂ ਵਿੱਚ ਖੁਸ਼ੀ ਦੀ ਲਹਿਰ
ਫੋਟੋ 02 ਕੈਪਸ਼ਨ- ਮਾਨਸਾ ਵਿਖੇ ਸੁਰੇਸ਼ ਨੰਦਗੜੀਆ ਦੇ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਨਿਯੁਕਤੀ ਤੇ ਲੱਡੂਆਂ ਨਾਲ ਮੂੰਹ ਮਿੱਠਾ ਕਰਵਾਉਂਦੇ ਉਹਨਾਂ ਦੇ ਸਹਿਯੋਗੀ !
 ਮਾਨਸਾ, 14 ਸਤੰਬਰ, (ਨਾਨਕ ਸਿੰਘ ਖੁਰਮੀ): ਕੈਪਟਨ ਸਰਕਾਰ ਵੱਲੋਂ ਸੁਰੇਸ਼ ਨੰਦਗੜੀਆ ਨੂੰ ਮਾਰਕੀਟ ਕਮੇਟੀ ਦਾ ਚੇਅਰਮੈਨ ਥਾਪਿਆ ਗਿਆ ਹੈ। ਜਿਸ ਨਾਲ ਮਾਨਸਾ ਵਾਸੀਆਂ ਤੇ ਵਪਾਰੀ ਵਰਗ ਚ ਭਾਰੀ ਖੁਸ਼ੀ ਪਾਈ ਜਾ ਰਹੀ ਹੈ। ਇਸ ਮੌਕੇ ਸੁਰੇਸ਼ ਨੰਦਗੜੀਆ ਦੇ ਘਰ ਵਧਾਈਆਂ ਦੇਣ ਵਾਲਿਆਂ ਦਾ ਤਾਂਤਾ ਲੱਗ ਗਿਆ। ਇਸ ਖੁਸ਼ੀ ਵਿੱਚ ਜਗਾ- ਜਗਾ ਲੱਡੂ ਵੰਡੇ ਜਾ ਰਹੇ ਹਨ।
ਜਿਕਰਯੋਗ ਹੈ ਕਿ ਮਾਨਸਾ ਵਿਖੇ ਲੰਬੇ ਸਮੇਂ ਤੋਂ ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਦੀ ਨਿਯੁਕਤੀ ਨਹੀਂ ਹੋਈ ਸੀ, ਅਤੇ ਕਾਫੀ ਸਾਰੇ ਸਥਾਨਿਕ ਆਗੂ ਇਸ ਦੌੜ ਵਿੱਚ ਸਨ।
ਸੁਰੇਸ਼ ਨੰਦਗੜੀਆ ਦੀ ਅਜੀਤ ਸਿੰਘ ਮੋਫਰ ਪਰਿਵਾਰ ਦੇ ਨਜ਼ਦੀਕੀ ਹੋਣ ਅਤੇ ਪਰ ਇਕ ਸਮਾਜ ਸੇਵੀ ਅਤੇ ਵੱਖਰੀ ਸਾਫ਼ ਸੁਥਰੀ ਇਮੇਜ ਤੇ ਕਾਰਨ ਕਮੇਟੀ ਦੀ ਚੇਅਰਮੈਨੀ ਮਿਲੀ ਹੈ।
ਸੁਰੇਸ਼ ਨੰਦਗਡ਼੍ਹੀਆ ਦੇ ਪਿਤਾ ਜਗਨ ਨਾਥ ਪਿੰਡ ਨੰਦਗੜ੍ਹ ਦੇ ਸਾਬਕਾ ਸਰਪੰਚ ਰਹੇ ਹਨ ਤੇ ਆਪ ਸੁਰੇਸ਼ ਕਾਂਗਰਸ ਪਾਰਟੀ ਦੇ ਜਨਰਲ ਸਕੱਤਰ, ਸ਼ਹਿਰੀ ਪ੍ਰਧਾਨ, ਪੰਜਾਬ ਕਰਿਆਨਾ ਐਸੋਸੀਏਸ਼ਨ ਦੇ ਵਾਈਸ ਪ੍ਰਧਾਨ ਤੇ ਮਾਨਸਾ ਕਰਿਆਨਾ ਐਸੋਸੀਏਸ਼ਨ ਦੇ ਲੰਬੇ ਸਮੇਂ ਤੋਂ ਪ੍ਰਧਾਨ ਚੱਲੇ ਆ ਰਹੇ ਹਨ। ਉਹ ਮਾਨਸਾ ਵਪਾਰ ਮੰਡਲ ਦੇ ਸੀਨੀਅਰ ਵਾਈਸ ਪ੍ਰਧਾਨ ਪੰਜਾਬ ਵਪਾਰ ਮੰਡਲ ਦੇ ਸਕੱਤਰ ਵੀ ਹਨ। ਇਸਤੋਂ ਇਲਾਵਾ ਉਹ ਸਨਾਤਨ ਧਰਮ ਸਭਾ  ਤੋਂ ਇਲਾਵਾ ਦਰਜਨ ਦੇ ਕਰੀਬ ਹੋਰ ਸਮਾਜ ਸੇਵੀ ਸੰਸਥਾਵਾਂ ਦੇ ਵਿਚ ਅਹੁਦੇਦਾਰ ਵਜੋਂ ਸੇਵਾ ਨਿਭਾ ਰਹੇ ਹਨ।  
ਸੁਰੇਸ਼ ਨੰਦਗੜੀਆ ਨੇ ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ,ਕਾਂਗਰਸ ਪਾਰਟੀ ਦੇ ਸੂਬਾ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ, ਸਾਬਕਾ ਮੰਤਰੀ ਲਾਲ ਸਿੰਘ, ਅਜੀਤ ਇੰਦਰ ਸਿੰਘ  ਮੋਫਰ, ਜ਼ਿਲ੍ਹਾ ਪ੍ਰੀਸ਼ਦ ਚੇਅਰਮੈਨ ਬਿਕਰਮਜੀਤ ਸਿੰਘ ਮੋਫਰ, ਤੋਂ ਇਲਾਵਾ ਜ਼ਿਲ੍ਹਾ ਕਾਂਗਰਸ ਕਮੇਟੀ ਦਾ ਧੰਨਵਾਦ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਪਾਰਟੀ ਵੱਲੋਂ ਉਨ੍ਹਾਂ ਨੂੰ  ਮਾਰਕੀਟ ਕਮੇਟੀ ਦਾ ਚੇਅਰਮੈਨ ਨਿਯੁਕਤ ਕੀਤਾ ਹੈ। ਉਹ ਆਪਣੇ ਵੱਲੋਂ ਪੂਰੀ ਤਨ ਦੇਹੀ ਨਾਲ ਸੇਵਾ ਨਿਭਾਉਣਗੇ। ਮਾਨਸਾ ਜ਼ਿਲ੍ਹੇ ਦੇ ਵਪਾਰੀ ਵਰਗ ਤੋਂ ਇਲਾਵਾ ਸਾਰੇ ਹੀ ਵਰਗਾਂ ਵਿੱਚ ਨੰਦਗੜੀਆ ਦੇ ਚੇਅਰਮੈਨ ਬਣਨ ਤੇ ਖੁਸ਼ੀ ਪਾਈ ਜਾ ਰਹੀ ਹੈ।