ਮੋਦੀ ਹਕੂਮਤ ਪੂਰੇ ਦੇਸ਼ ਵਿਚ ਓਹਨਾ ਦੀ ਸਰਕਾਰ ਵਿਰੁੱਧ ਵੱਧ ਰਹੀ ਰੋਸ ਲਹਿਰ ਤੋਂ ਘਬਰਾਈ, 293ਵੇ ਦਿਨ ਵਿਚ ਭਰਪੂਰ ਲੋਕਾਂ ਦੀ ਆਮਦ ਜਾਰੀ। ਪੰਜਾਬ ਵਿੱਚ ਅੰਦੋਲਨ ਰਹੇਗਾ ਜਾਰੀ।
ਜੰਡਿਆਲਾ ਗੁਰੂ ਕੁਲਜੀਤ ਸਿੰਘ
ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਪੰਜਾਬ ਦੇ ਸੂਬਾ ਜਨਰਲ ਸਕੱਤਰ ਸਰਵਣ ਸਿੰਘ ਪੰਧੇਰ, ਸੂਬਾ ਆਗੂ ਰਣਜੀਤ ਸਿੰਘ ਕਲੇਰ ਬਾਲਾ, ਜਿਲ੍ਹਾ ਪ੍ਰਧਾਨ ਲਖਵਿੰਦਰ ਸਿੰਘ ਵਰਿਆਮ ਨੰਗਲ ਨੇ ਕਿਹਾ ਕਿ ਪੂਰੇ ਦੇਸ਼ ਵਿਚ ਮੋਦੀ ਸਰਕਾਰ ਦੇ ਵਿਰੁੱਧ ਚੱਲ ਰਹੇ ਕਿਸਾਨਾਂ ਮਜ਼ਦੂਰਾਂ ਦੇ ਅੰਦੋਲਨ ਕਾਰਨ ਰੋਸ ਦੀ ਲਹਿਰ ਬਣੀ ਹੋਈ ਹੈ। ਖੱਟੜ ਸਰਕਾਰ ਵੱਲੋਂ ਕਿਸਾਨਾਂ ਤੇ ਕੀਤੇ ਲਾਠੀਚਾਰਜ ਕਾਰਨ ਕਿਸਾਨੀ ਘੋਲ ਹੋਰ ਪ੍ਰਚੰਡ ਹੋਇਆ ਹੈ। ਮੋਦੀ ਸਰਕਾਰ ਨੂੰ ਇਹ ਸਾਫ ਨਜ਼ਰ ਆ ਰਿਹਾ ਹੈ ਕਿ ਉਤਰ ਪ੍ਰਦੇਸ਼ ਤੇ ਉਤਰਾਖੰਡ ਵਿਚ ਲੋਕਾ ਨੇ ਇਹਨਾ ਤੋਂ ਸੱਤਾ ਹੀ ਨਹੀਂ ਖੋਹਣੀ ਸਗੋਂ ਅੰਦੋਲਨ ਵਿਚ ਵੀ ਨਿਰਣਾਯਕ ਭੂਮਿਕਾ ਨਿਭਾਉਣੀ ਹੈ।
ਦੇਸ਼ ਦੇ ਇਸ ਵਰਤਾਰੇ ਤੋਂ ਘਬਰਾਈ ਹੋਈ ਮੋਦੀ ਸਰਕਾਰ ਅਖੌਤੀ ਫ਼ਸਲਾਂ ਦੇ ਰੇਟ ਵਧਾ ਕੇ ਕਿਸਾਨ ਪੱਖੀ ਹੋਣ ਦੇ ਦਾਅਵੇ ਕਰ ਰਹੀ ਹੈ। ਆਗੂਆਂ ਨੇ ਕਿਹਾ ਕਿ ਪੰਜਾਬ ਵਿੱਚ ਜੋ ਸੰਘਰਸ਼ ਚਲ ਰਹੇ ਹਨ ਓਹ ਚਲਦੇ ਰਹਿਣਗੇ ਤੇ ਕੈਪਟਨ ਅਮਰਿੰਦਰ ਸਿੰਘ ਵਲੋਂ ਜੋ ਗਿੱਦੜ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ ਓਸ ਨਾਲ ਅੰਦੋਲਨ ਰੁਕਣ ਦੀ ਜਗ੍ਹਾ ਹੋਰ ਤੇਜੀ ਨਾਲ ਅੱਗੇ ਵਧੇਗਾ। ਲੋਕਾ ਨੂੰ ਪਿੰਡਾ ਵਿੱਚ ਭਾਈਚਾਰਾ ਬਣਾ ਕੇ ਰੱਖਣ ਤੇ ਦਿੱਲੀ ਮੋਰਚੇ ਨੂੰ ਹੋਰ ਮਜ਼ਬੂਤ ਕਰਨ ਲਈ ਕਿਹਾ। ਇਸ ਸਮੇਂ ਜ਼ਿਲਾ ਆਗੂ ਗੁਰਲਾਲ ਸਿੰਘ ਮਾਨ , ਬਲਦੇਵ ਸਿੰਘ ਬੱਗਾ , ਕੰਵਰ ਦਲੀਪ ਸੈਦੋਲੇਹਲ ਵੀ ਹਾਜ਼ਿਰ ਸਨ. ਜੋਨ ਪ੍ਰਧਾਨ ਸੁਖਦੇਵ ਸਿੰਘ ਚਾਟੀਵਿੰਡ , ਸਵਿੰਦਰ ਸਿੰਘ ਰੂਪੋਵਾਲੀ , ਗੁਰਭੇਜ ਸਿੰਘ ਝੰਡੇ , ਅਜੀਤ ਸਿੰਘ ਠਠੀਆਂ ਵੀ ਹਾਜ਼ਿਰ ਸਨ.