ਸੁਹਿਰਦ ਯਾਦਗਾਰੀ ਲਾਇਬਰੇਰੀ ਕਮੇਟੀ ਨੇ ਪੁਸਤਕ ‘ਚੁਰਾਏ ਗਏ ਵਰ੍ਹੇ’ ਉਪਰ ਕਰਵਾਈ ਗੋਸ਼ਟੀ,ਬਘੇਲ ਸਿੰਘ ਧਾਲੀਵਾਲ ਨੇ ਪੜ੍ਹਿਆ ਪੇਪਰ

ਜਿਸ ਵਿਚ ਪੁਸਤਕ ’ਤੇ ਪ੍ਰਸਿੱਧ ਲੇਖਕ ਅਤੇ ਸੀਨੀਅਰ ਪੱਤਰਕਾਰ ਬਘੇਲ ਸਿੰਘ ਧਾਲੀਵਾਲ ਨੇ ਪੇਪਰ ਪੜ੍ਹਿਆ। ਇਸ ਤੋਂ ਇਲਾਵਾ ਮਾਲਵਾ ਸਾਹਿਤ ਸਭਾ ਬਰਨਾਲਾ ਦੇ ਪ੍ਰਧਾਨ ਡਾਕਟਰ ਸੰਪੂਰਨ ਸਿੰਘ ਟੱਲੇਵਾਲੀਆ,ਸ੍ਰ. ਗੁਰਜੋਤ ਸਿੰਘ ਨਾਰੀਕੇ ਕੈਨੇਡਾ,ਮਾਸਟਰ ਬਲਰਾਜ ਸਿੰਘ ਭੁੱਲਰ ਅਤੇ ਦਰਸ਼ਨ ਸਿੰਘ ਮੰਡੇਰ ਨੇ ਵੀ ਪੁਸਤਕ ਤੇ ਵਿਚਾਰ ਚਰਚਾ ਕੀਤੀ। ਪੁਸਤਕ ਦੀ ਲੇਖਿਕਾ ਬੀਬਾ ਪਵਿਤ ਕੌਰ ਨੇ ਪੁਸਤਕ ਸਬੰਧੀ ਆਪਣੇ ਵਿਚਾਰ ਪੇਸ਼ ਕੀਤੇ ਅਤੇ ਹਾਜਰ ਸ਼ਰੋਤਿਆਂ ਦੇ ਪੁਸਤਕ ਸਬੰਧੀ ਸਵਾਲਾਂ ਦੇ ਜਵਾਬ ਦਿੱਤੇ।ਇਸ ਤੋ ਉਪਰੰਤ ਹੋਏ ਕਵੀ ਦਰਬਾਰ ਵਿੱਚ ਡਾ. ਸੰਪੂਰਨ ਸਿੰਘ ਟੱਲੇਵਾਲੀਆ ਦੇ ਕਵੀਸ਼ਰੀ ਜਥੇ ਸਮੇਤ ਹਾਜਰ ਕਵੀਆਂ ਨੇ ਆਪਣੀਆਂ ਰਚਨਾਵਾਂ ਪੇਸ਼ ਕੀਤੀਆਂ।

ਡਾ. ਤੇਜਾ ਸਿੰਘ ਤਿਲਕ ਨੇ ਜਿੱਥੇ ਪੁਸਤਕ ‘ਚੁਰਾਏ ਗਏ ਵਰ੍ਹੇ’ ਸਬੰਧੀ ਵਿਸਥਾਰ ਪੂਰਵਕ ਜਾਣਕਾਰੀ ਸਾਂਝੀ ਕੀਤੀ,ਓਥੇ ਸਟੇਜ ਦੀ ਭੂਮਿਕਾ ਵੀ ਬੜੀ ਖੂਬਸੂਰਤੀ ਨਾਲ ਨਿਭਾਈ। ਇਸ ਮੌਕੇ ਸੁਹਿਰਦ ਯਾਦਗਾਰੀ ਲਾਇਬਰੇਰੀ ਕਮੇਟੀ ਅਤੇ ਸੁਹਿਰਦ ਪਰਿਵਾਰ ਵੱਲੋਂ ਪੁਸਤਕ ਦੀ ਲੇਖਿਕਾ ਪਵਿੱਤ ਕੌਰ ਅਤੇ ਹਾਜਰ ਲੇਖਕਾਂ ਅਤੇ ਉਘੀਆਂ ਸਖਸੀਅਤਾਂ ਦਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਸੁਹਿਰਦ ਯਾਦਗਾਰੀ ਲਾਇਬਰੇਰੀ ਕਮੇਟੀ ਮੈਂਬਰ ਕਾਨੂਗੋ ਗੁਰਵਿੰਦਰ ਸਿੰਘ ਦਾਨਗੜ੍ਹ,ਗੁਰਜਿੰਦਰਪਾਲ ਸਿੰਘ,ਬਲਤੇਜ ਸਿੰਘ ਗਿੱਲ,ਭੁਪਿੰਦਰ ਸਿੰਘ ਚੀਮਾ,ਹਾਕਮ ਸਿੰਘ ਰੂੜੇਕੇ,ਰਘਵੀਰ ਸਿੰਘ ਕੱਟੂ,ਮੋਹਣ ਸਿੰਘ ਮਾਨ ਅਤੇ ਘੋਟਾ ਸਿੰਘ ਸੇਖਾ,ਗੁਰਦੁਆਰਾ ਸਿੰਘ ਸਭਾ ਦੇ ਪ੍ਰਧਾਨ ਹਰਦੇਵ ਸਿੰਘ ਬਾਜਵਾ ਤੋ ਇਲਾਵਾ ਲੇਖਕ,ਪੱਤਰਕਾਰ ਅਤੇ ਵੱਡੀ ਗਿਣਤੀ ਵਿੱਚ ਨਗਰ ਨਿਵਾਸੀ ਹਾਜਰ ਸਨ।