--ਪਾਰਟੀ ਵਿੱਚ ਧੜੇਬੰਦੀ ਕਾਰਨ ਸ਼ੋ੍ਰ.ਅ.ਦਲ ਦੇ ਇਕਬਾਲ ਸਿੰਘ ਝੂੰਦਾ ਪ੍ਰਚਾਰ ਪੱਖੋਂ ਸਭ ਤੋਂ ਪਿੱਛੇ
ਧਨੌਲਾ, 8 ਮਈ (ਚਮਕੌਰ ਸਿੰਘ ਗੱਗੀ)-ਲੋਕ ਸਭਾ ਦੀਆਂ ਚੋਣਾਂ ਦਾ ਆਗਾਜ਼ ਹੁੰਦਿਆਂ ਹੀ ਪਾਰਟੀਆਂ ਵੱਲੋਂ ਆਪਣੇ ਆਪਣੇ ਉਮੀਦਵਾਰਾਂ ਨੂੰ ਚੋਣ ਮੈਦਾਨ ਵਿੱਚ ਉਤਾਰਿਆ ਗਿਆ, ਜਿਸ ਵਿੱਚ ਹਾਲੇ ਭਾਰਤੀ ਜਨਤਾ ਪਾਰਟੀ ਦੇ ਉਮੀਦਵਾਰ ਦਾ ਨਾਮ ਐਲਾਨ ਹੋਣਾ ਅਜੇ ਬਾਕੀ ਹੈ, ਪਰ ਇਸ ਬਾਰ ਹਲਕਾ ਸੰਗਰੂਰ ਦਾ ਮੁਕਾਬਲਾ ਦਿਲਚਸਪ ਹੋਣ ਵਾਲਾ ਹੈ, ਕਿਉਕਿ ਚੋਣ ਮੈਦਾਨ ਵਿੱਚ ਨਿੱਤਰੇ ਸਿਮਰਨਜੀਤ ਸਿੰਘ ਮਾਨ, ਸੁਖਪਾਲ ਸਿੰਘ ਖਹਿਰਾ ਅਤੇ ਗੁਰਮੀਤ ਸਿੰਘ ਮੀਤ ਹੇਅਰ ਦਰਮਿਆਨ ਫਸਵਾਂ ਮੁਕਾਬਲਾ, ਹੈ, ਚੋਣ ਪ੍ਰਚਾਰ ਵੀ ਤਿੰਨਾਂ ਉਮੀਦਵਾਰਾਂ ਦਾ ਸਿਖਰ ਤੇ ਹੈ, ਉਥੇ ਹੀ ਸ੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਦੇ ਚੋਣ ਪ੍ਰਚਾਰ ਦੀ ਮੱਠੀ ਚਾਲ ਮੰਜਿਲ ਤੇ ਪਹੁੰਚਣ ਜਾਂ ਦੂਸਰੇ ਉਮੀਦਵਾਰਾਂ ਦੇ ਨਾਲ ਰਲਣ ਵੱਲ ਇਸ਼ਾਰਾ ਨਹੀਂ ਕਰਦੀ | ਹਲਕਾ ਸੰਗਰੂਰ ਤੋਂ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਚੋਣ ਲੜ ਰਹੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਗੁਰਮੀਤ ਸਿੰਘ ਮੀਤ ਹੇਅਰ ਅੱਜ ਚੋਣ ਪ੍ਰਚਾਰ ਵਿੱਚ ਸਾਰੇ ਉਮੀਦਵਾਰਾਂ ਬਰਾਬਰ ਭਿੜ ਰਹੇ ਹਨ, ਉਥੇ ਖਹਿਰਾ ਦੇ ਚੋਣ ਪ੍ਰਚਾਰ ਦੌਰਾਨ ਟਕਸਾਲੀ ਕਾਂਗਰਸੀਆਂ ਦੀ ਗੈਰਹਾਜ਼ਰੀ ਵੀ ਕਿਤੇ ਨਾ ਕਿਤੇ ਪਾਰਟੀ ਵਿੱਚ ਧੜੇਬੰਦੀ ਵੱਲ ਇਛਾਰਾ ਕਰਦੇ ਹੈ | ਉਥੇ ਸ੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂ ਅਤੇ ਬਰਨਾਲਾ ਤੋਂ ਦਿਹਾਤੀ ਜਿਲ੍ਹਾ ਪ੍ਰਧਾਨ ਬਾਬਾ ਟੇਕ ਸਿੰਘ ਧਨੌਲਾ ਵੱਲੋਂ ਉਮੀਦਵਾਰ ਇਕਬਾਲ ਸਿੰਘ ਝੂੰਦਾ ਦੇ ਹੱਕ ਵਿੱਚ ਚੋਣ ਪ੍ਰਚਾਰ ਨਾ ਕਰਨਾ ਅਤੇ ਇਹ ਕਹਿ ਕੇ ਪੱਲਾ ਝਾੜ ਲੈਣਾ ਕਿ ਜਿਲੇ ਦੀ ਜਿੰਮੇਵਾਰੀ ਕੁਲਵੰਤ ਸਿੰਘ ਕੀਤੂ ਕੋਲ ਹੈ, ਉਸ ਦਾ ਫਰਜ ਬਣਦਾ, ਵੀ ਉਮੀਦਵਾਰ ਝੁੰਦੇ ਦੀ ਬੇੜੀ ਵਿੱਚ ਵੱਟੇ ਪਾਉਣ ਦੇ ਬਰਾਬਰ ਹੈ | ਕਾਂਗਰਸ ਪਾਰਟੀ ਦੀ ਟਿਕਟ ਤੋਂ ਚੋਣ ਲੜ ਰਹੇ ਸੁਖਪਾਲ ਸਿੰਘ ਖਹਿਰਾ ਵੀ ਟਕਸਾਲੀ ਵਰਕਰਾਂ ਨਾਲ ਮਿਲਾਪ ਕਰਨ 'ਚ ਫਾਡੀ ਜਾਪਦੇ ਹਨ, ਨੁਕੜ ਮੀਟਿੰਗ ਦੌਰਾਨ ਵੀ ਖਹਿਰੇ ਦੀ ਸਟੇਜ ਤੇ ਟਕਸਾਲੀ ਵਰਕਰ ਗੈਰ ਹਾਜ਼ਰ ਦਿਖੇ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਇਕਬਾਲ ਸਿੰਘ ਝੂੰਦਾ ਦੇ ਆਉਣ ਕਾਰਨ ਵਰਕਰ ਨਿਰਾਸ਼ ਜਾਪ ਰਹੇ ਹਨ, ਨਾਮ ਨਾ ਲੈਣ ਤੇ ਅਕਾਲੀ ਵਰਕਰਾਂ ਤੇ ਆਗੂਆਂ ਨੇ ਕਿਹਾ ਕਿ ਸਾਨੂੰ ਇਹ ਤੱਕ ਨਹੀਂ ਪਤਾ ਹੁੰਦਾ ਕਿ ਅੱਜ ਸਾਡੇ ਉਮੀਦਵਾਰ ਨੇ ਕਿਹੜੇ ਪਿੰਡ ਕਿੱਥੇ ਪ੍ਰਚਾਰ ਕਰਨ ਲਈ ਜਾਣਾ ਹੈ | ਜਦੋਂ ਪੁੱਛਿਆ ਤਾਂ ਅੱਗੋਂ ਇਹੀ ਜਵਾਬ ਮਿਲਦਾ ਹੈ ਕਿ ਵੀਰ ਇਹ ਤਾਂ ਬਰਨਾਲੇ ਤੋਂ ਹੀ ਪਤਾ ਲੱਗੇਗਾ | ਹੁਣ ਬਰਨਾਲਾ ਕੌਣ ਦੇਖ ਰਿਹਾ ਇਸਦਾ ਵੀ ਹਾਲੇ ਕੁਝ ਨਹੀਂ ਪਤਾ | ਦੇਖਿਆ ਜਾਵੇ ਸਿਮਰਜੀਤ ਸਿੰਘ ਮਾਨ ਨਾਲ ਤੁਰੀ ਨੌਜਵਾਨ ਪੀੜੀ ਅਤੇ ਬਜ਼ੁਰਗਾਂ ਦੇ ਨਾਲ ਜਨਾਨੀਆਂ ਵੀ ਚੋਣ ਪ੍ਰਚਾਰ ਲਈ ਚੱਲ ਪਈਆਂ ਹਨ ਜਿਨ੍ਹਾਂ ਨੇ ਸਿਮਰਜੀਤ ਮਾਨ ਦਾ ਚੋਣ ਪ੍ਰਚਾਰ ਪੂਰੀ ਤਰ੍ਹਾਂ ਭਖਾ ਲਿਆ ਹੈ | ਨਤੀਜਾ ਕੀ ਹੋਵੇਗਾ ਇਹ ਚਾਰ ਜੂਨ ਹੀ ਦੱਸੇਗੀ |
|