ਬਰਨਾਲਾ, 06 ਮਈ (ਬਘੇਲ ਸਿੰਘ ਧਾਲੀਵਾਲ/ਚਮਕੌਰ ਸਿੰਘ ਗੱਗੀ)-ਭਾਰਤੀ ਕਿਸਾਨ ਯੂਨੀਅਨ ਡਕੌਂਦਾ ਵੱਲੋ ਲੰਘੀ 04 ਅਪ੍ਰੈਲ ਨੂੰ ਇੰਗਲਿਸ਼ ਅਕੈਡਮੀ ਇਮੀਗ੍ਰੇਸ਼ਨ ਸੈਂਟਰ ਅਤੇ ਬਾਂਸਲ ਟਾਇਰਸ ਤੇ ਸਹਿਣਾ ਵਾਸੀ ਆਮ ਪਰਿਵਾਰ ਦੇ ਬੱਚੇ ਨੂੰ ਇਨਸਾਫ਼ ਦਿਵਾਉਣ ਲਈ ਧਰਨਾ ਦਿੱਤਾ ਗਿਆ ਸੀ ਜਿਸ ਵਿੱਚ ਜੱਥੇਬੰਦੀ ਨਾਲ ਸਹਿਮਤ ਹੁੰਦੇ ਹੋਏ ਵਪਾਰ ਮੰਡਲ ਬਰਨਾਲਾ ਤੇ ਪੁਲੀਸ ਪ੍ਰਸ਼ਾਸਨ ਨੇ ਪੀੜਤ ਧਿਰ ਨੂੰ 17.5 ਲੱਖ ਦਵਾਉਣ ਦਾ ਵਾਧਾ ਕਰ ਦੋਵੇਂ ਧਿਰਾਂ ਵਿੱਚ ਲਿਖਤੀ ਸਮਝੌਤਾ ਕਰਵਾਇਆ ਗਿਆ ਸੀ ਜਿਸ ਤਹਿਤ ਇੱਕ 8.5 ਲੱਖ ਦਾ ਚੈੱਕ ਇਮੀਗ੍ਰੇਸ਼ਨ ਸੈਂਟਰ ਵਾਲਿਆ ਨੇ ਸਭ ਦੀ ਹਾਜ਼ਰੀ ਵਿੱਚ ਪੀੜਤ ਪਰਿਵਾਰ ਨੂੰ ਦਿੱਤਾ ਸੀ। ਜਦ ਪੀੜਤ ਧਿਰ ਨੇ ਓਹ ਚੈੱਕ ਬੈਂਕ ਖਾਤੇ ਵਿੱਚ ਲਗਾਇਆ ਤਾਂ ਚੈੱਕ ਬਾਉਂਸ ਹੋ ਗਿਆ। ਜਿਸ ਬਾਬਤ ਜੱਥੇਬੰਦੀ ਨੇ ਵਾਰ ਵਾਰ ਪ੍ਰਸ਼ਾਸਨ ਦੇ ਧਿਆਨ ਵਿੱਚ ਲਿਆਂਦਾ ਪਰ ਕੋਈ ਹਾਂ ਪੱਖੀ ਹੁੰਗਾਰਾ ਨਾ ਮਿਲਦਾ ਵੇਖ ਜੱਥੇਬੰਦੀ ਨੇ 13 ਤਰੀਕ ਤੱਕ ਦਾ ਸਮਾਂ ਦੇਕੇ ਇਸੇ ਦਿਨ ਧਰਨਾ ਦੇਣ ਦਾ ਐਲਾਨ ਕਰ ਦਿੱਤਾ। ਇਸ ਸਮੇਂ ਜ਼ਿਲ੍ਹਾ ਸੀਨੀਅਰ ਮੀਤ ਪ੍ਰਧਾਨ ਹਰਚਰਨ ਸਿੰਘ ਸੁਖਪੁਰਾ ਨੇ ਕਿਹਾ ਇਮੀਗ੍ਰੇਸ਼ਨ ਸੈਂਟਰ ਮਾਲਕਾਂ ਨੇ ਪੀੜਤ ਧਿਰ ਅਤੇ ਜੱਥੇਬੰਦੀ ਨਾਲ ਵਾਧਖਿਲਾਫੀ ਕੀਤੀ ਹੈ ਜਿਸ ਨੂੰ ਕਦੇ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ ਅਤੇ ਪੀੜਤ ਪਰਿਵਾਰ ਨੂੰ ਇਨਸਾਫ ਦਿਵਾਉਣ ਤੱਕ ਸੰਘਰਸ਼ ਜਾਰੀ ਰੱਖਿਆ ਜਾਵੇਗਾ । ਉਹਨਾਂ ਦੱਸਿਆ ਸਮਝੋਤੇ ਤਹਿਤ ਦਿੱਤਾ ਚੈੱਕ ਬਾਉਂਸ ਹੋਣ ਤੇ ਇਸਦੀ ਲਿਖਤੀ ਦਰਖਾਸਤ ਪੁਲੀਸ ਪ੍ਰਸ਼ਾਸਨ ਨੂੰ ਦੇ ਦਿੱਤੀ ਹੈ ਅਤੇ ਇਹ ਮਾਮਲਾ ਵਿਚਾਰ ਅਧੀਨ ਹੈ।ਉਹਨਾਂ ਪੁਲੀਸ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਕਿ ਚੈੱਕ ਬਾਉਂਸ ਹੋਣ ਤੇ ਬਣਦੀ ਧਾਰਾ ਲਗਾਕੇ ਕੇਸ ਦਰਜ ਕੀਤਾ ਜਾਵੇ ਅਤੇ ਵਾਧਾ ਖਿਲਾਫੀ ਕਰਨ ਵਾਲੇ ਦੋਸ਼ੀਆਂ ਨੂੰ ਜੇਲ ਦੀਆਂ ਸਲਾਖਾਂ ਪਿੱਛੇ ਧੱਕਿਆ ਜਾਵੇ ਅਤੇ ਪੀੜਤ ਨਾਲ ਠੱਗੀ ਮਾਰਕੇ ਵਟੋਰੇ ਪੈਸੇ ਵਾਪਿਸ ਕਰਵਾਏ ਜਾਣ।ਇਸ ਸਮੇ ਬਲਾਕ ਪ੍ਰਧਾਨ ਸੀਰਾ ਸਹਿਣਾ, ਭਿੰਦਾ ਢਿੱਲਵਾਂ, ਬਲਾਕ ਆਗੂ ਗੁਰਜੰਟ ਸਿੰਘ ਧੌਲਾ ਆਦਿ ਆਗੂ ਹਾਜ਼ਰ ਸਨ।