ਬਰਨਾਲਾ 28 ਮਾਰਚ (ਬਘੇਲ ਸਿੰਘ ਧਾਲੀਵਾਲ)-ਲੋਕ ਸਭਾ ਦੀਆਂ ਚੋਣਾਂ ਦੇ ਮੱਦੇਨਜ਼ਰ ਲਗਾਏ ਗਏ ਸਪੈਸ਼ਲ ਟੀਮ ਵਲੋਂ ਨਾਕੇ ਦੌਰਾਨ ਇੱਕ ਫਾਰਚੂਨਰ ਗੱਡੀ ਵਿਚ ਚਾਰ ਸਵਾਰਾਂ ਨੂੰ ਭਾਰੀ ਮਾਤਰਾ ਵਿਚ ਨਕਦ ਰਾਸ਼ੀ ਤੇ ਇੱਕ 32ਬੋਰ ਪਿਸਤੌਲ ਬਰਾਬਦ ਕਰਕੇ ਥਾਣਾ ਧਨੌਲਾ ਵਿਖੇ ਮਾਮਲਾ ਦਰਜ਼ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ।
ਐਸ.ਪੀ.ਐਚ ਬਰਨਾਲਾ ਨੇ ਜਗਦੀਸ਼ ਬਿਸ਼ਨੌਈ ਨੇ ਦੱਸਿਆ ਕਿ ਜ਼ਿਲ੍ਹੇ ਦੇ ਪਿੰਡ ਬਡਬਰ ਦੇ ਟੋਲ ਪਲਾਜ਼ਾ ਕੋਲ ਚੋਣ ਜ਼ਾਬਤੇ ਦੌਰਾਨ ਪਾਲਣਾ ਕਰ ਰਹੀ ਸਪੈਸ਼ਲ ਟੀਮ ਨੰਬਰ 7 ਨੇ ਇੱਕ ਸੰਗਰੂਰ ਵੱਲ ਤੋਂ ਆਉਂਦੀ ਫਾਰਚੂਨਰ ਕਾਰ ਨੂੰ ਰੋਕ ਕੇ ਜਦੋਂ ਤਲਾਸ਼ੀ ਲਈ ਤਾਂ ਇਸ ਵਿਚੋਂ 12 ਲੱਖ 46 ਹਜਾਰ ਪੰਜ ਸੋ ਰੁਪਏ, 32ਬੋਰ ਰਿਵਾਲਵਰ ਨੂੰ ਟੀਮ ਨੇ ਆਪਣੇ ਕਬਜ਼ੇ ਵਿਚ ਥਾਣਾ ਧਨੌਲਾ ਵਿਖੇ ਮਾਮਲਾ ਦਰਜ਼ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਏ। ਇਸ ਕਾਰ ਵਿਚ ਸਵਾਰ ਵਿਅਕਤੀਆਂ ਦੀ ਸਨਾਖ਼ਤ ਵਿਸ਼ਾਲ ਚਾਵਲਾ ਵਾਸੀ ਪ੍ਰੀਤਮਪੁਰਾ, ਉੱਤਰੀ ਦਿੱਲੀ , ਬਲਜੀਤ ਸਿੰਘ ਵਾਸੀ ਮਾਨਸ, ਕੈਥਲ, ਹਰਿਆਣਾ, ਨਰੋਤਮ ਕੁਮਾਰ ਵਾਸੀ ਪਿਹੋਵਾ, ਹਰਿਆਣਾ ਅਤੇ ਸੌਰਭ ਆਹੂਜਾ ਵਾਸੀ ਕੁਰੂਕਸ਼ੇਤਰ ਦੇ ਤੌਰ ਪਰ ਹੋਈ ਏ। ਨਾਕੇ ਦੌਰਾਨ ਪੁਲਿਸ ਵੱਲੋਂ ਇਨਕਮ ਟੈਕਸ ਅਧਿਕਾਰੀਆਂ ਨੂੰ ਮੋਕੇ ਤੇ ਬੁਲਾ ਕੇ ਨਗਦੀ ਸਬੰਧੀ ਪੁੱਛਗਿੱਛ ਕੀਤੀ ਪਰ ਉਕਤ ਵਿਅਕਤੀਆਂ ਵੱਲੋਂ ਕੋਈ ਵੀ ਸਬੂਤ ਨਹੀ ਦੇ ਸਕੇ ਤੇ ਦੂਸਰੇ ਪਾਸੇ ਚੋਣ ਜ਼ਾਬਤੇ ਦੀ ਉਲੰਘਣਾ ਸੀ। ਜਿਸ ਤੋਂ ਬਾਅਦ ਥਾਣਾ ਧਨੌਲਾ ਵਿੱਚ ਉਕਤ ਵਿਅਕਤੀਆਂ ਖਿਲਾਫ ਚੋਂਣ ਜਾਬਤੇ ਦੀ ਉਲੰਘਣਾ 188 ਅਤੇ ਆਰਮਜ਼ ਐਕਟ 25 ਧਾਰਾ ਤਹਿਤ ਮੁਕੱਦਮਾ ਨੰਬਰ 30 ਦਰਜ ਕਰਕੇ ਜਾਂਚ ਪੜਤਾਲ ਸ਼ੁਰੂ ਕਰ ਦਿੱਤੀ।