ਤਰਨਤਾਰਨ - ਸ਼ਿਵ ਸੈਨਾ ਬਾਲ ਠਾਕਰੇ ਨੇ ਐਤਵਾਰ ਨੂੰ ਸਥਾਨਕ ਚਾਰ ਖੰਭਾ ਚੌਂਕ ਵਿਖੇ ਭਾਜਪਾ ਬਿ੍ਜ ਭੂਸ਼ਣ ਸਰਨ ਦਾ ਪੁਤਲਾ ਫੂਕਿਆ ਤੇ ਜੰਮ ਕੇ ਨਾਅਰੇਬਾਜ਼ੀ ਕੀਤੀ। ਇਸ ਦੌਰਾਨ ਸ਼ਿਵ ਸੈਨਾ ਬਾਲ ਠਾਕਰੇ ਦੇ ਸੂਬਾ ਵਾਈਸ ਪ੍ਰਧਾਨ ਅਸ਼ਵਨੀ ਕੁਮਾਰ ਕੁੱਕੂ, ਜ਼ਿਲ੍ਹਾ ਪ੍ਰਧਾਨ ਹਰਜੀਤ ਸਿੰਘ ਹੀਰਾ, ਸ਼ਹਿਰੀ ਪ੍ਰਧਾਨ ਅਵਨਜੀਤ ਸਿੰਘ ਬੇਦੀ ਅਤੇ ਹੋਰ ਸ਼ਿਵ ਸੈਨਿਕਾਂ ਨੇ ਕੇਂਦਰ ਸਰਕਾਰ ਖ਼ਿਲਾਫ਼ ਰੋਸ ਮੁਜ਼ਾਹਰਾ ਕੀਤਾ।
ਇਸ ਮੌਕੇ ਅਸ਼ਵਨੀ ਕੁਮਾਰ ਕੁੱਕੂ ਨੇ ਕਿਹਾ ਕਿ ਅੌਰਤਾਂ ਦੇਸ਼ ਦੀ ਸ਼ਾਨ ਹੁੰਦੀਆਂ ਹਨ ਅਤੇ ਜਦ ਕੋਈ ਵਿਅਕਤੀ ਅੌਰਤ ਦੀ ਸ਼ਾਨ ਬਾਰੇ ਗਲਤ ਬਿਆਨਬਾਜ਼ੀ ਕਰਦਾ ਹੈ, ਤਾਂ ਉਹ ਬਹੁਤ ਨਿੰਦਣਯੋਗ ਹੈ।
ਉਨਾਂ੍ਹ ਕਿਹਾ ਕਿ ਮਹਿਲਾ ਪਹਿਲਵਾਨਾਂ ਵੱਲੋਂ ਬਿ੍ਜ ਭੂਸ਼ਣ ਸਰਨ 'ਤੇ ਜੋ ਗੰਭੀਰ ਦੋਸ਼ ਲਗਾਏ ਹਨ, ਉਸ ਨਾਲ ਸਮਾਜ 'ਚ ਰੋਸ ਪਾਇਆ ਜਾ ਰਿਹਾ ਹੈ। ਦੂਜੇ ਪਾਸੇ ਸਰਕਾਰ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਆਗੂ ਨੂੰ ਬਚਾਉਣ 'ਤੇ ਲੱਗੀ ਹੈ। ਇਸ ਘਟਨਾ ਤੋਂ ਪਤਾ ਚਲਦਾ ਹੈ ਕਿ ਅੱਜ ਦੇ ਦੌਰ ਵਿਚ ਅੌਰਤਾਂ ਸੁਰੱਖਿਅਤ ਨਹੀਂ ਹਨ। ਜੇਕਰ ਸਰਕਾਰਾਂ ਦੇ ਆਗੂ ਹੀ ਅਜਿਹੇ ਿਘਨੌਣੇ ਕੰਮ ਕਰਨਗੇ ਤਾਂ ਦੂਜਿਆਂ ਦੇ ਹੌਂਸਲੇ ਤਾਂ ਆਪ ਹੀ ਵਧਣਗੇ।
ਜੇਕਰ ਪ੍ਰਧਾਨ ਮੰਤਰੀ ਵੱਲੋਂ ਉਕਤ ਨੇਤਾ ਖਿਲਾਫ ਸਖਤ ਐਕਸ਼ਨ ਨਾ ਲਿਆ ਗਿਆ ਅਤੇ ਮੁੱਕਦਮਾ ਦਰਜ ਨਾ ਕੀਤਾ ਗਿਆ ਤਾਂ ਸ਼ਿਵ ਸੈਨਾ ਬਾਲ ਠਾਕਰੇ ਵੱਲੋਂ ਸੰਘਰਸ਼ ਨੂੰ ਹੋਰ ਤੇਜ਼ ਕੀਤਾ ਜਾਵੇਗਾ। ਇਸ ਮੌਕੇ ਤੇਜਿੰਦਰਪਾਲ ਟੀਂਡਾ, ਰਾਮ ਗੋਪਾਲ ਜੋਸ਼ੀ, ਸੁਖਵੰਤ ਸਿੰਘ ਬਾਬਾ, ਘਣਸ਼ਿਆਮ ਜੋਸ਼ੀ, ਅਸ਼ੋਕ ਅਰੋੜਾ, ਸੁਭਾਸ਼ ਤੇਜਪਾਲ, ਸੰਦੀਪ ਕੁਮਾਰ, ਦੀਪਕ ਸੂਦ ਬੌਬੀ, ਐਡਵੋਕੇਟ ਮਨੋਜ ਅਗਨੀਹੋਤਰੀ, ਸੰਜੀਵ ਕੁਮਾਰ ਡਿੰਪੀ, ਬਾਊ ਬਸੰਤ ਲਾਲ, ਪਵਨ ਸ਼ਰਮਾ, ਸ਼ਿਵ ਪਹਿਲਵਾਨ, ਅਮਿਤ ਸ਼ਰਮਾ, ਤਰਸੇਮ ਲਾਲ, ਰਕੇਸ਼ ਸ਼ਰਮਾ, ਸੁਮੀਤ ਸਿੰਧੀ, ਰੀਟਾ ਪ੍ਰਧਾਨ, ਲਲਿਤ ਕੁਮਾਰ ਲਵਲੀ ਪ੍ਰਧਾਨ, ਦਵਿੰਦਰ ਸ਼ਰਮਾ, ਅਸ਼ੋਕ ਅਗਰਵਾਲ, ਦੀਪਕ ਡੋਗਰਾ ਆਦਿ ਮੌਜੂਦ ਸਨ।