ਵਿਸ਼ਵ ਦੇ ਮਹਾਨ ਵਿਦਵਾਨ ਭਾਰਤ ਦੇ ਪਹਿਲੇ ਕਾਨੂੰਨ ਮੰਤਰੀ ਡਾ. ਬੀ ਆਰ ਅੰਬੇਡਕਰ

ਵਿਸ਼ਵ ਦੇ ਮਹਾਨ ਵਿਦਵਾਨ ਭਾਰਤ ਦੇ ਪਹਿਲੇ ਕਾਨੂੰਨ ਮੰਤਰੀ ਡਾ. ਬੀ ਆਰ ਅੰਬੇਡਕਰ

ਭਾਰਤ ਦੇ ਮੂਲ ਨਿਵਾਸੀਆਂ ਦੀ ਨਿਧੱੜਕ ਆਵਾਜ਼ ਭਾਰਤ ਰਤਨ ਬਾਬਾ ਸਹਿਬ ਡਾ. ਭੀਮ ਰਾਓ ਅੰਬੇਡਕਰ ਜੀ ਦਾ ਜਨਮ 14 ਅਪ੍ਰੈਲ 1891 ਨੂੰ ਮੱਧ ਪ੍ਰਦੇਸ਼ ਦੇ ਜਿਲ੍ਹਾ ਇੰਦੋਰ ਦੇ ਪਿੰਡ ਮਹੂ ( ਜੋ ਇਸ ਸਮੇਂ ਮਿਲਟਰੀ ਛਾਉਣੀ ਵਿੱਚ ਤਬਦੀਲ ਹੋ ਗਿਆ ) ਵਿਖੇ ਪਿਤਾ ਰਾਮ ਜੀ ਦੇ ਮਾਤਾ ਭੀਮਾ ਬਾਈ ਜੀ ਦੀ ਕੁੱਖੋਂ ਹੋਇਆ । ਭਾਰਤ ਰਤਨ ਬਾਬਾ ਸਹਿਬ ਡਾਕਟਰ ਭੀਮ ਰਾਓ ਅੰਬੇਡਕਰ ਵਿਸ਼ਵ ਦੇ ਮਹਾਨ ਵਿਦਵਾਨ , ਬੁਧੀਜੀਵੀ , ਕ੍ਰਾਂਤੀਕਾਰੀ ਰਹਿਬਰ ਹੋਏ ਹਨ ਬੇਸ਼ੱਕ ਬਾਬਾ ਸਹਿਬ ਨੂੰ ਜਾਤ ਪਾਤ ਭੇਦਭਾਵ ਦਾ ਬਹੁਤ ਜਿਆਦਾ ਸ਼ਿਕਾਰ ਹੋਣਾ ਪਿਆ ਜਿਸ ਕਰਕੇ ਅਨੇਕਾਂ ਵਾਰ ਉਨ੍ਹਾਂ ਨੂੰ ਅਪਮਾਨ ਸਹਿਣਾ ਪਿਆ ਪਰ ਉਹਨਾਂ ਨੇ ਸੰਸਾਰ ਨੂੰ ਗਿਆਨ ਦਾ ਚਾਨਣ ਵੰਡਣ ਲੱਗਿਆਂ ਕੋਈ ਭੇਦਭਾਵ ਨਹੀਂ ਕੀਤਾ । ਬਾਬਾ ਸਹਿਬ ਨੇ ਆਪਣੀ ਬੁੱਧੀ , ਆਪਣੇ ਤਨ ਅਤੇ ਮਨ ਰੂਪੀ ਸਾਰੀ ਸੰਪਤੀ ਆਪਣੀ ਕੌਮ , ਆਪਣੇ ਦੇਸ਼ ਅਤੇ ਪੂਰੇ ਵਿਸ਼ਵ ਲਈ ਕੁਰਬਾਨ ਕਰ ਦਿੱਤੀ । ਬਾਬਾ ਸਹਿਬ ਨੇ ਝੂਠ ਫਰੇਬ ਤੋਂ ਉਪਰ ਉੱਠ ਕੇ ਬਿਨਾਂ ਕਿਸੇ ਨਿੱਜੀ ਸਵਾਰਥ , ਦੇਸ਼ ਦੇ ਭਲੇ ਲਈ ਕੰਮ ਕੀਤਾ । ਡਾ. ਬੀਮ ਰਾਓ ਅੰਬੇਡਕਰ ਜੀ ਨੇ ਦੇਸ਼ ਦੇ ਅਛੂਤਾਂ , ਪੱਛੜੇ ਵਰਗਾਂ ਅਤੇ ਨਾਰੀ ਜਾਤੀ ਲਈ ਬਹੁਤ ਕੰਮ ਕੀਤਾ । ਦੇਸ਼ ਦੀ ਏਕਤਾ , ਅਖੰਡਤਾ ਅਤੇ ਸਾਂਝੀਵਾਲਤਾ ਦੇ ਦੁਸ਼ਮਣਾਂ ਨੂੰ ਬਾਬਾ ਸਹਿਬ ਨੇ ਲੰਮੇ ਹੱਥੀਂ ਲਿਆ । ਬਾਬਾ ਸਹਿਬ ਕਦੇ ਵੀ ਇਹਨਾਂ ਤੋਂ ਡਰੇ ਨਹੀਂ ਸਗੋਂ ਇਹਨਾਂ ਦਾ ਡੱਟ ਕੇ ਮੁਕਾਬਲਾ ਕੀਤਾ । ਬਾਬਾ ਸਹਿਬ ਉਸ ਸਮੇਂ ਦੇ ਦੁਨੀਆਂ ਵਿੱਚ ਸਭਤੋਂ ਵੱਧ ਪੜ੍ਹੇ ਲਿਖੇ ਚੋਟੀ ਦੇ ਵਿਆਕਤੀਆਂ ਵਿਚੋਂ ਇੱਕ ਸਨ । ਭਾਰਤ ਦੇਸ਼ ਲਈ ਮਾਣ ਗੱਲ ਹੈ ਕਿ ਜਦੋਂ ਕੋਲੰਬੀਆ ਯੂਨੀਵਰਸਿਟੀ ਜੋਕਿ 1754 ਚੌ ਹੋਂਦ ਵਿੱਚ ਆਈ ਨੇ ਆਪਣੇ 250 ਸਾਲ ਪੂਰੇ ਹੋਣ ਤੇ 2004 ਵਿੱਚ ਆਪਣੇ ਸਾਬਕਾ ਵਿਦਿਆਰਥੀਆਂ ਦੇ ਨਾਂ ਦੋਹਰਾਏ ਤਾਂ ਬਾਬਾ ਸਹਿਬ ਡਾਕਟਰ ਭੀਮ ਰਾਓ ਅੰਬੇਡਕਰ ਜੀ ਦਾ ਨਾਮ ਪਹਿਲੇ ਲਿਆ ਗਿਆ । ਭਾਰਤ ਦੇਸ਼ ਵਿੱਚ ਔਰਤਾਂ ਨੂੰ ਮਰਦਾਂ ਦੇ ਬਰਾਬਰ ਪੜ੍ਹਨ ਲਿਖਣ ਦੀ ਅਜਾਦੀ ਨਹੀਂ ਸੀ । ਬਾਬਾ ਸਹਿਬ ਨੇ ਔਰਤਾਂ ਦੀ ਤਰੱਕੀ ਅਤੇ ਅਜਾਦੀ ਲਈ ਉਹਨਾਂ ਲੋਕਾਂ ਨਾਲ ਲੜ੍ਹੇ ਜੋ ਔਰਤ ਨੂੰ ਪੈਰ ਦੀ ਜੁੱਤੀ ਸਮਝਦੇ ਸੀ । ਬਾਬਾ ਸਹਿਬ ਦੇ ਸੰਘਰਸ਼ ਸਦਕਾ ਅੱਜ ਔਰਤਾਂ ਮਰਦਾਂ ਦੇ ਪੜ ਲਿਖਕੇ ਹਰ ਖਿੱਤੇ ਵਿੱਚ ਮਰਦਾਂ ਦੇ ਬਰਾਬਰ ਖੜ੍ਹੀ ਹੈ ਉੱਚੇ ਉੱਚੇ ਅਹੁਦਿਆਂ ਤੇ ਵਿਰਾਜਮਾਨ ਹੈ । ਬਾਬਾ ਸਹਿਬ ਡਾ. ਭੀਮ ਰਾਓ ਅੰਬੇਡਕਰ ਦੇਸ਼ ਦੇ ਹਰ ਨਾਗਰਿਕ ਦੇ ਦੁੱਖ ਨੂੰ ਆਪਣਾ ਦੁੱਖ ਸਮਝਦੇ ਸਨ । ਬਾਬਾ ਸਹਿਬ ਨੇ ਗਰੀਬ ਮਜਦੂਰਾਂ ਦੇ ਜੀਵਨ ਨੂੰ ਬਹੁਤ ਹੀ ਨੇੜੇ ਹੋਕੇ ਤੱਕਿਆ । ਮਜਬੂਰ ਲੋਕਾਂ ਦੀ ਹਾਲਤ ਨੂੰ ਦੇਖਦਿਆਂ ਮਨੁੱਖੀ ਹੱਕਾਂ ਵਾਸਤੇ ਪੂਰੇ ਭਾਰਤ ਵਿੱਚ ਉਹਨਾਂ ਲੋਕਾਂ ਖਿਲਾਫ਼ ਬਗਾਵਤ ਕੀਤੀ ਜਿਹੜੇ ਲੋਕ ਇੱਥੋਂ ਦੇ ਲੋਕਾਂ ਨੂੰ ਨਫਰਤ ਕਰਦੇ ਸਨ । ਬਾਬਾ ਸਹਿਬ ਅਣਥੱਕ ਮਿਹਨਤ ਨਾਲ ਐਮ ਏ , ਡੀ ਐਸ ਸੀ , ਪੀ ਐਚ ਡੀ ਅਤੇ ਲਾਅ ਦੀ ਡਿਗਰੀ ਕਰਕੇ ਭਾਰਤ ਦਾ ਸਵਿਧਾਨ ਲਿਖਿਆ । ਜਿਸ ਵਿੱਚ ਸਧੀਆਂ ਤੋਂ ਗੁਲਾਮੀ ਦੀਆਂ ਜੰਜੀਰਾਂ ਵਿੱਚ ਜੱਕੜੇ ਭਾਰਤੀਆਂ ਨੂੰ ਆਜਾਦ ਕਰਵਾਇਆ । ਭਾਰਤ ਦੇ ਪਹਿਲੇ ਕਾਨੂੰਨ ਮੰਤਰੀ ਬਣੇ ਤੇ ਜਿੰਦਗੀ ਦੇ ਅਖੀਰਲੇ ਪਲਾਂ ਤੱਕ ਗਰੀਬ ਵਰਗ ਦੇ ਹੱਕਾਂ ਲਈ ਸੰਘਰਸ਼ ਕਰਦੇ ਹੋਏ 6 ਦਸੰਬਰ 1956 ਨੂੰ ਸਦਾ ਲਈ ਸਾਡੇ ਤੋਂ ਦੂਰ ਚਲੇ ਗਏ । ਜਿੰਦਗੀ ਦੇ ਆਖਰੀ ਪਲਾਂ ਵਿੱਚ ਬਾਬਾ ਸਹਿਬ ਇੱਕ ਸੰਦੇਸ਼ ਦੇ ਗਏ ਕਿ ਸਾਡੇ ਗਰੀਬ ਦੱਬੇ ਕੁਚਲੇ ਲੋਕਾਂ ਦੀ ਮੱਦਦ ਕਰਨਾਂ ਹਰ ਇੱਕ ਪੜ੍ਹੇ ਲਿਖੇ ਵਿਆਕਤੀ ਦਾ ਫਰਜ਼ ਬਣਦਾ ਹੈ । ਜੈ ਭੀਮ ਜੈ ਭਾਰਤ , ਭਾਰਤ ਰਤਨ ਬਾਬਾ ਸਹਿਬ ਡਾਕਟਰ ਭੀਮ ਰਾਓ ਅੰਬੇਡਕਰ ਜੀ ਹਮੇਸ਼ਾ ਸਾਡੇ ਦਿਲਾਂ ਵਿੱਚ ਇੱਕ ਚਾਨਣ ਮੁਨਾਰਾ ਬਣਕੇ ਸਾਡੇ ਸੰਘਰਸ਼ਾਂ ਦੀ ਅਗਵਾਈ ਕਰਕੇ ਰਹਿਣਗੇ ।