ਕਾਂਸਟੀਚਿਊਐੰਟ ਕਾਲਜ ਟੀਚਰਜ ਫਰੰਟ ਪੰਜਾਬ ਵੱਲੋੰ ਅੱਜ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਸ਼ਹਿਰ ਮੋਰਿੰਡਾ ਵਿੱਚ ਪਹੁੰਚ ਕੇ ਰੋਸ ਪ੍ਰਦਰਸ਼ਨ ਕੀਤਾ ਗਿਆ ਤੇ ਮੁੱਖ ਮੰਤਰੀ ਦੇ ਨੁਮਾਇੰਦੇ ਨੂੰ ਆਪਣਾ ਮੰਗ ਪੱਤਰ ਸੌੰਪਿਆ ਗਿਆ।

ਕਾਂਸਟੀਚਿਊਐੰਟ ਕਾਲਜ ਟੀਚਰਜ ਫਰੰਟ ਪੰਜਾਬ ਵੱਲੋੰ ਅੱਜ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਸ਼ਹਿਰ ਮੋਰਿੰਡਾ ਵਿੱਚ ਪਹੁੰਚ ਕੇ ਰੋਸ ਪ੍ਰਦਰਸ਼ਨ ਕੀਤਾ ਗਿਆ ਤੇ ਮੁੱਖ ਮੰਤਰੀ ਦੇ ਨੁਮਾਇੰਦੇ ਨੂੰ  ਆਪਣਾ ਮੰਗ ਪੱਤਰ ਸੌੰਪਿਆ ਗਿਆ। 

 

ਰਈਆ, 5 ਦਸੰਬਰ ਕਮਲਜੀਤ ਸੋਨੂੰ)—ਪ੍ਰੈਸ ਦੇ ਨਾਂਅ ਬਿਆਨ ਜਾਰੀ ਕਰਦਿਆਂ ਕਾਂਸਟੀਚਿਊਐੰਟ ਕਾਲਜ ਟੀਚਰਜ ਫਰੰਟ ਦੇ ਆਗੂ ਮਨਪ੍ਰੀਤ ਜਸ, ਬਲਵਿੰਦਰ ਸਿੰਘ, ਬੇਅੰਤ ਸਿੰਘ, ਗੁਰਸੇਵਕ ਸਿੰਘ ਸੇਬੀ ਨੇ ਕਿਹਾ ਕਿ ਪੰਜਾਬ ਵਿੱਚ 36 ਦੇ ਕਰੀਬ ਸਰਕਾਰੀ ਕਾਂਸਟੀਚਿਊਐੰਟ ਕਾਲਜ ਹਨ ਜਿਹਨਾਂ ਵਿੱਚ 700 ਦੇ ਕਰੀਬ ਗੈਸਟ ਫੈਕਲਟੀ, ਪਾਰਟ-ਟਾਇਮ, ਆਰਜੀ ਜਾਂ ਕਾਂਟਰੈਕਚੂਅਲ ਅਧਿਆਪਕ ਕੰਮ ਕਰਦੇ ਹਨ। ਇਹਨਾਂ ਅਧਿਆਪਕਾਂ ਦੀ ਭਰਤੀ ਯੂ.ਜੀ.ਸੀ ਤੇ ਪੰਜਾਬ ਸਰਕਾਰ ਦੇ ਨਿਯਮਾਂ ਅਨੁਸਾਰ ਕੀਤੀ ਗਈ ਹੈ ਤੇ ਲੱਗਭਗ 80 ਫੀਸਦੀ ਸਟਾਫ  ਸਾਰੀਆਂ ਯੋਗਤਾਵਾਂ ਪੂਰੀਆਂ ਕਰਦੇ ਹਨ। ਲੰਮੇ ਸਮੇੰ ਤੋੰ ਨਿਗੂਣੀਆਂ ਤਨਖਾਹਾਂ ਅਤੇ ਔਖੀਆਂ ਕੰਮ ਹਾਲਤਾਂ 'ਚ ਕੰਮ ਕਰਦੇ ਇਹ ਅਧਿਆਪਕ ਪੰਜਾਬ ਸਰਕਾਰ ਅਤੇ ਯੂਨੀਵਰਸਿਟੀਆਂ ਦੀ ਅਣਦੇਖੀ ਦਾ ਸ਼ਿਕਾਰ ਹਨ। ਅੱਜ ਜਦੋੰ ਪੰਜਾਬ ਸਰਕਾਰ ਘਰ-ਘਰ ਰੁਜਗਾਰ ਦੇ ਐਲਾਨ ਕਰ ਰਹੀ ਹੈ, 36 ਹਜ਼ਾਰ ਤੋੰ ਵੱਧ ਕੱਚੇ ਮੁਲਾਜਮਾਂ ਨੂੰ ਪੱਕੇ ਕਰਨ ਦੇ ਐਲਾਨ ਕੀਤੇ ਗਏ ਹਨ ਤੇ ਪੰਜਾਬ ਦੇ ਸਰਕਾਰੀ ਕਾਲਜਾਂ ਦੇ ਗੈਸਟ ਫੈਕਲਟੀ ਅਧਿਆਪਕਾਂ ਨੂੰ ਰੈਗੂਲਰ ਕਰਨ ਦੀ ਪਾਲਿਸੀ ਬਣਾਈ ਜਾ ਰਹੀ ਹੈ ਤਾਂ ਕਾਂਸਟੀਚਿਊਐੰਟ ਕਾਲਜਾਂ ਦੇ ਯੋਗ ਅਧਿਆਪਕਾ ਰੈਗੂਲਰ ਰੁਜਗਾਰ ਦਾ ਸਭ ਤੋੰ ਤਰਜੀਹੀ ਹਿੱਸਾ ਬਣਦੇ ਹਨ। ਕਾਂਸਟੀਚਿਊਐੰਟ ਕਾਲਜਾਂ ਦੇ ਇਹਨਾਂ ਅਧਿਆਪਕਾਂ ਨੇ ਪੰਜਾਬ ਸਰਕਾਰ ਤੋੰ ਇਹਨਾਂ ਦੀਆਂ ਸੇਵਾਵਾਂ ਨਿਯਮਤ ਕਰਨ, ਨਵੀੰ ਸਿੱਖਿਆ ਨੀਤੀ ਰੱਦ ਕਰਨ, ਪੰਜਾਬ ਦੇ ਕਾਲਜਾਂ ਦੇ ਅਧਿਆਪਕਾਂ ਦੇ ਪੇ-ਸਕੇਲ ਯੂ.ਜੀ.ਸੀ. ਨਾਲੋੰ ਡੀ-ਲਿੰਕ ਕਰਨ ਦੇ ਕਦਮ ਵਾਪਸ ਲੈਣ ਦੀ ਮੰਗ ਕੀਤੀ। ਇਸਦੇ ਨਾਲ ਹੀ ਪੰਜਾਬ ਭਰ ਵਿੱਚੋੰ ਗੈਸਟ ਫੈਕਲਟੀ, ਆਰਜੀ ਅਧਿਆਪਕ ਤੇ ਕਾਲਜਾਂ ਅੰਦਰੋੰ ਓ.ਐੱਸ.ਡੀ. ਸਿਸਟਮ ਬੰਦ ਕਰਨ ਤੇ ਕਾਂਸਟੀਚਿਊਐੰਟ ਕਾਲਜਾਂ ਦੀਆਂ ਗ੍ਰਾਂਟਾਂ ਵਿੱਚ ਵਾਧਾ ਕਰਨ ਦੀ ਵੀ ਮੰਗ ਕੀਤੀ ਗਈ।  ਇਸ ਮੌਕੇ ਮੁੱਖ-ਮੰਤਰੀ ਰਿਹਾਇਸ਼ ਤੇ ਐਗਜੈਕਟਿਵ ਅਫਸਰ ਮਨਜੀਤ ਸਿੰਘ ਨੇ ਕਾਲਜ ਅਧਿਆਪਕਾਂ ਤੋੰ ਮੰਗ ਪੱਤਰ ਪ੍ਰਾਪਤ ਕੀਤਾ ਤੇ ਅਗਲੇ ਹਫਤੇ ਅੰਦਰ ਸਿੱਖਿਆ ਮੰਤਰੀ ਨਾਲ ਅਧਿਆਪਕਾਂ ਦੀ ਮੀਟਿੰਗ ਕਰਵਾਉਣ ਦਾ ਯਕੀਨ ਦੁਆਇਆ। ਰੋਸ- ਪ੍ਰਦਰਸ਼ਨ ਕਰਨ ਉਪਰੰਤ ਅਧਿਆਪਕਾਂ ਵੱਲੋੰ ਮੀਟਿੰਗ ਕਰਕੇ, ਸੰਘਰਸ਼ ਨੂੰ ਅੱਗੇ ਵਧਾਉਣ ਲਈ ਪੰਜਾਬ ਦੀਆਂ ਤਿੰਨ ਯੂਨੀਵਰਸਿਟੀਆਂ ਦੇ ਨੁਮਾਇੰਦਿਆਂ ਤੇ ਹਾਜਰ ਕਾਲਜਾਂ  ਦੇ ਨੁਮਾਇੰਦਿਆਂ ਦੇ ਅਧਾਰ 'ਤੇ 10 ਮੈੰਬਰੀ ਕੋਆਰਡੀਨੇਸ਼ਨ ਕਮੇਟੀ ਚੁਣੀ ਗਈ ਤੇ  ਤਿੰਨੋਂ ਯੂਨੀਵਰਸਿਟੀਆਂ ਤੋੰ ਤਿੰਨ ਕੁਆਰਡੀਨੇਟਰ ਨਿਯੁਕਤ ਕੀਤੇ ਗਏ। ਕਾਲਜ ਅਧਿਆਪਕਾਂ ਨੇ ਐਲਾਨ ਕੀਤਾ ਕਿ ਉਹ ਆਪਣੀਆਂ ਮੰਗਾਂ ਦੀ ਪ੍ਰਾਪਤੀ ਤੱਕ ਇਸ ਸੰਘਰਸ਼ ਨੂੰ ਹੋਰ ਤੇਜ ਕਰਨਗੇ ਤੇ ਇਸਦਾ ਘੇਰਾ ਹੋਰ ਵਿਸ਼ਾਲ ਕੀਤਾ ਜਾਵੇਗਾ। ਪੰਜਾਬ ਦੀਆਂ ਕਿਸਾਨ- ਮਜਦੂਰ ਤੇ ਵਿਦਿਆਰਥੀ ਜਥੇਬੰਦੀਆਂ ਨੂੰ ਵੀ ਇਸ ਸੰਘਰਸ਼ ਦੀ ਹਿਮਾਇਤ ਲਈ ਬੇਨਤੀ ਕੀਤੀ ਜਾਵੇਗੀ। ਇਸ ਮੌਕੇ ਗੁਰਸੇਵਕ ਸਿੰਘ ਸੇਬੀ(ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ), ਮਨਪ੍ਰੀਤ ਜਸ (ਪੰਜਾਬ ਯੂਨੀਵਰਸਿਟੀ ਚੰਡੀਗੜ), ਬੇਅੰਤ ਸਿੰਘ ਸਰਾਂ ( ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ) ਨੂੰ ਕੋਆਰਡੀਨੇਟਰ ਨਿਯੁਕਤ ਕੀਤਾ ਗਿਆ। ਬਲਵਿੰਦਰ ਚਹਿਲ, ਦੀਪਕ ਸ਼ਰਮਾ, ਰਮਨਦੀਪ ਸਿੰਘ ਨਾਹਰ, ਮੈਡਮ ਅਜਮੀਤ ਕੌਰ, ਪੁਸ਼ਪਿੰਦਰ ਕੌਰ, ਅਮਨਦੀਪ ਸਿੰਘ ਧੌੰਸੀ ( ਜੈਤੋ ), ਨੂੰ ਕੋਆਰਡੀਨੇਸ਼ਨ ਕਮੇਟੀ ਮੈੰਬਰ ਨਿਯੁਕਤ ਕੀਤਾ ਗਿਆ। ਅੱਜ ਦੀ ਮੀਟਿੰਗ 'ਚ 40 ਦੇ ਕਰੀਬ ਕਾਲਜ ਅਧਿਆਪਕ ਸ਼ਾਮਿਲ ਸਨ।