ਕਾਂਗਰਸ ਰਾਜ ਚ ਸਭ ਦੇ ਕੰਮ ਪਹਿਲ ਦੇ ਆਧਾਰ ਤੇ ਹੋਣਗੇ :- ਮਲਹੋਤਰਾ
ਜੰਡਿਆਲਾ ਗੁਰੂ 13 ਸਤੰਬਰ (ਵਰੁਣ ਸੋਨੀ) ਅੱਜ ਨਗਰ ਕੌਂਸਲ ਦਫਤਰ ਸ਼ਹਿਰ ਵਾਸੀਆਂ ਦੀਆਂ ਮੁਸ਼ਕਿਲਾਂ ਸੁਣਦੇ ਹੋਏ ਰਣਧੀਰ ਸਿੰਘ ਮਲਹੋਤਰਾ ਮੀਤ ਪ੍ਰਧਾਨ ਨੇ ਦੱਸਿਆ ਕਿ ਹਲਕਾ ਵਿਧਾਇਕ ਸੁਖਵਿੰਦਰ ਸਿੰਘ ਡੈਨੀ ਬੰਡਾਲਾ ਦੀ ਸੋਚ ਅਨੁਸਾਰ ਦਫਤਰ ਨਗਰ ਕੋਂਸਲ ਆਏ ਹਰ ਇਕ ਨਾਗਰਿਕ ਦੀ ਮੁਸ਼ਕਿਲ ਨੂੰ ਸੁਚੱਜੇ ਢੰਗ ਨਾਲ ਹੱਲ ਕੀਤਾ ਜਾਵੇਗਾ । ਉਹਨਾਂ ਕਿਹਾ ਕਿ ਨਗਰ ਕੋਂਸਲ ਦੇ ਪ੍ਰਧਾਨ ਸੰਜੀਵ ਕੁਮਾਰ ਲਵਲੀ ਵੀ ਪੂਰੀ ਤਨਦੇਹੀ ਨਾਲ ਡਿਊਟੀ ਨਿਭਾਅ ਰਹੇ ਹਨ ਅਤੇ ਉਹਨਾਂ ਦੀ ਗੈਰ ਹਾਜ਼ਰੀ ਵਿਚ ਦਾਸ ਵਲੋਂ ਜਨਤਾ ਦੀ ਸੇਵਾ ਵਿਚ ਹਾਜਰੀ ਲਗਵਾਈ ਜਾਂਦੀ ਹੈ । ਇਸ ਮੌਕੇ ਉਹਨਾਂ ਤੋਂ ਇਲਾਵਾ ਨਗਰ ਕੌਂਸਲ ਦਫਤਰ ਵਿਚ ਸੁਰਿੰਦਰ ਸੇਠ, ਅਰਵਿੰਦਰ ਸਿੰਘ, ਚਰਨਜੀਤ ਟੀਟੋ, ਮਨਿੰਦਰ ਸਿੰਘ ਮਨੀ ਪ੍ਰਧਾਨ ਬੀ ਸੀ ਸੈਲ ਆਦਿ ਮੌਜੂਦ ਸਨ । ਇਥੇ ਇਹ ਦੱਸਣਯੋਗ ਹੈ ਕਿ ਅੱਜ ਹਲਕਾ ਵਿਧਾਇਕ ਡੈਨੀ ਬੰਡਾਲਾ ਨੇ ਨਗਰ ਕੋਂਸਲ ਦਫਤਰ ਪੱਤਰਕਾਰ ਭਾਈਚਾਰੇ ਅਤੇ ਬੀ ਡੀ ਪੀ ਉ ਮੈਡਮ ਸੁਖਬੀਰ ਕੌਰ ਵਿਚ ਚੱਲ ਰਹੇ ਮਨਮੁਟਾਵ ਨੂੰ ਖਤਮ ਕਰਕੇ ਮਾਹੌਲ ਨੂੰ ਸ਼ਾਂਤਮਈ ਅਤੇ ਖ਼ੁਸ਼ਨੁਮਾ ਕੀਤਾ ।