ਬਰਨਾਲਾ, 29 ਅਪ੍ਰੈਲ (ਬਘੇਲ ਸਿੰਘ ਧਾਲੀਵਾਲ)-ਡੇਰਾ ਬਾਬਾ ਗਾਂਧਾ ਸਿੰਘ ਬਰਨਾਲਾ ਵਿਖੇ ਉਚੇਚੇ ਤੌਰ ਤੇ ਪਹੁੰਚ ਕੇ ਮੁੱਖ ਮੰਤਰੀ ਪੰਜਾਬ ਦੇ ਮੀਡੀਆ ਇੰਚਾਰਜ ਬਲਤੇਜ ਪੰਨੂ ਨੇ ਡੇਰੇ ਦੇ ਮੁਖੀ ਮਹੰਤ ਬਾਬਾ ਪਿਆਰਾ ਸਿੰਘ ਤੋਂ ਅਸ਼ੀਰਵਾਦ ਪਰਾਪਤ ਕੀਤਾ | ਉਨ੍ਹਾਂ ਨੇ ਤਕਰੀਬਨ ਤਿੰਨ ਘੰਟੇ ਦਾ ਸਮਾਂ ਡੇਰੇ ਵਿੱਚ ਸੰਤ ਮਹਾਂਪੁਰਸਾਂ ਨਾਲ ਵਿਚਾਰ ਵਟਾਂਦਰਾ ਕਰਦਿਆਂ ਬਿਤਾਇਆ | ਗੱਲਬਾਤ ਦੌਰਾਨ ਡੇਰਾ ਮੁਖੀ ਮਹੰਤ ਪਿਆਰਾ ਸਿੰਘ ਨੇ ਸ੍ਰ ਪੰਨੂ ਨੂੰ ਡੇਰੇ ਦੀ ਇਤਿਹਾਸਿਕ ਮਹੱਤਤਾ ਸਬੰਧੀ ਜਾਣਕਾਰੀ ਦਿੱਤੀ |
ਸ੍ਰ ਪੰਨੂ ਨੇ ਕੁੱਝ ਸਮਾਂ ਵੱਡੀ ਗਿਣਤੀ ਵਿੱਚ ਪਹੁੰਚੇ ਡੇਰਾ ਸ਼ਰਧਾਲੂਆਂ ਨਾਲ ਵੀ ਗੱਲਬਾਤ ਕੀਤੀ | ਪੰਨੂ ਦੇ ਇਸ ਦੌਰੇ ਨੂੰ ਭਾਵੇਂ ਇਲਾਕੇ ਦੇ ਵੱਡੀ ਗਿਣਤੀ ਵਿੱਚ ਡੇਰਾ ਸ਼ਰਧਾਲੂਆਂ ਦੀਆਂ ਵੋਟਾਂ ਨਾਲ ਜੋੜ ਕੇ ਦੇਖਿਆ ਜਾ ਰਿਹਾ ਹੈ,ਪਰ ਬਲਤੇਜ ਪੰਨੂ ਦਾ ਕਹਿਣਾ ਸੀ ਕਿ ਉਹ ਡੇਰਾ ਵਿਖੇ ਨਿਰੋਲ ਧਾਰਮਿਕ ਅਕੀਦੇ ਨਾਲ ਦਰਸ਼ਨ ਕਰਨ ਲਈ ਆਏ ਹਨ ਅਤੇ ਬਾਬਾ ਪਿਆਰਾ ਸਿੰਘ ਤੋਂ ਅਸ਼ੀਰਵਾਦ ਲੈ ਕੇ ਸਾਡਾ ਆਉਣਾ ਸਫਲ ਹੋ ਗਿਆ ਹੈ |
ਇਸ ਮੌਕੇ ਗਰੀਬਦਾਸੀ ਕੁਟੀਆ ਝਲੂਰ ਦੇ ਗੱਦੀ ਨਸ਼ੀਨ ਸੁਆਮੀ ਅਮਿ੍ਤਾ ਨੰਦ,ਮਹੰਤ ਮੱਘਰ ਦਾਸ ਖੁੱਡੀ,ਜਿਲ੍ਹਾ ਯੋਜਨਾ ਬੋਰਡ ਬਰਨਾਲਾ ਦੇ ਚੇਅਰਮੈਨ ਗੁਰਦੀਪ ਸਿੰਘ ਬਾਠ,ਗੁਰਵਿੰਦਰ ਸਿੰਘ ਪਟਿਆਲਾ,ਐਡਵੋਕੇਟ ਸਰਬਜੀਤ ਨੰਗਲ,ਸਰਪੰਚ ਹਰਦੇਵ ਸਿੰਘ ਭੱਠਲ, ਜੈਲਦਾਰ ਉਜਾਗਰ ਸਿੰਘ ਅਕਲੀਆ,ਜਸਪਾਲ ਆੜਤੀਆ,ਅਮਿ੍ਤ ਸੇਖਾ,ਸੁਰਿੰਦਰ ਸਿੰਘ ਡੇਰਾ ਬਾਬਾ ਗਾਂਧਾ ਸਿੰਘ ਬਰਨਾਲਾ,ਰੂਪ ਸਿੰਘ ਥਿੰਦ, ਜਗਮੇਲ ਸਿੰਘ ਅਕਲੀਆ, ਮੱਖਣ ਸਿੰਘ, ਕੁਲਵੰਤ ਸਿੰਘ ਜਾਗਲ,ਸੁਖਦੇਵ ਜੱਟ, ਰੂਪ ਸਿੰਘ ਸਾਬਕਾ ਸਰਪੰਚ ਸੋਹਲ ਪੱਤੀ, ਹਰਦਿਆਲ ਸਿੰਘ ਸੰਧੂ, ਅਮਰਜੀਤ ਸਿੰਘ ਗ੍ਰੰਥੀ ਗੁਰਦੁਆਰਾ ਰਾਮਗੜੀਆ ਬਰਨਾਲਾ, ਪ੍ਰਗਟ ਸਿੰਘ ਜੋਧਪੁਰ, ਜੱਗਾ ਐਮਸੀ ਸਾਬਕਾ, ਬੂਟਾ ਸਿੰਘ ਖੁੱਡੀ, ਅੰਮਿ੍ਤ ਸੇਖਾ, ਰੂਪ ਥਿੰਦ, ਨੰਬਰਦਾਰ ਜੱਗਾ ਸਿੰਘ ਖੁੱਡੀ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਡੇਰਾ ਸ਼ਰਧਾਲੂ ਹਾਜਰ ਸਨ |