ਆਨਲਾਈਨ ਸ਼ਾਪਿੰਗ ਦੇ ਨਾਮ ਤੇ ਗਾਹਕਾਂ ਨਾਲ ਹੁੰਦੀ ਠੱਗੀ
ਆਨਲਾਈਨ ਖਰੀਦਦਾਰੀ ਦੇ ਵੱਧ ਰਹੇ ਰੁਝਾਨ ਕਾਰਨ ਬਹੁਤ ਸਾਰੇ ਸ਼ਹਿਰਾਂ ਵਿੱਚ ਬਣੇ ਸਟੋਰਾਂ ਵੱਲੋਂ ਇੰਸਟਾਗ੍ਰਾਮ ਤੇ ਵੀਡੀਓ/ਰੀਲ ਪਾ ਕੇ ਵੱਖ ਤਰ੍ਹਾਂ ਦੇ ਉਤਪਾਦਾਂ ਦੀ ਮਸ਼ਹੂਰੀ ਕਰ ਕੇ ਗਾਹਕਾਂ ਨੂੰ ਆਕਰਸ਼ਤ ਕੀਤਾ ਜਾਂਦਾ ਹੈ। ਬਹੁਤ ਸਾਰੇ ਸਟੋਰ ਸਹੀ ਸਮਾਨ ਸਹੀ ਸਮੇਂ ਤੇ ਪਹੁੰਚਦਾ ਵੀ ਕਰਦੇ ਹਨ ਪਰ ਇਨ੍ਹਾਂ ਵਿੱਚੋਂ ਜ਼ਿਆਦਾਤਰ ਆਨਲਾਈਨ ਪੇਮੈਂਟ ਤਾਂ ਕਰਵਾ ਲੈਂਦੇ ਹਨ ਪਰ ਗਾਹਕ ਨੂੰ ਕੋਈ ਸਮਾਨ ਨਹੀਂ ਪਹੁੰਚਿਆ ਜਾਂਦਾ। ਖੁਦ ਦਾ ਤਜਰਬਾ ਸਾਂਝਾ ਕਰ ਰਿਹਾ ਹਾਂ, ਲੁਧਿਆਣਾ ਸਥਿਤ ਬੱਤਾ ਫੈਸ਼ਨ ਬਾਰ ਨਾਮ ਦੇ ਸਟੋਰ ਦੇ ਇੰਸਟਾਗ੍ਰਾਮ ਪੇਜ ਤੋਂ ਆਕਰਸ਼ਤ ਹੋ ਕੇ ਉਨ੍ਹਾਂ ਦੇ ਵਟਸਐਪ ਨੰਬਰ ਤੇ ਮੈਂ ਕੁਝ ਸਮਾਨ ਆਡਰ ਕਰਕੇ ਪੇਮੈਂਟ ਉਨ੍ਹਾਂ ਨੂੰ ਟਰਾਂਸਫਰ ਕਰ ਦਿੱਤੀ ਪਰ ਦੋ ਢਾਈ ਮਹੀਨੇ ਬੀਤ ਜਾਣ ਪਿੱਛੋਂ ਵੀ ਕੋਈ ਸਮਾਨ ਡਲਿਵਰ ਨਹੀਂ ਹੋਇਆ। ਜਦੋਂ ਵੀ ਫੋਨ ਕਾਲ ਕਰੋ ਤਾਂ ਕੋਈ ਨਹੀਂ ਚੱਕਦਾ। ਮੈਂ ਗੂਗਲ ਮੈਪ ਤੇ ਇਨ੍ਹਾਂ ਦੇ ਰਿਵਿਊ ਚੈੱਕ ਕੀਤੇ ਤਾਂ 90 ਫੀਸਦੀ ਰਿਵਿਊ ਠੱਗੀ ਹੋਣ ਬਾਰੇ ਹਨ। ਸਭ ਨੂੰ ਇਸ ਤਰ੍ਹਾਂ ਦੇ ਠੱਗਾਂ ਤੋਂ ਸੁਚੇਤ ਰਹਿਣ ਦੀ ਲੋੜ ਹੈ।
ਚਾਨਣ ਦੀਪ ਸਿੰਘ ਔਲਖ ਮਾਨਸਾ