ਸੰਘਰਸ਼ ਵਿੱਚ ਸ਼ਹੀਦੀਆਂ ਪਾਉਣ ਵਾਲੇ ਯੋਧਿਆਂ ਦੇ ਨਾਮ
ਚੰਗੇ ਕਾਰਜ ਦੀ ਸ਼ਲਾਘਾ ਚੁਫੇਰ ਹੁੰਦੀ,
ਲੋੜ ਪ੍ਰਤੱਖ ਨੂੰ ਕਦੇ ਪ੍ਰਮਾਣ ਦੀ ਨਾ।
ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਲੜੇ ਅਸੀਂ,
ਜ਼ਿਆਦਾ ਲੋੜ ਕੋਈ ਸਾਨੂੰ ਸਨਮਾਨ ਦੀ ਨਾ।
ਅੱਜ ਖੜ੍ਹਦੇ ਨਾਂ ਹੱਕਾਂ ਦੀ ਖਾਤਰ ਜੇਕਰ,
ਕਿਵੇਂ ਸਹਿੰਦੇ ਫਿਰ ਗੱਲ ਜਹਾਨ ਦੀ ਨਾ?
ਸਦਕੇ ਜਾਈਏ ਯੋਧੇ ਅਣਖੀ ਸੂਰਮਿਆਂ ਦੇ,
ਜਿੰਨਾ ਨੇ ਸੋਚੀ ਕੋਈ ਗੱਲ ਲਾਭ ਤੇ ਹਾਨ ਦੀ ਨਾ।
ਸ਼ਹੀਦੀਆਂ ਪਾਉਣ ਵਾਲਿਆਂ ਨੂੰ ਸਾਡਾ ਹੈ ਸਦਾ ਸਿਜਦਾ,
ਨਮਨ ਕਰਦਾ ਹੈ ਕੁੱਲ ਆਵਾਮ ਤੁਹਾਨੂੰ।
ਰਹਿੰਦੀ ਦੁਨੀਆਂ ਤੱਕ ਇਤਿਹਾਸ ਵਿੱਚ ਨਾਮ ਰਹਿਣਾ,
ਸ਼ਰਮੇ ਦੱਦਾਹੂਰੀਏ ਵੱਲੋਂ ਹੈ ਝੁੱਕ ਝੁੱਕ ਸਲਾਮ ਤੁਹਾਨੂੰ।
ਜਸਵੀਰ ਸ਼ਰਮਾਂ ਦੱਦਾਹੂਰ