ਪ੍ਰਵਾਸੀ ਕਾਂਗਰਸੀਆਂ ਵੱਲੋਂ ਚੰਨੀ ਦੀ ਨਿਯੁਕਤੀ ਦਾ ਪੁਰਜੋਰ ਸਵਾਗਤ
ਚੰਨੀ 'ਤੋਂ ਪੰਜਾਬ ਨੂੰ ਅਤੇ ਪਾਰਟੀ ਨੂੰ ਢੇਰ ਸਾਰੀਆਂ ਉਮੀਦਾਂ: ਯੂਰਪ ਟੀਮ
ਈਪਰ, ਬੈਲਜ਼ੀਅਮ 26 ਸਤੰਬਰ ( ਪ੍ਰਗਟ ਸਿੰਘ ਜੋਧਪੁਰੀ ) ਚਰਨਜੀਤ ਸਿੰਘ ਚੰਨੀ ਦੀ ਮੁੱਖ ਮੰਤਰੀ ਵਜੋਂ ਨਿਯੁਕਤੀ ਨੂੰ ਕਾਂਗਰਸ ਸਮੱਰਥਕ ਅਗਲੀਆਂ ਪੰਜਾਬ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਸੁਭ ਸੰਦੇਸ਼ ਮੰਨ ਰਹੇ ਹਨ। ਪ੍ਰਵਾਸੀ ਕਾਂਗਰਸੀ ਸਮਰੱਥਕਾਂ ਦਾ ਮੰਨਣਾ ਹੈ ਕਿ ਕਾਂਗਰਸ ਹਾਈ ਕਮਾਂਡ ਦੇ ਇਸ ਫੈਸਲੇ ਨਾਲ ਇਹ ਸਾਬਤ ਹੋ ਗਿਆ ਹੈ ਕਿ ਕਾਂਗਰਸ ਰਵਾਇਤੀ ਪਾਰਟੀਆਂ ਵਾਂਗ ਸਿਰਫ ਵੱਡੇ ਖਾਨਦਾਨਾਂ ਨੂੰ ਹੀ ਵੱਡੇ ਅਹੁਦਿਆਂ 'ਤੇ ਨਹੀ ਬਿਰਾਜਮਾਨ ਕਰਦੀ ਕਿਉਂਕਿ ਚੰਨੀ ਇੱਕ ਆਮ ਘਰ ਦਾ ਪੁੱਤਰ ਅਤੇ ਪੜਿਆ ਲਿਖਿਆ ਨੌਜਵਾਨ ਹੈ ਜਿਸਦੀ ਯੋਗਤਾ ਹੀ ਇਸ ਵਕਾਰੀ ਅਹੁਦੇ ਦੀ ਹੱਕਦਾਰ ਬਈ ਹੈ। ਇੰਡੀਅਨ ਓਵਰਸੀਜ਼ ਕਾਂਗਰਸ ਦੇ ਚੇਅਰਮੈਂਨ ਸੈਮ ਪਿਤਰੋਦਾ, ਸੈਕਟਰੀ ਹਿਮਾਂਸੂ ਵਿਆਸ, ਇੰਡੀਅਨ ਓਵਰਸੀਜ਼ ਕਾਂਗਰਸ ਯੂਰਪ ਦੇ ਪ੍ਰਧਾਨ ਪ੍ਰਮੋਦ ਕੁਮਾਰ, ਅਵਤਾਰ ਸਿੰਘ ਚੀਮਾਂ ਕੁਆਰਡੀਨੇਟਰ, ਰਾਜਵਿੰਦਰ ਸਿੰਘ ਕਨਵੀਨਰ, ਯੂਥ ਆਗੂ ਹਰਰੂਪ ਬਾਠ ਹੇਰਾਂ ਵੱਲੋਂ ਜਾਰੀ ਬਿਆਨ ਵਿੱਚ ਇੰਡੀਅਨ ਓਵਰਸੀਜ਼ ਯੂਥ ਕਾਂਗਰਸ ਯੂਰਪ ਦੇ ਪ੍ਰਧਾਨ ਪਾਵਰਲਿਫਟਰ ਸ੍ਰੀ ਤੀਰਥ ਰਾਮ ਨੇ ਕਿਹਾ ਕਿ ਨਵੇਂ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੀਆਂ ਕੁੱਝ ਦਿਨਾਂ ਦੀਆਂ ਸਰਗਰਮੀਆਂ ਨੇ ਹੀ ਸਾਬਤ ਕਰ ਦਿੱਤਾ ਉਹ ਜਲਦੀ | ਪੰਜਾਬ ਦੀ ਨੁਹਾਰ ਬਦਲ ਦੇਣਗੇ। ਸ੍ਰੀ ਰਾਮ ਦਾ ਕਹਿਣਾ ਹੈ ਕਿ ਸਮੂਹ ਪ੍ਰਵਾਸੀ ਕਾਂਗਰਸੀ ਸ ਚੰਨੀ ਨਾਲ ਮਿਲ ਕੇ ਕੰਮ ਕਰਨ ਦੇ ਇਛੁੱਕ ਹਨ ਤੇ ਅਗਲੀ ਸਰਕਾਰ ਵੀ ਕਾਂਗਰਸ ਦੀ ਹੀ ਬਣੇਗੀ।