Friday, March 29, 2024
24 Punjabi News World
Mobile No: + 31 6 39 55 2600
Email id: hssandhu8@gmail.com

Poem

ਨਾਨਕ ਪਿਆਰਾ

November 05, 2022 11:08 PM
ਨਾਨਕ ਪਿਆਰਾ                           
"ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਤੇ ਵਿਸ਼ੇਸ਼"            
 
ਤ੍ਰਿਪਤਾ ਦੇ ਘਰ ਨਾਨਕ ਪਿਆਰਾ, ਦਰਗਾਹੋਂ ਚਲ ਆਇਆ ਏ 
ਨਨਕਾਣੇ ਸੰਗ ਜਿਸ ਨੇ ਸਾਰੀ, ਦੁਨੀਆਂ ਨੂੰ ਰੁਸ਼ਨਾਇਆ ਏ
 
ਮਹਿਤਾ ਕਾਲੂ ਦੇ ਘਰ ਸੋਹਣਾ
ਅਰਸ਼ੋਂ ਚੱਲ ਆਇਆ ਮਨਮੋਹਣਾ
ਸ਼ਾਹੂਕਾਰ ਬੁਲਾਰ ਵੀ ਆ ਕੇ, ਚਰਨੀਂ ਸੀਸ ਨਿਵਾਇਆ ਏ 
                               ਨਨਕਾਣੇ ਸੰਗ...
 
ਮੁੱਖੜੇ ਉੱਤੇ ਨੂਰ ਇਲਾਹੀ
ਜੱਗ ਤੇ ਆਇਆ ਜੱਗ ਦਾ ਮਾਹੀ
ਭੈਣ ਨਾਨਕੀ ਮੱਥਾ ਚੁੰਮਕੇ, ਸੀਨੇ ਨਾਲ ਲਗਾਇਆ ਏ
                               ਨਨਕਾਣੇ ਸੰਗ...
 
ਪਹਿਲੇ ਦਰਸ਼ਨ ਦੌਲਤਾਂ ਕੀਤੇ
ਰਹਿ ਗਏ ਹੋਂਠ ਸੀਤੇ ਦੇ ਸੀਤੇ
ਲਾਲ ਚਮਕਦਾ ਜਿਉਂ ਚੰਦਰਮਾ, ਉਸਨੇ ਸ਼ੋਰ ਮਚਾਇਆ ਏ
                               ਨਨਕਾਣੇ ਸੰਗ...
 
ਲੋਕੀਂ ਆ ਆ ਦੇਣ ਵਧਾਈਆਂ
ਚਾਰੇ ਪਾਸੇ ਖੁਸ਼ੀਆਂ ਛਾਈਆਂ
ਸਲੇਮਪੁਰੇ ਦੇ 'ਲੱਖੇ' ਨੇ ਵੀ, ਦਿਲ ਦੇ ਵਿੱਚ ਵਸਾਇਆ ਏ
                               ਨਨਕਾਣੇ ਸੰਗ....                                                                      
ਲਖਵਿੰਦਰ ਸਿੰਘ ਲੱਖਾ ਸਲੇਮਪੁਰੀ              

Have something to say? Post your comment