ਮੀਟਿੰਗ ਤੋਂ ਬਾਦ ਨਿਵੇਸਕਾ ਨੇ 25 ਲੱਖ ਲੋਕਾਂ ਦੇ ਦੋਸੀਆਂ ਨਿਰਮਲ ਸਿੰਘ ਭੰਗੂ, ਕੈਪਟਨ ਅਮਰਿੰਦਰ ਸਿੰਘ ਤੇ ਸੁਖਬੀਰ ਸਿੰਘ ਬਾਦਲ ਦੇ ਪੁਤਲੇ ਫੂਕੇ-- ਰਾਏਪੁਰ
ਮਾਨਸਾ ( ਤਰਸੇਮ ਸਿੰਘ ਫਰੰਡ ) ਪਰਲ ਕੰਪਨੀ ਤੋਂ ਪੀੜਤ ਨਿਵੇਸਕਾ ਦੀ ਮੀਟਿੰਗ ਇਨਸਾਫ਼ ਦੀ ਆਵਾਜ਼ ਜਥੇਬੰਦੀ ਪੰਜਾਬ ਦੀ ਪੰਜਾਬ ਦੇ ਮੁੱਖ ਬੁਲਾਰਾ ਸੂਬੇਦਾਰ ਮੇਜਰ ਜਗਦੇਵ ਸਿੰਘ ਰਾਏਪੁਰ ਦੀ ਅਗਵਾਈ ਹੇਠ ਗੁਰੂ ਤੇਗ ਬਹਾਦੁਰ ਗੁਰਦੁਆਰਾ ਸਾਹਿਬ ਬੁਢਲਾਡਾ ਵਿੱਚ ਹੋਈ। ਮੀਟਿੰਗ ਵਿੱਚ ਪਰਲ ਕੰਪਨੀ ਤੇ ਹੋਰ ਚਿੱਟ ਫੰਡ ਕੰਪਨੀਆਂ ਤੋਂ ਪੀੜਤ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਸੂਬੇਦਾਰ ਮੇਜਰ ਜਗਦੇਵ ਸਿੰਘ ਰਾਏਪੁਰ ਨੇ ਕਿਹਾ ਕਿ ਕੇਦਰ ਸਰਕਾਰ ਦੇ ਵਿਭਾਗ ਐਮ ਸੀ ਏ ਰਾਹੀਂ ਪ੍ਰਾਈਵੇਟ ਕੰਪਨੀਆਂ ਨੂੰ ਲਾਇਸੰਸ ਦਿਤੇ ਜਾਂਦੇ ਹਨ ਅਤੇ ਰਾਜ ਸਰਕਾਰਾਂ ਰਾਹੀਂ ਉਨ੍ਹਾਂ ਨੂੰ ਪਰਮੋਟ ਕੀਤਾ ਜਾਂਦਾ ਹੈ ਅਤੇ ਫਿਰ ਸੇਬੀ ਤੇ ਈ ਡੀ ਰਾਹੀਂ ਬੰਦ ਕਰ ਦਿੱਤਾ ਜਾਂਦਾ ਹੈ, ਜਿਸ ਕਰਕੇ ਗਰੀਬ ਨਿਵੇਸਕਾ ਦਾ ਲੱਖਾਂ ਰੁਪਿਆ ਕੰਪਨੀਆਂ ਵਿੱਚ ਡੁੱਬ ਜਾਦਾਂ ਹੈ। ਸੂਬੇਦਾਰ ਮੇਜਰ ਜਗਦੇਵ ਸਿੰਘ ਰਾਏਪੁਰ ਨੇ ਕਿਹਾ ਕਿ 2002 ਤੋ 2007 ਤੱਕ ਕਾਗਰਸ ਸਰਕਾਰ ਸਮੇਂ ਕੈਪਟਨ ਅਮਰਿੰਦਰ ਸਿੰਘ ਨੇ ਪਰਲ ਕੰਪਨੀ ਨੂੰ 582 ਕਰੌੜ ਰੁਪਏ ਦੇ ਮੈਗਾ ਪ੍ਰੋਜੈਕਟ ਬਨੂੰੜ, ਮੋਹਾਲੀ ਤੇ ਚੰਡੀਗੜ੍ਹ ਵਿੱਚ ਦੇ ਕੇ ਪਰਮੋਟ ਕੀਤਾ ਸੀ ਅਤੇ ਆਕਾਲੀ ਦਲ ਦੀ ਸਰਕਾਰ ਸਮੇਂ ਸੁਖਬੀਰ ਸਿੰਘ ਬਾਦਲ ਨੇ ਨਿਰਮਲ ਸਿੰਘ ਭੰਗੂ ਨਾਲ ਮਿਲਕੇ ਪਰਲ ਕੰਪਨੀ ਤੋਂ ਪਰਲਜ਼ ਵਰਡ ਕਬੱਡੀ ਕੱਪ ਕਰਵਾਕੇ ਪਰਮੋਟ ਕੀਤਾ ਸੀ। ਇਸ ਕਰਕੇ ਪੰਜਾਬ ਦੇ 25 ਲੱਖ ਲੋਕਾਂ ਦਾ 10 ਹਜ਼ਾਰ ਕਰੌੜ ਰੁਪਿਆ ਪਰਲ ਕੰਪਨੀ ਵਿੱਚ ਡੁਬਿਆ ਹੈ। ਇਨਸਾਫ਼ ਦੀ ਆਵਾਜ਼ ਜਥੇਬੰਦੀ ਸ. ਮਹਿੰਦਰਪਾਲ ਸਿੰਘ ਦਾਨਗੜ੍ਹ ਦੀ ਅਗਵਾਈ ਵਿੱਚ 7 ਸਾਲਾਂ ਤੋਂ ਲੰਬਾ ਤੇ ਤਿਖਾਂ ਸੰਘਰਸ਼ ਕਰ ਰਹੀ ਹੈ, ਲੋਕਾਂ ਦੇ ਪੈਸੇ ਵਿਆਜ਼ ਸਮੇਤ ਵਾਪਸ ਕਰਵਾਉਣ ਲਈ। ਮਾਨਯੋਗ ਸੁਪਰੀਮ ਕੋਰਟ ਨੇ 2 ਫਰਵਰੀ, 2016 ਵਿੱਚ ਫੈਸਲਾ ਨਿਵੇਸਕਾ ਦੇ ਹੱਕ ਵਿੱਚ ਦਿਤਾ ਸੀ ਕਿ ਪਰਲ ਕੰਪਨੀ ਦੀਆਂ ਜਮੀਨਾਂ (ਪ੍ਰਾਪਰਟੀਆਂ) ਵੇਚਕੇ ਗਰੀਬ ਨਿਵੇਸਕਾ ਦਾ ਪੈਸਾ ਵਿਆਜ਼ ਸਮੇਤ ਵਾਪਸ ਕੀਤਾ ਜਾਵੇ। ਪਰ ਲੌਢਾ ਕਮੇਟੀ ਤੇ ਸੇਬੀ ਦੀ ਢਿੱਲੀ ਕਾਰਗੁਜ਼ਾਰੀ ਕਾਰਣ ਅਜੇ ਤੱਕ ਗਰੀਬ ਨਿਵੇਸਕ ਦਰ ਦਰ ਦੀਆਂ ਠੋਕਰਾਂ ਖਾ ਰਹੇ ਹਨ। ਪੰਜਾਬ ਵਿੱਚ ਪਰਲ ਕੰਪਨੀ ਦੀਆਂ ਜਮੀਨਾਂ ਉਤੇ ਮਾਲ ਮਹਿਕਮੇ ਨਾਲ ਮਿਲਕੇ ਸਤਾਧਾਰੀ ਲੋਕ ਕਾਬਜ ਹਨ। ਇਸ ਕਰਕੇ ਇਨਸਾਫ਼ ਦੀ ਆਵਾਜ਼ ਜਥੇਬੰਦੀ ,ਪੰਜਾਬ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਅਤੇ ਪੰਜਾਬ ਕਾਗਰਸ ਦੇ ਪ੍ਧਾਨ ਨਵਜੋਤ ਸਿੰਘ ਸਿੱਧੂ ਤੋਂ ਮੰਗ ਕਰਦੀ ਹੈ ਕਿ ਪੰਜਾਬ ਵਿੱਚ ਪਰਲ ਕੰਪਨੀ ਦੀਆਂ ਜਮੀਨਾਂ ਤੋਂ ਨਜਾਇਜ਼ ਕਬਜ਼ੇ ਹਟਾ ਕੇ ਪੋ੍ਪਰਟੀਆ ਵੇਚਕੇ ਮਾਨਯੋਗ ਸੁਪਰੀਮ ਕੋਰਟ ਦੇ ਫੈਸਲੇ ਮੁਤਾਬਿਕ ਨਿਵੇਸਕਾ ਦੇ ਪੈਸੇ ਵਿਆਜ਼ ਸਮੇਤ ਵਾਪਸ ਦਿਤੇ ਜਾਣ। ਮੀਟਿੰਗ ਵਿੱਚ ਸਰਬਸੰਮਤੀ ਨਾਲ ਵਿਧਾਨ ਸਭਾ ਹਲਕਾ ਬੁਢਲਾਡਾ ਦੀ ਇਨਸਾਫ਼ ਦੀ ਆਵਾਜ਼ ਜਥੇਬੰਦੀ ਦੀ ਚੋਣ ਸੂਬੇਦਾਰ ਮੇਜਰ ਜਗਦੇਵ ਸਿੰਘ ਰਾਏਪੁਰ ਦੀ ਅਗਵਾਈ ਵਿੱਚ ਕੀਤੀ ਗਈ ਹੈ। ਵਿਧਾਨ ਸਭਾ ਹਲਕਾ ਬੁਢਲਾਡਾ ਦਾ ਪ੍ਧਾਨ- ਪਰਗਟ ਸਿੰਘ ਫੁਲੂਵਾਲਾ ਡੋਡ, ਮੀਤ ਪ੍ਰਧਾਨ-ਜਗਜੀਤ ਸਿੰਘ ਬੁਢਲਾਡਾ, ਜਨਰਲ ਸਕੱਤਰ-ਹਰਵਿੰਦਰ ਕੁਮਾਰ ਹੈਪੀ ਬੁੜਾਵਾਲ, ਲੀਗਲ ਇਚਾਰਜ-ਬਲਦੇਵ ਸਿੰਘ ਕਾਲੀਆਂ, ਖਜਾਨਚੀ-ਮਾਸਟਰ ਕਲਾਧਾਰੀ ਸਰਮਾ, ਸੋਸਲ ਮੀਡੀਆ ਇਚਾਰਜ- ਕਿ੍ਸਨ ਸਰਮਾ ਅਤੇ ਸਹਾਇਕ ਲੀਗਲ ਇਚਾਰਜ-ਕੇਸੋ ਰਾਮ ਸਰਮਾ ਜੀ ਨੂੰ ਲਾਇਆ ਗਿਆ ਹੈ। ਮੀਟਿੰਗ ਤੋਂ ਬਾਦ ਪਰਲ ਕੰਪਨੀ ਦੇ ਪੰਜਾਬ ਦੇ 25 ਲੱਖ ਨਿਵੇਸਕਾ ਨਾਲ 10 ਹਜਾਰ ਕਰੌੜ ਰੁਪਏ ਦੀ ਵੱਜੀ ਠੱਗੀ ਦੇ ਮੁੱਖ ਤਿੰਨ ਦੋਸੀਆਂ ਨਿਰਮਲ ਸਿੰਘ ਭੰਗੂ, ਕੈਪਟਨ ਅਮਰਿੰਦਰ ਸਿੰਘ ਤੇ ਸੁਖਬੀਰ ਸਿੰਘ ਬਾਦਲ ਦੇ ਪੁਤਲੇ ਕੈਪਟਨ ਕੇ ਕੇ ਗੌੜ ਚੋਕ ਬੁਢਲਾਡਾ ਵਿੱਚ ਫੂਕੇ ਗਏ। ਨਿਵੇਸਕਾ ਨੇ ਤਿੰਨਾਂ ਦੋਸੀਆਂ ਦੇ ਖਿਲਾਫ਼ ਰੱਜਕੇ ਨਾਅਰੇਬਾਜ਼ੀ ਕੀਤੀ। ਪਰਲ ਕੰਪਨੀ ਤੋਂ ਪੀੜਤ ਨਿਵੇਸਕਾ ਨੇ ਪੰਜਾਬ ਸਰਕਾਰ ਨੂੰ ਚਿਤਾਵਨੀ ਦਿੱਤੀ ਕਿ ਜਲਦੀ ਹੀ ਪੰਜਾਬ ਪੱਧਰ ਤੇ ਤਿੱਖੇ ਸੰਘਰਸ਼ ਦਾ ਐਲਾਨ ਕੀਤਾ ਜਾਵੇਗਾ। ਮੀਟਿੰਗ ਨੂੰ ਸੂਬੇਦਾਰ ਮੇਜਰ ਜਗਦੇਵ ਸਿੰਘ ਰਾਏਪੁਰ ਤੋਂ ਇਲਾਵਾ ਨਾਇਬ ਸਿੰਘ ਖੜਿਆਲ, ਪਰਗਟ ਸਿੰਘ ਫੁਲੂਵਾਲਾ ਡੋਡ, ਬਲਦੇਵ ਸਿੰਘ ਕਾਲੀਆਂ, ਮਾਸਟਰ ਕਲਾਧਾਰੀ ਸਰਮਾ, ਕੇਸੋ ਰਾਮ ਸਰਮਾ ਤੇ ਕਰਨੈਲ ਸਿੰਘ ਢਿਲੋਂ ਨੇ ਸੰਬੋਧਨ ਕੀਤਾ।