ਮੁੰਬਈ : ਮਹਾਰਾਸ਼ਟਰ ਦੇ ਮੁੰਬਈ ਵਿੱਚ ਇੱਕ ਵਿਅਕਤੀ ਵੱਲੋਂ ਜੁੜਵਾ ਭੈਣਾਂ ਨਾਲ ਵਿਆਹ ਕਰਵਾਉਣ ਦਾ ਮਾਮਲਾ ਹੁਣ ਜ਼ੋਰ ਫੜਦਾ ਜਾ ਰਿਹਾ ਹੈ। ਇਕ ਹੀ ਮੰਡਪ ਵਿਚ ਦੋ ਔਰਤਾਂ ਦੇ ਵਿਆਹ ਦਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਪੁਲਸ ਨੇ ਉਕਤ ਨੌਜਵਾਨ ਖਿਲਾਫ ਪਰਚਾ ਦਰਜ ਕਰ ਲਿਆ ਸੀ। ਪਰ ਹੁਣ ਤਿੰਨੇ ਲੋਕ ਫਸਦੇ ਨਜ਼ਰ ਆ ਰਹੇ ਹਨ, ਰਾਜ ਮਹਿਲਾ ਕਮਿਸ਼ਨ ਨੇ ਸੋਲਾਪੁਰ ਪੁਲਿਸ ਨੂੰ ਖ਼ਬਰ ਦੀ ਜਾਂਚ ਕਰਕੇ ਕਾਰਵਾਈ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।
ਨਜਾਇਜ਼ ਵਿਆਹ ਦੇ ਤਹਿਤ ਕਾਰਵਾਈ ਕਰਨ ਦੇ ਨਿਰਦੇਸ਼
ਮਹਾਰਾਸ਼ਟਰ ਰਾਜ ਮਹਿਲਾ ਕਮਿਸ਼ਨ (MSCW) ਦੀ ਚੇਅਰਪਰਸਨ ਰੂਪਾਲੀ ਚਕਾਂਕਰ ਨੇ ਸੋਲਾਪੁਰ ਦੇ ਪੁਲਿਸ ਸੁਪਰਡੈਂਟ ਨੂੰ ਗੈਰ-ਕਾਨੂੰਨੀ ਵਿਆਹ ਲਈ ਆਈਪੀਸੀ ਦੀ ਧਾਰਾ 494 ਦੇ ਤਹਿਤ ਜਾਂਚ ਕਰਨ, ਕਾਰਵਾਈ ਸ਼ੁਰੂ ਕਰਨ ਅਤੇ ਪਹਿਲ ਦੇ ਆਧਾਰ 'ਤੇ MSCW ਨੂੰ ਰਿਪੋਰਟ ਕਰਨ ਲਈ ਕਿਹਾ ਹੈ।
ਦੋਵੇਂ ਭੈਣਾਂ ਇੰਜੀਨੀਅਰ, ਮਾਮਲਾ ਵਾਇਰਲ ਵੀਡੀਓ ਤੋਂ ਸੁਰਖ਼ੀਆਂ 'ਚ ਆਇਆ
ਮੁੰਬਈ ਦੇ ਵਸਨੀਕ ਅਤੁਲ ਅਵਤਾਡੇ ਦਾ ਵਿਆਹ ਜੁੜਵਾਂ ਭੈਣਾਂ ਰਿੰਕੀ ਐਮ ਪਡਗਾਓਂਕਰ ਅਤੇ ਪਿੰਕੀ ਐਮ ਪਡਗਾਓਂਕਰ ਨਾਲ ਹੋਇਆ ਹੈ। ਦੋਵੇਂ ਭੈਣਾਂ 36 ਸਾਲ ਦੀਆਂ ਹਨ ਅਤੇ ਇੰਜੀਨੀਅਰ ਹਨ, ਮੁੰਬਈ ਵਿੱਚ ਇੱਕ ਪ੍ਰਾਈਵੇਟ ਆਈਟੀ ਕੰਪਨੀ ਵਿੱਚ ਕੰਮ ਕਰਦੀਆਂ ਹਨ ਅਤੇ ਕਾਂਦੀਵਲੀ ਵੈਸਟ ਵਿੱਚ ਰਹਿੰਦੀਆਂ ਹਨ। ਵਿਆਹ 2 ਦਸੰਬਰ ਨੂੰ ਹੋਇਆ ਸੀ, ਜਿਸ ਵਿੱਚ 300 ਮਹਿਮਾਨਾਂ ਨੇ ਉਤਸ਼ਾਹ ਨਾਲ ਤਿੰਨਾਂ ਦਾ ਸਵਾਗਤ ਕੀਤਾ ਸੀ ਅਤੇ ਸਮਾਗਮ ਦੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈਆਂ ਸਨ।
ਦੋਸ਼ੀ ਪਹਿਲਾਂ ਹੀ ਵਿਆਹਿਆ ਹੋਇਆ
ਨਿਊਜ਼ ਏਜੰਸੀ ਆਈਏਐਨਐਸ ਦੀਆਂ ਕੁਝ ਅਸਪਸ਼ਟ ਰਿਪੋਰਟਾਂ ਦੇ ਅਨੁਸਾਰ, ਅਵਤਾਡੇ ਪਹਿਲਾਂ ਹੀ ਇੱਕ ਬਹੁ-ਵਿਆਹਵਾਦੀ ਸੀ ਅਤੇ ਉਸਦੀ ਪਹਿਲੀ ਪਤਨੀ ਨੇ ਜੁੜਵਾਂ ਭੈਣਾਂ ਨਾਲ ਉਸਦੇ ਵਿਆਹ 'ਤੇ ਇਤਰਾਜ਼ ਕੀਤਾ ਸੀ। ਹਾਲਾਂਕਿ ਪੁਲਿਸ ਨੇ ਅਜੇ ਤੱਕ ਇਸ 'ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਹੈ। ਦੱਸ ਦੇਈਏ ਕਿ ਇੱਕ ਸਥਾਨਕ ਨਿਵਾਸੀ ਰਾਹੁਲ ਬੀ ਫੂਲੇ ਨੇ 3 ਦਸੰਬਰ ਨੂੰ ਸਥਾਨਕ ਪੁਲਿਸ ਕੋਲ ਰਿਪੋਰਟ ਦਰਜ ਕਰਵਾਈ ਸੀ, ਪਰ ਉਸ ਨੂੰ ਉਚਿਤ ਅਦਾਲਤ ਵਿੱਚ ਜਾਣ ਦੀ ਸਲਾਹ ਦਿੱਤੀ ਗਈ ਸੀ। ਸਥਾਨਕ ਲੋਕਾਂ ਨੇ ਦਾਅਵਾ ਕੀਤਾ ਕਿ ਅਵਤਾਰ ਨੇ ਪਹਿਲਾਂ ਰਿੰਕੀ ਨਾਲ ਰਸਮਾਂ ਨਿਭਾਈਆਂ ਅਤੇ ਫਿਰ ਪਿੰਕੀ ਨਾਲ ਵਿਆਹ ਕਰਵਾਇਆ।