ਯੂਕੇ ਵਿੱਚ ਸਹਾਇਤਾ ਪ੍ਰਾਪਤ ਮੌਤ ਦੇ ਅਧਿਕਾਰ ਨੂੰ ਕਾਨੂੰਨੀ ਰੂਪ ਦੇਣ ਵਾਲਾ ਪਹਿਲਾ ਖਿੱਤਾ ਬਣੇਗਾ ਸਕਾਟਲੈਂਡ
ਸਕਾਟਿਸ਼ ਲਿਬਰਲ ਡੈਮੋਕਰੇਟ ਐਮਐਸਪੀ ਲਿਆਮ ਮੈਕਆਰਥਰ ਨੂੰ ਮਿਲਿਆ ਸਮਰਥਨ
ਗਲਾਸਗੋ (ਮਨਦੀਪ ਖੁਰਮੀ ਹਿੰਮਤਪੁਰਾ) ਅਸਿਸਟਡ ਡਾਈਂਗ ਫਾਰ ਟਰਮਿਨਲੀ ਇਲ ਅਡਲਟਸ (ਸਕਾਟਲੈਂਡ) ਬਿੱਲ ਸਕਾਟਲੈਂਡ ਨੂੰ ਯੂਕੇ ਵਿੱਚ ਆਪਣੀ ਜ਼ਿੰਦਗੀ ਖਤਮ ਕਰਨ ਦੇ ਅਧਿਕਾਰ ਨੂੰ ਕਾਨੂੰਨੀ ਰੂਪ ਦੇਣ ਲਈ ਸਭ ਤੋਂ ਪਹਿਲਾਂ ਬਣਾ ਦੇਵੇਗਾ। ਸਕਾਟਿਸ਼ ਲਿਬਰਲ ਡੈਮੋਕਰੇਟ ਐਮਐਸਪੀ ਲਿਆਮ ਮੈਕਆਰਥਰ ਨੇ ਸਤੰਬਰ ਦੇ ਸ਼ੁਰੂ ਵਿੱਚ ਸੰਸਦ ਵਿੱਚ ਇੱਕ ਅੰਤਮ ਪ੍ਰਸਤਾਵ ਦਾਇਰ ਕੀਤਾ, ਉਸ ਲਈ ਘੱਟੋ-ਘੱਟ 18 ਐਮਐਸਪੀਜ਼ ਤੋਂ ਕਰਾਸ-ਪਾਰਟੀ ਸਮਰਥਨ ਪ੍ਰਾਪਤ ਕਰਨ ਲਈ 30 ਦਿਨਾਂ ਦੀ ਵਿੰਡੋ ਦੀ ਸ਼ੁਰੂਆਤ ਕੀਤੀ।
ਲਿਆਮ ਨੇ ਇਹ ਟੀਚਾ ਅੰਤਿਮ ਪ੍ਰਸਤਾਵ ਦਾਇਰ ਕੀਤੇ ਜਾਣ ਦੇ ਦੋ ਘੰਟਿਆਂ ਦੇ ਅੰਦਰ ਹੀ ਪ੍ਰਾਪਤ ਕਰ ਗਿਆ ਸੀ। ਜਿਸ ਦੇ ਫਲਸਰੂਪ ਉਸਨੂੰ 36 ਐੱਮ ਐੱਸ ਪੀਜ਼ ਕੋਲੋਂ ਸਮਰਥਨ ਪ੍ਰਾਪਤ ਹੋਇਆ। ਇੱਕ ਚੌਥਾਈ ਤੋਂ ਵੱਧ ਮੈਂਬਰਾਂ ਨੇ ਸਹਾਇਕ ਮਰਨ ਵਾਲੇ ਬਿੱਲ ਲਈ ਵੋਟ ਪਾਈ। ਹੁਣ ਇਸ ਗੱਲ ਦੀ ਪੁਸ਼ਟੀ ਹੋ ਗਈ ਹੈ ਕਿ ਮੈਕਆਰਥਰ ਕੋਲ ਅਸਿਸਟਡ ਡਾਈਂਗ ਫਾਰ ਟਰਮੀਨਲੀ ਇਲ ਅਡਲਟਸ (ਸਕਾਟਲੈਂਡ) ਬਿੱਲ ਨੂੰ ਸੰਸਦ ਵਿੱਚ ਪੇਸ਼ ਕਰਨ ਦਾ ਅਧਿਕਾਰ ਹੈ ਤੇ ਸਕਾਟਲੈਂਡ ਯੂਕੇ ਵਿੱਚ ਆਪਣੀ ਜ਼ਿੰਦਗੀ ਖਤਮ ਕਰਨ ਦੇ ਅਧਿਕਾਰ ਨੂੰ ਕਾਨੂੰਨੀ ਰੂਪ ਦੇਣ ਵਾਲਾ ਪਹਿਲਾ ਖਿੱਤਾ ਬਣ ਜਾਵੇਗਾ।
ਤਜਵੀਜ਼ਾਂ ਦਾ ਉਦੇਸ਼ ਅੰਤਮ ਤੌਰ 'ਤੇ ਬਿਮਾਰ, ਮਾਨਸਿਕ ਤੌਰ 'ਤੇ ਸਮਰੱਥ ਬਾਲਗਾਂ ਲਈ ਸਹਾਇਤਾ ਮੌਤ ਦੇ ਅਧਿਕਾਰ ਨੂੰ ਪੇਸ਼ ਕਰਦਾ ਇਹ ਬਿੱਲ ਹੋਲੀਰੂਡ ਦੁਆਰਾ ਦੋ ਵਾਰ ਰੱਦ ਕੀਤਾ ਗਿਆ ਸੀ।
ਇਹ ਬਿੱਲ ਸਤੰਬਰ ਵਿੱਚ ਸਹਾਇਤਾ ਪ੍ਰਾਪਤ ਮੌਤ 'ਤੇ ਜਨਤਕ ਸਲਾਹ-ਮਸ਼ਵਰੇ ਤੋਂ ਬਾਅਦ ਪ੍ਰਕਾਸ਼ ਵਿੱਚ ਆਇਆ ਹੈ, ਜਿਸ ਨੇ ਰਿਕਾਰਡ 14,038 ਜਵਾਬ ਪ੍ਰਾਪਤ ਕੀਤੇ ਹਨ। ਇਹਨਾਂ ਜਵਾਬ ਦੇਣ ਵਾਲੇ ਲੋਕਾਂ ਵਿੱਚੋਂ 75% ਤੋਂ ਵੱਧ ਲੋਕਾਂ ਨੇ ਬਿੱਲ ਦੇ ਹੱਕ ਵਿੱਚ ਪੂਰਾ ਸਮਰਥਨ ਪ੍ਰਗਟ ਕੀਤਾ ਹੈ ਜਦਕਿ ਹੋਰ 2% ਨੇ ਕਾਨੂੰਨ ਵਿੱਚ ਤਬਦੀਲੀ ਦਾ ਅੰਸ਼ਕ ਤੌਰ 'ਤੇ ਸਮਰਥਨ ਕੀਤਾ। ਮੈਕਆਰਥਰ ਹੁਣ ਇੱਕ ਬਿੱਲ ਦਾ ਖਰੜਾ ਤਿਆਰ ਕਰਨ ਲਈ ਸਕਾਟਿਸ਼ ਸੰਸਦ ਦੀ ਗੈਰ-ਸਰਕਾਰੀ ਬਿੱਲ ਯੂਨਿਟ ਨਾਲ ਕੰਮ ਕਰੇਗਾ, ਜਿਸਦਾ ਉਦੇਸ਼ 2023 ਦੇ ਸ਼ੁਰੂ ਵਿੱਚ ਸੰਸਦ ਵਿੱਚ ਪੇਸ਼ ਕਰਨਾ ਹੈ। ਲਿਆਮ ਮੈਕਆਰਥਰ ਨੇ ਆਪਣੇ ਸੰਬੋਧਨ ਦੌਰਾਨ ਕਿਹਾ ਕਿ “ਮੈਂ ਹੁਣ ਇੱਕ ਸੁਰੱਖਿਅਤ, ਮਜ਼ਬੂਤ ਅਤੇ ਹਮਦਰਦ ਬਿੱਲ ਨੂੰ ਅੱਗੇ ਲਿਆਉਣ ਲਈ ਸੰਸਦ ਵਿੱਚ ਸਹਿਯੋਗੀਆਂ ਨਾਲ ਨਿੱਠ ਕੇ ਕੰਮ ਕਰ ਸਕਦਾ ਹਾਂ।