ਹਰ ਗਲੀ ਨੁੱਕਰ
ਤੇ ਮੋੜ ਖਤਰਨਾਕ ,
ਮੁੱਕੀ ਦਿਲ ਚੋਂ ਮੁਹੱਬਤ ,
ਨਾ ਕੋਈ ਹੀਰ ਰਾਝਾਂ ਚਾਕ ,
ਹਰ ਗਲੀ...................
ਪੈਸਾ ਖਾ ਗਿਆ ਸਾਰੇ ,
ਚੰਗੇ ਰਿਸ਼ਤੇ ਨਾਤੇ ,
ਅੱਧ ਪਚੰਦੇ ਤੇ ,
ਕੁਝ ਸਾਬਤ ਸਬਾਤੇ ,
ਪਾਪ ਭਰ ਗਿਆ ,ਆਲਮ ਚ'
ਕਿਧਰੇ ਰਿਹਾ ਨਾ ਪਾਕ ।
ਹਰ ਗਲੀ ..............
ਜਿੰਨੀ ਕਿਸ਼ਮਤ ਚ' ਲਿਖੀ ,
ਓਹ ਚੁੱਪ ਚਾਪ ਖਾ ਲੈ ,
ਜਿਹੜਾ ਆਪਣਾ ਬਣੇ ,
ਓਹਨੂੰ ਆਪਣਾ ਬਣਾ ਲੈ ,
ਫੇਰ ਪਛਤਾਉਣਾ ਪੈਣਾ ,
ਜਦੋਂ ਨਿਕਲ ਗਈ ਡਾਕ ।
ਹਰ ਗਲੀ ................
ਖਾਲੀ ਜੇਬ ਤੇ ,
ਖਾਲੀ ਬੰਦਾ ਪਿਆ ਦਿਸਦਾ ,
ਅਮੀਰ ਜਿੰਨ੍ਹਾਂ ਹੋਵੇ ਪਾਪੀ ,
ਪਰ ਆਪਣਾ ਹੈ ਰਿਸ਼ਤਾ ,
ਤੋਲਿਆ ਅਮੀਰੀ ਗਰੀਬੀ ਚ ,
ਜਾਦਾਂ ਮਹੱਲਾਂ ਦਾ ਹਰ ਸਾਕ ।
ਹਰ ਗਲੀ ...............
ਇਹ ਸੂਰਜ ਤੇ ਚੰਨ ,
ਨਿੱਤ ਚੜ੍ਹਦੇ ਤੇ ਛਿਪਦੇ ,
ਇਹ ਦੇਸ਼ ਨੇ ਪਰਾਏ ,
ਨਾ ਬਣੇ ਕਦੇ ਕਿਸਦੇ ,
ਸਭ ਤੁਰ ਗਏ , ਏਥੋਂ
ਜਿਨ੍ਹਾਂ ਰੱਖੇ ਬਹੁਤੇ ਝਾਕ ।
ਹਰ ਗਲੀ . ................
ਪੜ੍ਹ ਚਾਰ ਕੁ ਅੱਖਰ ,
ਸਭ ਬਣੇ ਨੇ ਸਿਆਣੇ ,
ਕਿਥੇ ਉਲਝੇ ਨੇ 'ਦਰਦੀ'
ਦੱਸ ਤੇਰੇ ਤਾਣੇ ਬਾਣੇ ,
ਜਿਹੜੀ ਦੇਹ ਤੇ ਕਰੇ ਮਾਣ ,
ਓਹ ਤਾਂ ਮੁੱਠੀ ਭਰ ਰਾਖ ।
ਹਰ ਗਲੀ ...............
ਸ਼ਿਵਨਾਥ ਦਰਦੀ