ਬਰਕਰਾਰ ਰੱਖੀਏ ਹਰਿਆਲੀ :ਸੰਜੀਵ ਸਿੰਘ

ਬਰਕਰਾਰ ਰੱਖੀਏ ਹਰਿਆਲੀ  :

 

 

ਜਿੰਦਗੀ ਬਹੁਤ ਖੂਬਸੂਰਤ ਹੈ। ਅਸੀਂ ਜ਼ਿੰਦਗੀ ਦੇ ਹਰ ਲੁਫਤ ਦਾ ਅਨੰਦ ਮਾਣਦੇ ਹਾਂ। ਹਰ ਮੌਸਮ ਵਿਚ ਅਸੀਂ ਕੁਦਰਤ ਦੇ ਨਵੇਂ ਨਵੇਂ ਰੰਗਾਂ ਨੂੰ ਦੇਖਦੇ ਹਾਂ। ਜਦੋਂ ਬਰਸਾਤ ਦਾ ਮੌਸਮ ਆਉਂਦਾ ਹੈ, ਤਾਂ ਸਾਰੇ ਪਾਸੇ ਹਰਿਆਲੀ ਹੀ ਹਰਿਆਲੀ ਹੁੰਦੀ ਹੈ। ਜਦੋਂ ਆਪਣੇ ਪੰਜਾਬ, ਹਰਿਆਣਾ ਵਿੱਚ ਗਰਮੀ ਸਿਖਰਾਂ ਤੇ ਹੁੰਦੀ ਹੈ , ਤਾਂ ਲੋਕ ਪਹਾੜਾਂ ਵੱਲ ਨੂੰ ਭੱਜਦੇ ਹਨ। ਇਸ ਵਾਰ ਅਸੀਂ ਦੇਖਿਆ ਹੈ ਕਿ ਮਾਰਚ ਮਹੀਨੇ ਦੇ ਅੱਧ ਵਿੱਚ ਜਾ ਕੇ ਗਰਮੀ ਪੈਣੀ ਸ਼ੁਰੂ ਹੋ ਗਈ ਸੀ। ਕਈ ਸ਼ਹਿਰਾਂ ਵਿੱਚ ਤਾਂ ਤਾਪਮਾਨ 50 ਡਿਗਰੀ ਦੇ ਨੇੜੇ-ਤੇੜੇ ਤੱਕ ਪਹੁੰਚ ਚੁੱਕਾ ਹੈ। ਦਿਨ ਪ੍ਰਤੀ ਦਿਨ ਅਸੀਂ ਰੁੱਖਾਂ ਦੀ ਕਟਾਈ ਕਰ ਰਹੇ ਹਨ। ਨਿਜੀ ਸੁਆਰਥਾਂ ਲਈ ਕੁਦਰਤ ਨਾਲ ਲਗਾਤਾਰ ਛੇੜਛਾੜ ਕਰ ਰਹੇ ਹਾਂ। ਅਸੀਂ ਸਾਰੇ ਹੀ ਦੇਖਦੇ ਹਾਂ ਕਿ ਪਹਾੜੀ ਖੇਤਰ ਜਿਵੇਂ ਹਿਮਾਚਲ ਪ੍ਰਦੇਸ਼, ਉਤਰਾਖੰਡ, ਜੰਮੂ ਕਸ਼ਮੀਰ ਵਿੱਚ ਦਰੱਖਤ ਕੱਟਣ ਤੇ ਪੂਰਨ ਪਾਬੰਦੀ ਹੈ। ਜੇ ਉਸਾਰੂ ਅਧੀਨ ਕੋਈ ਦਰਖ਼ਤ ਵਿੱਚ ਆ ਵੀ ਜਾਏ ਤਾਂ ਪ੍ਰਸ਼ਾਸਨਿਕ ਅਧਿਕਾਰੀ ਨਗਰ ਨਿਗਮ ਦੀ ਇਜਾਜ਼ਤ ਲੈਣੀ ਪੈਂਦੀ ਹੈ। ਅਜਿਹੇ ਖੇਤਰਾਂ ਵਿੱਚ ਅਸੀਂ ਆਪਣੀ ਮਰਜ਼ੀ ਤੋਂ ਬਿਨਾਂ ਇੱਕ ਦਰੱਖਤ ਵੀ ਨਹੀਂ ਕੱਟ ਸਕਦੇ। ਆਪਣੇ ਖੇਤਰ ਵਿੱਚ  ਜੇ ਕੋਈ ਮਾੜਾ ਮੋਟਾ ਕੋਈ ਦਰਖ਼ਤ ਵੀ ਰਹਿ ਚੁੱਕਿਆਂ ਹੈ ਤਾਂ ਉਸ ਨੂੰ ਵੀ ਕੱਟ ਦਿੰਦੇ ਹਾਂ। ਕਰਨਾਟਕ ਦੇ ਸ਼ਹਿਰ ਬੰਗਲੌਰ ਵਿਚ ਬਹੁਤ ਜ਼ਿਆਦਾ ਹਰਿਆਲੀ ਹੈ। ਉਥੇ ਗਰਮੀ ਬਹੁਤ ਹੀ ਘੱਟ ਪੈਂਦੀ ਹੈ। ਤਕਰੀਬਨ ਮੀਂਹ ਪੈਂਦਾ ਰਹਿੰਦਾ ਹੈ। ਹਾਲ ਹੀ ਵਿੱਚ ਸਾਡੇ ਇੱਥੇ ਕਈ ਸਮਾਜ ਸੇਵੀ ਸੰਸਥਾਵਾਂ ਅੱਗੇ ਆ ਕੇ ਰੁੱਖ ਲਾਉਣ ਲਈ ਆਮ ਜਨਤਾ ਨੂੰ ਪ੍ਰੇਰਿਤ ਕਰ ਰਹੀਆਂ ਹਨ, ਤਾਂ ਜ਼ੋ ਵਾਤਾਵਰਣ ਨੂੰ ਹਰਿਆ ਭਰਿਆ ਰੱਖਿਆ ਜਾ ਸਕੇ। ਅਕਸਰ ਜਦੋਂ ਅਸੀਂ ਪਿੰਡਾਂ ਵਿੱਚ ਜਾਂਦੇ ਸਨ, ਤਾਂ ਦੇਖਿਆ ਜਾਂਦਾ ਸੀ ਕਿ ਬਹੁਤ ਦਰਖਤ ਹੁੰਦੇ ਸਨ, ਅੱਜ ਕੱਲ ਪਿੰਡਾਂ ਵਿੱਚ ਵੀ ਰੁੱਖ ਕੱਟ ਦਿੱਤੇ ਗਏ ਹਨ। ਰੁੱਖ ਲਾਉਣ ਦਾ ਪ੍ਰੋਗਰਾਮ ਤਾਂ ਬਹੁਤ ਧੀਮੀ ਗਤੀ ਨਾਲ ਚੱਲ ਰਿਹਾ ਹੈ, ਪਰ ਰੁੱਖ ਕੱਟਣ ਦਾ ਪ੍ਰੋਗਰਾਮ ਬਹੁਤ ਤੇਜ਼ੀ ਨਾਲ ਅੱਗੇ ਵੱਧ ਰਿਹਾ ਹੈ। ਅਕਸਰ ਕਈ ਅਜਿਹੇ ਵਧੀਆ ਪਰਿਵਾਰ ਵੀ ਹਨ, ਜਿਨ੍ਹਾਂ ਨੇ ਆਪਣੇ ਘਰ ਦੇ ਆਸ ਪਾਸ ਹਰਿਆਲੀ ਨੂੰ ਬਰਕਰਾਰ ਰੱਖਿਆ ਹੋਇਆ ਹੈ। ਅਪਣੇ ਘਰ ਦੀਆਂ ਗਰਿੱਲਾਂ, ਛੱਤਾਂ ਤੇ ਗਮਲੇ ਰੱਖੇ  ਹੋਏ ਹਨ, ਕਿਉਂਕਿ ਉਹ ਵਾਤਾਵਰਨ ਪ੍ਰੇਮੀ ਜਾਪਦੇ ਹਨ। ਅਜਿਹੇ ਪਰਿਵਾਰ ਸਾਡੇ ਲਈ ਪ੍ਰੇਰਨਾ ਸ੍ਰੋਤ ਹੁੰਦੇ ਹਨ।