Thursday, March 28, 2024
24 Punjabi News World
Mobile No: + 31 6 39 55 2600
Email id: hssandhu8@gmail.com

Poem

ਬੇਈਮਾਨ ਤੇ ਢਿੱਡ ਦੇ ਖੋਟੇ - ਸ਼ਿਵਨਾਥ ਦਰਦੀ 

May 25, 2022 12:10 AM
ਸ਼ੋਹਰਤ ਦੇਖ ਸੜਦੇ ਏਥੇ ,
ਲਾਉਣਾ ਚਾਹੁੰਦੇ ਯਾਰੋ ਖੂੰਜੇ ,
ਬੇਈਮਾਨ ਤੇ ਢਿੱਡ ਦੇ ਖੋਟੇ ,
ਸੁੱਟਣਾ ਚਹੁੰਦੇ ਯਾਰੋ ਭੁਜੇ ।
ਬੇ ਅਕਲਾਂ ਨੂੰ ਮਾਰ ਪੈਂਦੀ ਹੈ ,
ਅਕਲ ਵਾਲੇ ਬਚ ਜਾਂਦੇ ਨੇ ,
ਲਾਈਲੱਗ , ਚੁਗਲਖੋਰਾਂ ਨੂੰ ,
ਸੱਚੀ ਪੂਰੇ ਪੂਰੇ ਜੱਚ ਜਾਂਦੇ ਨੇ ,
ਮਿਲਦੇ ਨਾ , ਓਹ ਫੇਰ ਦੁਬਾਰਾ
ਕੂੜੇ ਵਾਂਗ ਜਿਹੜੇ ਜਾਂਦੇ ਹੂੰਝੇ ।
ਬੇਈਮਾਨ ਤੇ ਢਿੱਡ ਦੇ ..........
ਮੂੰਹ ਤੇ ਮਿੱਠੀਆਂ ਗੱਲਾਂ ਕਰਦੇ ,
ਪਰ ਅੰਦਰੋਂ ਪੂਰੇ ਪੂਰੇ ਖੋਟੇ ,
ਸਕੇ , ਭਰਾਵਾਂ ਨੂੰ ਲੜਾ ਕੇ ,
ਘਰ ਕਰਦੇ ਨੇ ,  ਟੋਟੇ 
ਰੌਣਕ ਘਰ ਦੀ ਖੋਹ ਲੈਂਦੇ ,
ਨਾ ਖੁਸ਼ੀ ਕੋਈ ਓਥੇ ਗੂੰਜੇ ।
ਬੇਈਮਾਨ ਤੇ ਢਿੱਡ ਦੇ .......
ਜੁੱਤੀ ਥੱਲੇ ਰੱਖ ਕੇ ਯਾਰਾਂ ,
ਆਕੜ ਭੰਨਣਾ ਚਹੁੰਦੇ ,
ਏਹਦੀ ਕਰਤੀ ,ਓਹਦੀ ਕਰਤੀ 
ਕੀਤੇ , ਬਿਨਾਂ ਨਾ ਕਦੇ ਸੌਦੇ ,
ਅੱਖਾਂ ਭਰ ਭਰ ਰੋਂਦੇ , ਫਿਰਦੇ
ਦਿੱਤੇ ਅੱਥਰੂ ਕੋਈ ਨਾ ਪੂੰਝੇ ।
ਬੇਈਮਾਨ ਤੇ ਢਿੱਡ ਦੇ .........
ਚਤੁਰ ,ਚਲਾਕਾਂ ਦੀ ਦੁਨੀਆਂ ,
ਠਿੱਬੀ ਪਈ ਲਾਉਂਦੀ ,
ਲਾਸ਼ਾਂ ਉੱਤੇ ਪੈਰ ਧਰ ਕੇ ,
ਸਿਕੰਦਰ ਬਨਣਾ ਚਾਹੁੰਦੀ ,
ਆਪਣੇ ਹੱਥੀਂ ਦੇ ਕੇ ਆਪੇ ,
ਦਰਦੀ ਖੋਹ ਲੈਂਦੇ ਨੇ ,ਰੂੰਗੇ ।
ਬੇਈਮਾਨ ਤੇ ਢਿੱਡ ਦੇ ........।
             ਸ਼ਿਵਨਾਥ ਦਰਦੀ 

Have something to say? Post your comment