Friday, March 29, 2024
24 Punjabi News World
Mobile No: + 31 6 39 55 2600
Email id: hssandhu8@gmail.com

Poem

ਕਵਿਤਾ - ਨਸ਼ਾ - ਗੁਰਇੰਦਰਜੀਤ ਸਿੰਘ ਮਾਂਨ

April 02, 2022 01:30 AM

ਬਾਪੂ ਜਿੰਨ੍ਹਾਂ ਦਿਆਂ ਕਾਬਲ ਕੰਧਾਰ ਜਿੱਤਿਆ,
ਧੁੱਤ ਨਸ਼ੇ ਨਾਲ ਪੋਤਾ ਦੇਹਲੀਆਂ ਚ ਲਿਟਿਆ।
ਸੀ ਭਾਂਡੇ ਵੇਚ ਕੀਤਾ ਹੀਲਾ ਫੇਰ ਉੱਠੀ ਐ ਤਲਬ,
ਅਜੇ ਸਵੇਰੇ ਲਾਈ ਸੂਈ ਦਾ ਨੀ ਨਿਸ਼ਾਨ ਮਿਟਿਆ।
ਐਨੀ ਚੱਸ ਵਧੀ ਪਈ ਹੁਣ ਦਿਸੇ ਮੌਤ ਹੀ ਐ ਹੱਲ,
ਬਾਪੂ ਗੁਜਰ ਗਿਆ ਸਮਝਾਉਂਦਾ ਓਦੋਂ ਬਹੁਤ ਪਿੱਟਿਆ।
ਫੇਰ ਅਰਥੀ ਨੂੰ ਮੋਢਾ ਦੇਣ ਜੋਗਾ ਹੋਇਆ ਕਾਕਾ,
ਪਹਿਲਾਂ ਸਰਿੰਜ ਨਾਲ ਅੰਦਰ ਸਮਾਨ ਸਿੱਟਿਆ।
ਅੱਜ ਹੋਜੂ ਹੱਲ ਕੱਲ੍ਹ ਮੂਹਰੇ ਫੇਰ ਆ ਖੜੀ,
'ਮਾਨਾ' ਖੌਰੇ ਵੜ ਗਈ ਏ ਮੱਤ ਵਿੱਚ ਗਿੱਟਿਆਂ।
ਲੱਖਾਂ ਭੀੜਾਂ ਪਇਆਂ ਮੁੱਕੇ ਨਾ ਸੀ ਸਾਡੇ  ਗੱਭਰੂ,
ਪਿੰਡ ਕੀਤੇ ਖਾਲੀ ਗ੍ਰਾਮਾਂ ਦੇ ਵਜ਼ਨ ਚਿੱਟਿਆਂ।

ਗੁਰਇੰਦਰਜੀਤ ਸਿੰਘ ਮਾਂਨ 

Have something to say? Post your comment