ਸਾਡਾ ਰਾਜਨੀਤੀ ‘ਚ ਆਉਣ ਦਾ ਮਕਸਦ ਸਿਰਫ ਸੇਵਾ: ਜਥੇਦਾਰ ਬੈਂਸ
-ਹਲਕਾ ਦੱਖਣੀ ਦੇ ਵੱਖ ਵੱਖ ਇਲਾਕਿਆ ਵਿਚ ਚੋਣ ਮੀਟਿੰਗਾ ਜਾਰੀ
ਲੁਧਿਆਣਾ 25 ਜਨਵਰੀ ():- ਲੋਕ ਇਨਸਾਫ ਪਾਰਟੀ ਦੇ ਸਰਪ੍ਰਸਤ ਅਤੇ ਹਲਕਾ ਦੱਖਣੀ ਤੋਂ ਵਿਧਾਇਕ ਜਥੇਦਾਰ ਬਲਵਿੰਦਰ ਸਿੰਘ ਬੈਂਸ ਵਾਰਡ ਨੰਬਰ 29 ਸਤਿਗੁਰੂ ਨਗਰ, ਪ੍ਰੇਮ ਨਗਰ ਤੇ ਵਾਰਡ ਨੰਬਰ 40 ਵਿਚ ਕੌਸਲਰ ਅਰਜਨ ਸਿੰਘ ਚੀਮਾ ਦੀ ਅਗਵਾਈ ਹੇਠ ਵਾਰਡ ਵਾਸੀਆਂ ਨਾਲ ਵਿਸ਼ੇਸ਼ ਮੀਟਿੰਗ ਕੀਤੀ। ਇਸ ਮੌਕੇ ਸੰਬੋਧਨ ਕਰਦਿਆ ਵਿਧਾਇਕ ਬੈਂਸ ਨੇ ਕਿਹਾ ਕਿ ਸਾਡਾ ਰਾਜਨੀਤੀ ਵਿਚ ਆਉਣ ਦਾ ਮੁੱਖ ਮਕਸਦ ਸਿਰਫ ਤੇ ਸਿਰਫ ਲੋਕਾਂ ਦੀ ਸੇਵਾ ਕਰਨਾ ਹੈ ਨਾਂ ਕਿ ਪੰਜਾਬ ਦੀਆਂ ਰਵਾਇਤੀ ਅਤੇ ਸਿਆਸੀ ਪਾਰਟੀਆ ਵਾਂਗ ਪੰਜਾਬ ਨੂੰ ਲੁੱਟਦੇ ਹੋਏ ਆਪਣੇ ਘਰ ਭਰਨਾ। ਉਹਨਾਂ ਕਿਹਾ ਕਿ ਲੋਕ ਇਨਸਾਫ ਪਾਰਟੀ ਦਾ ਜਨਮ ਜੇਲ ਦੀ ਕਾਲ ਕੋਠਰੀ ਵਿਚੋਂ ਹਇਆ ਹੈ ਅਸੀ ਲੋਕਾਂ ਦੀ ਸੇਵਾ ਕਰਦੇ ਹੋਏ ਪੰਜਾਬ ਵਾਸੀਆਂ ਨੂੰ ਭ੍ਰਿਸ਼ਟਾਚਾਰ ਮੁਕਤ ਪ੍ਰਸ਼ਾਸ਼ਨ ਦੇਣ ਲਈ ਵਚਨਬੱਧ ਹਾਂ। ਇਲਾਕਾ ਨਿਵਾਸੀਆਂ ਨੇ ਜਥੇਦਾਰ ਬੈਂਸ ਨੂੰ ਭਰੋਸਾ ਦਵਾਇਆ ਕਿ ਉਹ ਪਿਛਲੀ ਵਾਰ ਨਾਲੋਂ ਇਸ ਵਾਰ ਲੋਕ ਇਨਸਾਫ ਪਾਰਟੀ ਨੂੰ ਵੱਡੀ ਲੀਡ ਨਾਲ ਜਿਤਾਉਣਗੇ।ਮੀਟਿੰਗ ਦੌਰਾਨ ਸਟੂਡੈਟ ਇਨਸਾਫ ਮੋਰਚਾ ਪ੍ਰਧਾਨ ਹਰਜਾਪ ਸਿੰਘ ਗਿੱਲ, ਮਹਿਗੂ ਰਾਮ ਯਾਦਵ, ਡਬਲੂ ਕੁਮਾਰ, ਕਮਲਜੀਤ ਕੌਰ, ਉਮਾ ਸ਼ੰਕਰ, ਡਾ. ਬਲਦੇਵ ਸਿੰਘ, ਬਲਜੀਤ ਸਿੰਘ ਮਾਨ, ਯੁਗੇਸ਼ ਕੁਮਾਰ ਯੋਗੀ, ਉਸ਼ਾ, ਨਿਸ਼ਾ ਕੁਮਾਰੀ, ਗਾਯਿਤਰੀ, ਅਸ਼ੋਕ ਕੁਮਾਰ, ਰਾਜੂ ਯਾਦਵ, ਨਿੱਕੂ ਤਿਵਾਰੀ, ਸਚਿਨ ਕੁਮਾਰ, ਡਾ. ਪੰਜਾਬ, ਪ੍ਰਧਾਨ ਭੋਲਾ, ਜੈਲੀ, ਹਰਜੀਤ ਸਿੰਘ, ਸੁਰਿੰਦਰ ਸਿੰਘ ਤੋਂ ਇਲਾਵਾ ਮੁਹੱਲਾ ਨਿਵਾਸੀ ਹਾਜ਼ਰ ਸਨ।