ਹਲਕਾ ਆਤਮ ਨਗਰ ਦੀ ਸੰਗਤ ਫਸਲੀ ਬਟੇਰਿਆਂ ਨੂੰ ਨਹੀ ਲਗਾਏਗੀ ਮੂੰਹ: ਬੈਂਸ
-ਵੱਖ ਵੱਖ ਇਲਾਕਿਆਂ ‘ਚ ਸ. ਬੈਂਸ ਵੱਲੋਂ ਮੀਟਿੰਗਾਂ ਜਾਰੀ
ਲੁਧਿਆਣਾ 25 ਜਨਵਰੀ ():- ਲੁਧਿਆਣਾ ਦੇ ਵਿਧਾਨ ਸਭਾ ਹਲਕਾ ਆਤਮ ਨਗਰ ਦੀ ਸੰਗਤ ਇਸ ਵਾਰ ਫਿਰ ਚੋਣਾਂ ਦੌਰਾਨ ਨਜ਼ਰ ਆਉਣ ਵਾਲੇ ਫਸਲੀ ਬਟੇਰਿਆ ਨੂੰ ਮੂੰਹ ਨਹੀ ਲਾਵੇਗੀ। ਇਹਨਾਂ ਗੱਲਾਂ ਦਾ ਪ੍ਰਗਟਾਵਾ ਲੋਕ ਇਨਸਾਫ ਪਾਰਟੀ ਦੇ ਪ੍ਰਧਾਨ ਅਤੇ ਹਲਕਾ ਆਤਮ ਨਗਰ ਤੋਂ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਨੇ ਵਾਰਡ ਨੰਬਰ 49 ਪਾਰਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਅਤੇ ਪੀ.ਏ.ਸੀ ਮੈਬਰ ਜਤਿੰਦਰਪਾਲ ਸਿੰਘ ਸਲੂਜਾ ਅਤੇ ਵਾਰਡ ਨੰਬਰ 41 ਜਨਤਾ ਨਗਰ ਵਿਖੇ ਰੱਖੀ ਗਈ ਮੀਟਿੰਗ ਦੌਰਾਨ ਕੀਤਾ। ਉਹਨਾਂ ਕਿਹਾ ਕਿ ਹਲਕਾ ਨਿਵਾਸੀ ਇਸ ਗੱਲ ਤੋਂ ਚੰਗੀ ਤਰਾਂ ਨਾਲ ਜਾਣੂ ਹਨ ਕਿ ਕਿਹੜਾ ਵਿਅਕਤੀ ਉਹਨਾਂ ਦੇ ਨਾਲ ਚੰਗੇ ਮਾੜੇ ਸਮੇਂ ਵਿਚ ਸਾਥ ਦਿੰਦਾ ਹੈ ਅਤੇ ਕਿਹੜਾ ਵਿਅਕਤੀ ਵੋਟਾਂ ਦੌਰਾਨ ਹੀ ਉਹਨਾਂ ਨੂੰ ਨਜ਼ਰ ਆਉਦਾ ਹੈ।
ਇਸ ਮੌਕੇ ਬੋਲਦਿਆ ਸਲੂਜਾ ਨੇ ਕਿਹਾ ਕਿ ਹਲਕੇ ਦੇ ਲੋਕਾਂ ਨੇ ਲਗਭਗ 20 ਸਾਲ ਤੋਂ ਬੈਂਸ ਦੀ ਕਾਰਗੁਜਾਰੀ ਦੇਖੀ ਹੈ। ਜਿਸ ਨੂੰ ਦੇਖਦੇ ਹੋਏ ਉਹ ਤੀਜੀ ਦਫਾ ਵੀ ਸ. ਬੈਂਸ ਨੂੰ ਸੇਵਾ ਦਾ ਮੌਕਾ ਦਿੰਦੇ ਹੋਏ 20 ਫਰਵਰੀ ਨੂੰ ਉਹਨਾਂ ਦੇ ਹੱਕ ਵਿਚ ਫਤਵੇ ਦੇਣਗੇ।ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਕੌਸਲਰ ਸਿਕੰਦਰ ਸਿੰਘ ਪੰਨੂ, ਗੁਲਜਾਰ ਸਿੰਘ, ਸੰਤ ਸਿੰਘ, ਦਮਨਦੀਪ ਸਿੰਘ ਸਲੂਜਾ, ਚਰਨਜੀਤ ਸਿੰਘ ਬਰਾੜ, ਅਮਰਨਾਥ ਸ਼ਰਮਾ, ਅਮਰਜੀਤ ਨੰਦਾ, ਕੁਲਦੀਪ ਭੱਲਾ, ਤਰਨਜੀਤ ਸਿੰਘ ਖੁਰਾਣਾ, ਸੁਰਿੰਦਰ ਸਿੰਘ, ਮਨਜੀਤ ਮੱਕੜ, ਹਰਜੀਤ ਮੱਕੜ, ਤਰਲੋਚਨ ਸਿੰਘ, ਵਿਕਰਾਤ ਸ਼ਰਮਾ, ਜਗਦੀਸ਼ ਅਰੌੜਾ, ਗੁਰਪ੍ਰੀਤ ਸਿੰਘ, ਬਜਾਜ ਸਾਹਿਬ, ਐਡਵੋਕੇਟ ਹਰਕਮਲ ਸਿੰਘ, ਐਡ. ਗੁਰਜੋਧ ਸਿੰਘ, ਮਨਜੀਤ ਸਿੰਘ ਰਾਜਾ, ਮੋਨਿਕਾ ਮੈਡਮ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਵਾਰਡ ਵਾਸੀ ਹਾਜ਼ਰ ਸਨ।