ਨਿਊਯਾਰਕ ਸਿਟੀ ਦੇ ਬ੍ਰੋਨਸ ਚ’ ਇਕ ਅਪਾਰਟਮੈਂਟ ਬਿਲਡਿੰਗ ਚ’ ਲੱਗੀ ਭਿਆਨਕ ਅੱਗ ਨਾਲ ਇਕ ਔਰਤ ਦੀ ਮੋਤ, 7 ਜਖਮੀ
ਨਿਊਯਾਰਕ, 19 ਜਨਵਰੀ (ਰਾਜ ਗੋਗਨਾ )— ਬੀਤੇਂ ਦਿਨ ਮੰਗਲ਼ਵਾਰ ਨੂੰ ਨਿਊਯਾਰਕ ਸਿਟੀ ਦੇ ਬ੍ਰੋਂਨਸ ਦੀ ਇਕ ਅਪਾਰਟਮੈਂਟ ਬਿਲਡਿੰਗ ਵਿੱਚ ਇੱਕ ਵਿਸ਼ਾਲ ਅੱਗ ਅਤੇ ਇੱਕ ਅੰਸ਼ਕ ਇਮਾਰਤ ਦੇ ਢਹਿ ਜਾਣ ਕਾਰਨ ਇੱਕ ਦੀ ਮੌਤ ਹੋ ਗਈ ਅਤੇ ਸੱਤ ਹੋਰ ਜ਼ਖਮੀ ਹੋ ਗਏ।
ਪੁਲਿਸ ਦੇ ਅਨੁਸਾਰ, ਇੱਕ 77 ਸਾਲਾ ਔਰਤ ਨੂੰ ਅੱਗ ਦੀ ਘਟਨਾ ਵਾਲੀ ਥਾਂ 'ਤੇ ਮ੍ਰਿਤਕ ਘੋਸ਼ਿਤ ਕੀਤਾ ਗਿਆ ਸੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਦੋ ਫਾਈਰਫਾਈਟਰ ਨਾਗਰਿਕਾਂ ਅਤੇ ਨਿਊਯਾਰਕ ਸਿਟੀ ਪੁਲਿਸ ਵਿਭਾਗ ਦੇ ਪੰਜ ਅਧਿਕਾਰੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ।ਜਿੰਨਾ ਦੀ ਹਾਲਤ ਹੁਣ ਸਥਿੱਰ ਹੈ। ਇੰਨਾਂ ਅਧਿਕਾਰੀਆਂ ਦਾ ਲੱਗੀ ਅੱਗ ਦੇ ਧੂੰਏਂ ਦਾ ਅੰਦਰ ਜਾਣ ਨਾਲ ਸਾਹ ਦਾ ਇਲਾਜ ਕੀਤਾ ਜਾ ਰਿਹਾ ਹੈ। ਇਹ ਫਾਇਰਫਾਈਟਰਜ਼ ਜੋ ਬੀਤੇਂ ਦਿਨ 18 ਜਨਵਰੀ, 2022 ਨੂੰ ਬ੍ਰੌਂਨਸ ਨਿਊਯਾਰਕ ਵਿੱਚ ਅੱਗ ਬੁਝਾਉਣ ਲਈ ਕੰਮ ਕਰ ਰਹੇ ਸਨ।ਜੋ ਕਿ ਤਿੰਨ ਮੰਜ਼ਿਲਾ ਦੀ ਬਿਲਡਿੰਗ ਚ’ ਲੱਗੀ ਅੱਗ ਨੂੰ ਇਲਾਕੇ ਦੇ ਲੋਕਾਂ ਨੇ ਦੱਸਿਆ ਕਿ ਉਨ੍ਹਾਂ ਨੇ ਸੋਚਿਆ ਕਿ ਬਰਫ਼ਬਾਰੀ ਹੋ ਰਹੀ ਹੈ ਜਦੋਂ ਤੱਕ ਉਨ੍ਹਾਂ ਨੇ ਦੇਖਿਆ ਕਿ ਜੋ ਡਿੱਗ ਰਿਹਾ ਸੀ ਉਹ ਇਕ ਸੁਆਹ ਸੀ।ਇਸ ਮਹੀਨੇ ਦੇ ਸ਼ੁਰੂ ਚ’ ਬ੍ਰੋਨਸ ਦੇ ਇਲਾਕੇ ਚ’ ਇਕ ਬਹੁਮੰਜਲੀ ਬਿਲਡਿੰਗ ਨੂੰ ਅੱਗ ਲੱਗਣ ਕਾਰਨ ਉੱਥੇ ਰਹਿੰਦੇ ਪਰਿਵਾਰਾ ਦੇ 17 ਲੋਕਾਂ ਦੀ ਮੌਤ ਹੋ ਗਈ ਸੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਲੱਗੀ ਅੱਗ ਲਈ ਇਕ ਖਰਾਬ ਇਲੈਕਟ੍ਰਿਕ ਸਪੇਸ ਹੀਟਰ ਦੀ ਖਰਾਬੀ ਕਾਰਨ ਇਹ ਅੱਗ ਲੱਗੀ ।