ਉਦਾਸ ਮਨ'
ਅੱਜ ਮਨ ਬੜਾ ਉਦਾਸ ਜਿਹਾ ਏ
ਆਮ ਨਹੀਂ ਕੁਝ ਖਾਸ ਜਿਹਾ ਏ
ਕੋਈ ਵੀ ਗੱਲ ਮਨ ਨਾ ਮੰਨੇ
ਮਨ ਵਿੱਚ ਜਿਵੇਂ ਤੂਫਾਨ ਜਿਹਾ ਏ
ਕਿਸੇ ਨਾਲ ਇਹ ਗੱਲ ਨੀਂ ਕਰਦਾ
ਇਹ ਨਾ ਹੀ ਕੋਈ ਸਾਅਦੀ ਭਰਦਾ
ਬਸ ਚੁੱਪ-ਚਾਪ ਤੇ ਸ਼ਾਂਤ ਜਿਹਾ ਏ
ਅੱਜ ਮਨ ਬੜਾ ਉਦਾਸ ਜਿਹਾ ਏ
ਆਮ ਨਹੀਂ ਕੁਝ ਖਾਸ ਜਿਹਾ ਏ
ਮਨ ਨੂੰ ਲੱਗਿਆ ਅਜਬ ਜਿਹਾ ਝੋਰਾ
ਮਨ ਆਖੇ ਮੈਂ ਮੈਂ ਨਹੀਂ ਕੋਈ ਹੋਰ ਆਂ
ਕਿਹੜੀ ਕਿਹੜੀ ਗੱਲ ਲੁਕਾਵਾਂ
ਇਸ ਮਨ ਤੇ ਮੈਂ ਪਰਦੇ ਪਾਵਾਂ
ਜਿਹੜੀ ਵੀ ਗੱਲ ਆਖਾਂ ਇਸਨੂੰ
ਇਹ ਉਸਤੋਂ ਮੂੰਹ ਮੋੜ ਰਿਹਾ ਏ
ਅੱਜ ਮਨ ਬੜਾ ਉਦਾਸ ਜਿਹਾ ਏ
ਆਮ ਨਹੀਂ ਕੁਝ ਖਾਸ ਜਿਹਾ ਏ
ਮਨ ਦੇ ਆਖੇ ਲਗ ਨਹੀਂ ਹੁੰਦਾ
`ਪਰਮ' ਕੀ ਇਹ ਚਾਹੇ ਬੁੱਝ ਨੀਂ ਹੁੰਦਾ
ਮਨ ਇਹ ਬੜਾ ਸ਼ੈਤਾਨ ਜਿਹਾ ਏ
ਆਪਣੀ ਈਨ ਮਨਾਉਣ ਦਿਆ ਏ
ਅੱਜ ਮਨ ਬੜਾ ਉਦਾਸ ਜਿਹਾ ਏ
ਆਮ ਨਹੀਂ ਕੁਝ ਖਾਸ ਜਿਹਾ ਏ
ਪਰਮਜੀਤ ਕੌਰ ਭੁਲਾਣਾ