ਕੰਡੇ ਦਾ ਕੰਡਾ
ਡੋਲਿਆ ਸਿੰਘਾਸਨ ਰੱਬ ਦਾ ਕੰਡੇ ਦੇ ਕਾਰਨ
ਇੱਕ ਦਿਨ ਇੱਕ ਬੰਦੇ ਨੇ ਮੋਬਾਈਲ,ਫੇਸਬੁੱਕ,ਇੰਟਰਨੈੱਟ,ਟੀਵੀ,ਵੱਟਸਐਪ,ਬਿਜ਼ਲੀ ਤੇ ਸਕੂਟਰ ਕਾਰ ਨਹੀਂ ਚਲਾਇਆ ਤਾਂ ਰੱਬ ਦਾ ਸਿੰਘਾਸਨ ਡੋਲ ਗਿਆ । ਰੱਬ ਨੇ ਆਪਣੇ ਪੀਏ ਨੂੰ ਪੁਛਿਆ ਬਈ ਇਸ ਯੁੱਗ ਚ ਕੌਣ ਸਾਊ ਬੰਦਾ ਜਿਹੜਾ ਭਗਤੀ ਕਰਨ ਲੱਗ ਪਿਆ ? ਤਾਂ ਰੱਬ ਦੇ ਪੀਏ ਨੇ ਸਕੈਨ ਕਰਕੇ ਦਸਿਆ ਜੀ ਇਹ ਭਾਰਤ ਚ ਪੰਜਾਬ ਚ ਮੋਗੇ ਚ ਕੋਈ ਕੰਡਾ ਹੈ ਜੀ । ਇਹ ਕੰਡਾ ਕੀ ਬਲਾ ਹੈ ਕਾਹਦਾ ਕੰਡਾ ? ਰੱਬ ਨੇ ਪੁੱਛਿਆ । ਇਹ ਤਾਂ ਕੰਡੇ ਦਾ ਕੰਡਾ ਕਾਲਮ ਲਿਖਦਾ ਜੀ ਤੁਸੀਂ ਨਹੀਂ ਪੜਿਆ ਕਦੇ ਉਹ ਸੱਚ ਤੁਸੀਂ ਤਾਂ ਵੱਟਸ ਐਪ ਨਹੀਂ ਚਲਾਉਂਦੇ ਨਾ ਹੀ ਫੇਸਬੁੱਕ ਇਹ ਸਾਰੇ ਅਖਬਾਰਾਂ ਚ ਵੀ ਲਿਖਦਾ । ਉਏ ਮੇਰਾ ਸਿੰਘਾਸਨ ਡੋਲੀ ਜਾਂਦਾ ਹੋਰਨਾ ਥੱਲੇ ਜਾਣਾ ਪਵੇ ਛੇਤੀ ਪਤਾ ਕਰ ਕੇ ਦੱਸ ਇਹ ਚਾਹੁੰਦਾ ਕੀ ਆ ? ਰੱਬ ਨੇ ਪੁੱਛਿਆ । ਜੀ ਹੁਣੇ ਪਤਾ ਕਰਦੇਂ ਹਾਂ ਜੀ ਤੇ ਦਸਾਂ ਮਿੰਟਾਂ ਬਾਅਦ ਪੀਏ ਨੇ ਰਿਪੋਰਟ ਦਿੱਤੀ “ਰੱਬ ਜੀ ਇਹ ਤਾਂ ਕ੍ਰਿਮਨਿਲ ਲੋਕਾਂ ਦੇ ਕੰਡੇ ਕੱਢਦਾ ਖਾਸਕਰ ਸਿਆਸਤ ਦੇ ਇਹ ਮੈਂ ਪਤਾ ਲਾਇਆ ਹੈ ਜੀ ਅੱਜ ਮੋਗਾ ਬੰਦ ਸੀ ਤੇ ਇਹਨਾਂ ਦੀਆਂ ਬਿਜ਼ਲੀ ਦੀਆਂ ਤਾਰਾਂ ਕੋਈ ਟੱਰਕ ਤੋੜ ਗਿਆ ਬਿਜ਼ਲੀ ਹੈਨੀ ਸੀ ਤਾਂ ਸਾਰਾ ਕੁੱਛ ਬੰਦ ਰਿਹਾ ਜੀ । ਜਦੋਂ ਸਾਰਾ ਮੋਗਾ ਬੰਦ ਸੀ ਇਸ ਕਰਕੇ ਇਹਨੇ ਨਾ ਸਕੂਟਰ ਚਲਾਇਆ ਤੇ ਨਾ ਹੀ ਕਾਰ ਚਲਾਈ । ਹਾਂ ਸੱਚ ਜਦੋਂ ਕੰਡੇ ਨੂੰ ਪੁੱਛਿਆ ਬਈ ਤੈਨੂੰ ਕੁੱਛ ਚਾਹੀਦਾ ਰੱਬ ਜੀ ਨੇ ਪੁਛਿਆ ਤਾਂ ਉਹਨੇ ਤੁਹਾਨੂੰ ਲਿਖ ਕੇ ਸੁਨੇਹਾ ਭੇਜਿਆ “ਰੱਬ ਜੀ ਜਦੋਂ ਟਾਈਮ ਲੱਗੇ ਰੰਗਲੇ ਤੋਂ ਫਿੱਕੇ ਪੰਜਾਬ ਵੱਲ ਜਰੂਰ ਧਿਆਨ ਦੇਣਾ,ਪਾਣੀ ਸਿਰ ਤੋਂ ਉਪਰ ਦੀ ਹੋ ਗਿਆ ਹੈ ਤੁਸੀਂ ਸਭ ਜਾਨੀਜਾਨ ਹੋ ਜੀ ਤੁਹਾਨੂੰ ਕਹਿਣ ਦੀ ਜਰੂਰਤ ਨਹੀਂ,ਪਰ ਪੰਜਾਬ ਦਾ ਬਹੁਤ ਬੁਰਾ ਹਾਲ ਹੈ ਕਿਰਪਾ ਕਰ ਦਿਉ ਧੰਨਵਾਦ ਸਾਹਿਤ ਡਾ ਅਮਰੀਕ ਸਿੰਘ ਕੰਡਾ ਮੋਗਾ ।“”ਰੱਬ ਜੀ ਸੁੰਨ ਹੋ ਗਏ ਤੇ ਪੀਏ ਵੀ ਰੱਬ ਵੱਲ ਬੜੀ ਗੁਹ ਨਾਲ ਵੇਖ ਰਿਹਾ ਸੀ । ਤਦੇ ਹੀ ਮੈਨੂੰ ਘਰਵਾਲੀ ਨੇ ਉਠਇਆ ਉਠੋ ਕੀ ਸੁਪਨੇ ਵੇਖੀ ਜਾਂਦੇ ਹੋ …?
1764-ਗੁਰੂ ਰਾਮ ਦਾਸ ਨਗਰ ਨੇੜੇ ਨੈਸਲੇ ਮੋਗਾ-142001 ਪੰਜਾਬ