Friday, January 28, 2022
24 Punjabi News World
Mobile No: + 31 6 39 55 2600
Email id: hssandhu8@gmail.com

Article

ਹਿੰਦੀ ਮਿੰਨੀ ਕਹਾਣੀ ਅਭਿਨੈ

January 05, 2022 12:13 AM
ਹਿੰਦੀ ਮਿੰਨੀ ਕਹਾਣੀ 
 
ਅਭਿਨੈ 
 
* ਮੂਲ : ਸੁਰੇਸ਼ ਬਰਨਵਾਲ 
* ਅਨੁ : ਪ੍ਰੋ. ਨਵ ਸੰਗੀਤ ਸਿੰਘ 
 
    ਸਿਨੇ-ਦ੍ਰਿਸ਼ ਤੋਂ ਇੱਕ ਅਭਿਨੇਤਾ ਅਚਾਨਕ ਗਾਇਬ ਹੋ ਗਿਆ। ਉਹ ਸਫ਼ਲ ਅਭਿਨੇਤਾ ਸੀ। ਇਸ ਲਈ ਉਹਨੂੰ ਕਾਫੀ ਲੱਭਿਆ ਗਿਆ। ਪਰ ਉਹ ਨਹੀਂ ਮਿਲਿਆ। ਕਈ ਵਰ੍ਹਿਆਂ ਪਿੱਛੋਂ ਕਿਸੇ ਆਦਮੀ ਨੇ ਉਹਨੂੰ ਇੱਕ ਸਧਾਰਨ ਅਤੇ ਛੋਟੀ ਜਿਹੀ ਦੁਕਾਨ ਤੇ ਬੈਠਿਆਂ ਵੇਖਿਆ। ਵਧੀ ਹੋਈ ਦਾੜ੍ਹੀ ਅਤੇ ਸਿਰ ਤੇ ਸਾਫਾ ਵਲੇਟੀ ਆਪਣੀ ਪਛਾਣ ਛੁਪਾਉਣ ਦੀ ਕੋਸ਼ਿਸ਼ ਕਰਨ 'ਤੇ ਵੀ ਆਪਣੇ ਪਿਆਰੇ ਅਭਿਨੇਤਾ ਨੂੰ ਉਹਨੇ ਪਛਾਣ ਲਿਆ।
   'ਤੁਸੀਂ ਇਸ ਹਾਲਤ ਵਿੱਚ?' ਹੈਰਾਨ ਹੋ ਕੇ ਉਸ ਆਦਮੀ ਨੇ ਪੁੱਛਿਆ।
   ਪਛਾਣੇ ਜਾਣ 'ਤੇ ਅਭਿਨੇਤਾ ਕੁਝ ਪ੍ਰੇਸ਼ਾਨ ਜਿਹਾ ਨਜ਼ਰ ਆਇਆ- 'ਕਿਸੇ ਨੂੰ ਦੱਸਣਾ ਨਾ ਪਲੀਜ਼! ਮੈਂ ਇਹ ਛੋਟੀ ਜਿਹੀ ਦੁਕਾਨ ਚਲਾਉਂਦਾ ਹਾਂ ਅਤੇ ਆਪਣੀ ਸ਼ਾਂਤੀ ਵਿੱਚ ਕੋਈ ਵਿਘਨ ਨਹੀਂ ਚਾਹੁੰਦਾ। ਮੈਨੂੰ ਇਸੇ ਤਰ੍ਹਾਂ ਜੀਣ ਦਿਓ।' 
    'ਪਰ ਤੁਸੀਂ ਉਹ ਸਫ਼ਲ ਫ਼ਿਲਮੀ ਜ਼ਿੰਦਗੀ ਕਿਉਂ ਛੱਡ ਦਿੱਤੀ?' ਪ੍ਰਸ਼ੰਸਕ ਹੈਰਾਨ ਸੀ।
   'ਉਸ ਜ਼ਿੰਦਗੀ ਵਿੱਚ ਸਿਰਫ਼ ਅਤੇ ਸਿਰਫ਼ ਅਭਿਨੈ ਹੀ ਹੈ!' ਅਭਿਨੇਤਾ ਉਦਾਸ ਹੋ ਕੇ ਬੋਲਿਆ।

Have something to say? Post your comment