ਸ਼ਾਤਿਰ ਸਿਰਸਾ ਦੇ ਝੂਠ ਨੂੰ ਵੇਖ ਕੇ ਕੁਤਬ ਮੀਨਾਰ ਵੀ ਸ਼ਰਮਿੰਦਾ ਹੋ ਜਾਵੇਗੀ: ਮਨਜੀਤ ਸਿੰਘ ਜੀਕੇ
ਸੁਖਬੀਰ ਬਾਦਲ ਦੱਸੇ ਉਸਦੀ ਕਿਹੜੀ ਮਜਬੂਰੀ ਹੈ ਜੋ ਹਾਰੇ ਹੋਏ ਸਿਰਸਾ ਨੂੰ ਚੋਰ ਮੋਰੀਆ ਰਾਹੀਂ ਮੈਂਬਰ ਬਨਾਣ ਤੇ ਤੁਲੇ ਹਨ
ਨਵੀਂ ਦਿੱਲੀ 28 ਸਤੰਬਰ (ਮਨਪ੍ਰੀਤ ਸਿੰਘ ਖਾਲਸਾ):- ਜਾਗੋ ਪਾਰਟੀ ਦੇ ਪ੍ਰਧਾਨ ਸਰਦਾਰ ਮਨਜੀਤ ਸਿੰਘ ਜੀਕੇ ਨੇ ਫਰਜ਼ੀ ਵੋਟਾਂ, ਫਰਜ਼ੀ ਗੁਰਦੁਆਰਿਆਂ ਤੋਂ ਬਾਅਦ ਹੁਣ ਬਾਦਲਾਂ ਵੱਲੋਂ ਲੋਕਾਂ ਸਾਹਮਣੇ ਪੇਸ਼ ਕੀਤੇ ਗਏ ਫਰਜ਼ੀ ਦਿੱਲੀ ਕਮੇਟੀ ਮੈਂਬਰਾਂ ਦੇ ਮਾਮਲੇ 'ਤੇ ਬੋਲਦੇ ਹੋਏ ਕੀਤੇ ਵਿਅੰਗ ਵਿਚ ਕਿਹਾ ਕਿ ਸ਼ਾਤਿਰ ਸਿਰਸਾ ਦੇ ਝੂਠ ਨੂੰ ਵੇਖ ਕੇ ਕੁਤਬ ਮੀਨਾਰ ਵੀ ਸ਼ਰਮਿੰਦਾ ਹੋ ਜਾਵੇਗੀ । ਜੀਕੇ ਨੇ ਇਹ ਗੱਲਾਂ ਕਲ ਦਿੱਲੀ ਕਮੇਟੀ ਦੇ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਵਲੋਂ ਸਿੰਘ ਸਭਾ ਗੁਰਦੁਆਰਿਆਂ ਦੇ ਦੋ ਪ੍ਰਧਾਨਾਂ ਨੂੰ ਅਕਾਲੀ ਦਲ ਵਿਚ ਸ਼ਾਮਿਲ ਕੀਤੇ ਜਾਣ ਤੇ ਕਹੀ ਸੀ । ਦਿੱਲੀ ਕਮੇਟੀ ਦੀਆਂ ਚੋਣਾਂ ਦਾ ਵਿਵਾਦ ਹਾਲੇ ਖ਼ਤਮ ਨਹੀਂ ਹੋਇਆ ਹੈ ਬੀਤੇ ਕਲ ਸਿਰਸਾ ਵਲੋਂ ਸਿੰਘ ਸਭਾ ਗੁਰਦੁਆਰਿਆਂ ਦੇ ਦੋ ਪ੍ਰਧਾਨਾਂ ਨੂੰ ਅਕਾਲੀ ਦਲ ਵਿਚ ਸ਼ਾਮਿਲ ਕੀਤੇ ਜਾਣ ਦੀ ਖ਼ਬਰ ਜਾਰੀ ਕੀਤੀ ਸੀ । ਇਸ ਮਾਮਲੇ ਵਿਚ ਜੀਕੇ ਨੇ ਉਨ੍ਹਾਂ ਨੂੰ ਕਿਹਾ ਕਿ ਜ਼ੇਕਰ ਤੁਹਾਡੇ ਵਲੋਂ ਸ਼ਾਮਿਲ ਕੀਤੇ ਗਏ ਦੋਨੋ ਪ੍ਰਧਾਨਾਂ ਨੂੰ ਐਸ ਡੀ ਐਮ ਜਾ ਚੋਣ ਡਾਇਰੈਕਟਰ ਵਲੋਂ ਕੋਈ ਵੀ ਜਿੱਤ ਦਾ ਸਰਟੀਫਿਕੇਟ ਮਿਲਿਆ ਹੈ ਉਹ ਦਿਖਾਇਆ ਜਾਏ ਕਿਉਂਕਿ ਹਾਲੇ ਤਕ ਕੋਂ ਆਪਸ਼ਨ ਚੋਣਾਂ ਦਾ ਨਤੀਜਾ ਚੋਣ ਡਾਇਰੈਕਟਰ ਵਲੋਂ ਜ਼ਾਰੀ ਹੀ ਨਹੀਂ ਕੀਤਾ ਗਿਆ ਤੇ ਤੁਹਾਡੇ ਇਹ ਦੋਨੋ ਪ੍ਰਧਾਨ ਜਿੱਤ ਕਿਦਾਂ ਗਏ । ਉਨ੍ਹਾਂ ਤਿੱਖਾ ਵਿਅੰਗ ਕਰਦੇ ਕਿਹਾ ਕਿ ਸਿਰਸਾ ਜੀ ਤੁਸੀਂ ਕਹਿੰਦੇ ਹੋ ਤੁਸਾਂ ਪੰਜਾਬੀ ਵਿਚ ਹੋਨਰ ਕੀਤੀ ਹੈ ਕਿਰਪਾ ਕਰਕੇ ਉਸਦੀ ਡਿਗਰੀ ਵੀ ਦਿਖਾ ਦੇਵੋ ਤਾਕਿ ਸਾਨੂੰ ਵਿਸ਼ਵਾਸ ਹੋ ਜਾਏ ਜ਼ੇਕਰ ਤੁਸੀਂ ਪੰਜਾਬੀ ਹੋਨਰ ਦੀ ਡਿਗਰੀ ਦਿਖਾ ਦਿੱਤੀ ਮੈ ਸਿਆਸਤ ਛੱਡ ਦੇਵਾਂਗਾ । ਉਨ੍ਹਾਂ ਸੁਖਬੀਰ ਬਾਦਲ ਨੂੰ ਪੁੱਛਿਆ ਕਿ ਤੁਹਾਡੀ ਕਿਹੜੀ ਮਜਬੂਰੀ ਹੈ ਜੋ ਤੁਸੀਂ ਇੱਕ ਹਾਰੇ ਹੋਏ ਉਮੀਦਵਾਰ ਨੂੰ ਚੋਰ ਮੋਰੀਆ ਰਾਹੀਂ ਮੇਂਬਰ ਬਨਾਣ ਲਈ ਪੈਂਤੀ ਲੱਖ ਰੁਪਏ ਦੀ ਪੇਸ਼ੀ ਦਾ ਵਕੀਲ ਕਰ ਕੇ ਗੁਰੂ ਕੀ ਗੋਲਕ ਨੂੰ ਲੁੱਟ ਰਹੇ ਹੋ । ਅੰਤ ਚ ਉਨ੍ਹਾਂ ਕਿਹਾ ਕਿ ਤੁਸੀਂ ਝੂਠ ਬੋਲਣ ਵਿਚ ਮਾਹਿਰ ਹੋ ਪਰ ਤੁਹਾਡੇ ਝੂਠ ਹਰ ਵਾਰੀ ਪਕੜੇ ਜਾਂਦੇ ਹਨ ਤੇ ਕੌਮ ਦੀ ਹਰ ਵਾਰੀ ਹੇਠੀ ਹੁੰਦੀ ਹੈ ਕਿਰਪਾ ਕਰਕੇ ਸੰਗਤ ਨੂੰ ਗੁਮਰਾਹ ਕਰਨਾ ਬੰਦ ਕਰੋ ।