ਗੁਰਪ੍ਰੀਤ ਸੋਨੀ ਬਾਬਾ ਜੀ ਦੀਆਂ ਸਮਾਜ ਪ੍ਰਤੀ ਸੇਵਾਵਾਂ ਨੂੰ ਅਖ਼ਬਾਰ ਰਾਹੀਂ ਲਿਖ ਕੇ ਜਸਵੀਰ ਸ਼ਰਮਾਂ ਦੱਦਾਹੂਰ ਵੱਲੋਂ ਫਲੈਕਸ ਭੇਂਟ
ਰੁਪਾਣਾ ਵਾਲੇ ਸੋਨੀ ਬਾਬਾ ਜੀ ਜਿਨ੍ਹਾਂ ਨੂੰ ਲੰਗਰਾਂ ਵਾਲੇ ਬਾਬਾ ਜੀ ਕਰਕੇ ਵੀ ਜਾਣਿਆ ਜਾਂਦਾ ਹੈ। ਸਮੇਂ ਸਮੇਂ ਤੇ ਓਨਾਂ ਵੱਲੋਂ ਲੰਗਰ ਦੀ ਸੇਵਾ ਤੋਂ ਇਲਾਵਾ ਬਹੁਤ ਸਾਰੇ ਹੋਰ ਸਮਾਜ ਭਲਾਈ ਦੇ ਕਾਰਜ ਵੀ ਕੀਤੇ ਜਾਂਦੇ ਹਨ ਜਿਵੇਂ ਕਿ ਲੋੜਵੰਦਾਂ ਦੀਆਂ ਸ਼ਾਦੀਆਂ,ਸਫਾਈ ਅਭਿਆਨ, ਪੌਦੇ ਲਗਾਉਣੇ, ਲੋੜਵੰਦਾਂ ਨੂੰ ਸਿਆਲ ਅਤੇ ਗਰਮੀ ਦੇ ਮੌਸਮ ਵਿੱਚ ਕੱਪੜੇ ਦੇਣੇ, ਆਸ਼ਰਮ ਵਿਚ ਆਏ ਬਜ਼ੁਰਗਾਂ ਦੀ ਹੱਥੀਂ ਸੇਵਾ ਕਰਨੀ, ਕਿਸੇ ਭੁੱਲੇ ਭਟਕੇ ਨੂੰ ਓਸ ਦਾ ਪਤਾ ਕਰਕੇ ਘਰ ਪਚਾਉਣਾ ਅਤੇ ਸ਼ਾਦੀ ਕੀਤੇ ਜੋੜਿਆਂ ਨੂੰ ਦਾਜ ਰੂਪੀ ਸਮਾਨ ਓਸ ਵਿਆਹੇ ਜੋੜੇ ਦੇ ਘਰ ਖੁਦ ਜਾਕੇ ਪਚਾਉਣਾ।ਇਹ ਸਾਰੇ ਕਾਰਜ ਬਾਬਾ ਜੀ ਸ਼ਹਿਰ ਸ੍ਰੀ ਮੁਕਤਸਰ ਸਾਹਿਬ ਅਤੇ ਇਲਾਕੇ ਦੀ ਸਾਧ ਸੰਗਤ ਦੇ ਸਹਿਯੋਗ ਨਾਲ ਨੇਪਰੇ ਚਾੜਦੇ ਹਨ। ਓਨਾਂ ਦੇ ਸਮਾਜ ਪ੍ਰਤੀ ਕਾਰਜਾਂ ਨੂੰ ਆਪਣੀ ਕਲਮ ਰਾਹੀਂ ਕਲਮਬੰਦ ਕਰਕੇ ਜਸਵੀਰ ਸ਼ਰਮਾਂ ਦੱਦਾਹੂਰ ਨੇ ਇੱਕ ਫਲੈਕਸ ਬਣਾ ਕੇ ਬਾਬਾ ਜੀ ਨੂੰ ਭੇਟ ਕੀਤਾ।ਇਸ ਸਮੇਂ ਡਾਕਟਰ ਸ਼ਾਮਾਂ ਪ੍ਰਸ਼ਾਦ ਮੁਖਰਜੀ ਵਿਚਾਰ ਮੰਚ ਪੰਜਾਬ ਦੇ ਉੱਪ ਪ੍ਰਧਾਨ ਜਗਤਾਰ ਸਿੰਘ ਰੁਪਾਣਾ, ਸੇਵਾਦਾਰ ਬੋਹੜ ਸਿੰਘ,ਗਾਂਧੀ ਗੋਰਾ ਕੈਮਿਸਟ, ਮਹਾਸ਼ਾ ਜੀ,ਵਿੱਕੀ ਅਤੇ ਰੂਪ ਸਿੰਘ ਹਾਜਰ ਸਨ।ਇਸ ਸਮੇਂ ਗੁਰਪ੍ਰੀਤ ਸੋਨੀ ਬਾਬਾ ਜੀ ਨੇ ਜਸਵੀਰ ਸ਼ਰਮਾਂ ਦੱਦਾਹੂਰ ਨੂੰ ਆਸ਼ੀਰਵਾਦ ਦਿੱਤਾ ਅਤੇ ਓਹਨਾਂ ਦੀ ਕਲਮ ਵਿੱਚ ਹੋਰ ਪ੍ਰਪੱਕਤਾ ਲੲੀ ਅਰਦਾਸ ਕੀਤੀ।