ਪਰਵੀਨ ਸੰਧੂ ਦੀ ਮਾਂ ਦੇ ਪਿਆਰ ਨਾਲ ਓਤ-ਪੋਤ ਪੁਸਤਕ "ਮਾਂ ਦਾ ਪੁਨਰ ਜਨਮ" ਲੋਕ-ਅਰਪਣ
ਪੰਜਾਬੀ ਲੇਖਕ ਸਭਾ ਚੰਡੀਗੜ੍ਹ ਦੀ ਮਾਸਿਕ ਇਕੱਤਰਤਾ ਵਿਚ ਪੀ, ਐਸ, ਆਰਟਸ ਐਂਡ ਕਲਚਰਲ ਸੋਸਾਇਟੀ ਦੇ ਪ੍ਰਧਾਨ ਪਰਵੀਨ ਸੰਧੂ ਦੀ ਪਲੇਠੀ ਪੁਸਤਕ " ਮਾਂ ਦਾ ਪੁਨਰ ਜਨਮ" ਲੋਕ-ਅਰਪਣ ਕੀਤੀ ਗਈ ।ਇਸ ਦੇ ਪ੍ਰਧਾਨਗੀ ਮੰਡਲ ਵਿਚ ਡਾ: ਜਸਵਿੰਦਰ ਭੱਲਾ, ਬਾਲ ਮੁਕੰਦ ਸ਼ਰਮਾ ( ਦੋਵੇਂ ਫਿਲਮੀ ਕਲਾਕਾਰ), ਲੇਖਕ ਪਰਵੀਨ ਸੰਧੂ ਅਤੇ ਉਹਨਾਂ ਦੇ ਮਾਤਾ ਜੀ, ਬਲਕਾਰ ਸਿੱਧੂ,ਮਨਜੀਤ ਕੌਰ ਮੀਤ ਸ਼ਾਮਲ ਸਨ।ਪਰੋਗਰਾਮ ਦੀ ਸ਼ੁਰੂਆਤ ਮਲਕੀਤ ਨਾਗਰਾ ਜੀ ਵਲੋਂ ਗਾਏ ਗੀਤ ਨਾਲ ਹੋਈ ।ਬਲਵਿੰਦਰ ਢਿਲੋਂ ਨੇ ਬਾਬੂ ਰਜਬ ਅਲੀ ਦਾ ਪੰਜਾਬ ਬਾਰੇ ਲਿਖਿਆ ਗੀਤ, ਬੁਲੰਦ ਆਵਾਜ਼ ਵਿਚ ਪੇਸ਼ ਕੀਤਾ ।ਪ੍ਰਧਾਨਗੀ ਮੰਡਲ ਵਲੋਂ ਪੁਸਤਕ ਦੀ ਘੁੰਡ ਚੁਕਾਈ ਦੀ ਰਸਮ ਅਦਾ ਕੀਤੀ ਗਈ ।ਪੁਸਤਕ ਬਾਰੇ ਮਨਜੀਤ ਕੌਰ ਮੀਤ ਨੇ ਪੇਪਰ ਪੜ੍ਹਿਆ ।ਸੇਵੀ ਰਾਇਤ ਜੀ ਨੇ ਵੀ ਪੁਸਤਕ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ ।ਵਿਸ਼ੇਸ਼ ਮਹਿਮਾਨ ਬਾਲ ਮੁਕੰਦ ਸ਼ਰਮਾ ਜੀ ਨੇ ਕਿਤਾਬ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਪਰਵੀਨ ਦੀ ਮਾਂ ਨੇ ਪਰਵੀਨ ਨੂੰ ਬਹੁਤ ਵਧੀਆ ਸੰਸਕਾਰ ਦਿਤੇ ਹਨ।ਡਾ: ਭੱਲਾ ਜੀ ਨੇ ਕਿਹਾ ਕਿ ਮਾਂ, ਬੱਚੇ ਲਈ ਪਹਿਲੀ ਗੁਰੂ ਹੁੰਦੀ ਹੈ ।ਉਹਨਾਂ ਨੇ ਮਾਂ ਬਾਰੇ ਕਿਤਾਬ ਲਿਖਣ ਦੇ ਉਦਮ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਅਗੋਂ ਵੀ ਪਰਵੀਨ ਹੋਰ ਵਧੀਆ ਲਿਖੇਗਾ।ਕਵੀ ਦਰਬਾਰ ਵਿਚ ਬਲਕਾਰ ਸਿੰਘ ਸਿੱਧੂ, ਦਵਿੰਦਰ ਕੌਰ ਢਿੱਲੋਂ, ਮਲਕੀਤ ਬਸਰਾ, ਦਰਸ਼ਨ ਤਿਓਣਾ , ਤੇਜਾ ਸਿੰਘ ਥੂਹਾ,ਸਿਮਰਜੀਤ ਗਰੇਵਾਲ ਅਤੇ ਕਰਮਜੀਤ ਬੱਗਾ ਜੀ ਨੇ ਗੀਤਾਂ ਰਾਹੀਂ ਪਰੋਗਰਾਮ ਨੂੰ ਹੋਰ ਰੌਚਿਕ ਬਣਾ ਦਿੱਤਾ ।ਸਿਰੀ ਰਾਮ ਅਰਸ਼, ਗੁਰਦਰਸ਼ਨ ਸਿੰਘ ਮਾਵੀ, ਪੰਮੀ ਸਿਧੂ,ਸਤਬੀਰ ਕੌਰ ,ਰਜਿੰਦਰ ਰੇਨੂ,ਜਗਦੀਪ ਨੂਰਾਨੀ,ਸੁਨੀਤਾ ਸੈਣੀ,ਆਸ਼ਿਮਾ, ਸ਼ਾਇਰ ਭੱਟੀ, ਨੇ ਵੀ ਆਪੋ ਆਪਣੇ ਅੰਦਾਜ਼ ਵਿਚ ਕਵਿਤਾਵਾਂ ਪੇਸ਼ ਕੀਤੀਆਂ ।ਪ੍ਰੀਤ ਸੰਘਰੇੜੀ ਨੇ ਜਸਵਿੰਦਰ ਭੱਲਾ ਨੂੰ ਉਹਨਾਂ ਬਾਰੇ ਲਿਖਿਆ ਖੂਬਸੂਰਤ ਕਾਵਿ-ਚਿੱਤਰ ਭੇਂਟ ਕੀਤਾ।ਸਟੇਜ ਦੀ ਸਮੁੱਚੀ ਕਾਰਵਾਈ ਪੰਜਾਬੀ ਲੇਖਕ ਸਭਾ ਦੇ ਜਨ: ਸਕੱਤਰ ਦੀਪਕ ਸ਼ਰਮਾ ਚਨਾਰਥਲ ਨੇ ਬਾ-ਖੂਬੀ ਚਲਾਈ।
ਗੁਰਦਰਸ਼ਨ ਸਿੰਘ ਮਾਵੀ
98148 51298