ਪਹਿਲੀ ਖਬਰ ਨੂੰ ਰੱਦ ਸਮਝਦੇ ਹੋਏ ਇਸ ਨੂੰ ਪ੍ਰਕਾਸ਼ਿਤ ਕੀਤਾ ਜਾਵੇ ਧੰਨਵਾਦ ਜੀ।
ਪਾਣੀਆਂ ਦੀ ਰਾਖੀ ਲਈ ਲਿਪ ਵੱਲੋਂ ਕੀਤਾ ਗਿਆ ਸ਼ੰਘਰਸ਼ ਇਤਿਹਾਸਿਕ: ਬੈਂਸ
-ਕਿਹਾ, ਜਲ ਹੈ ਤਾਂ ਕੱਲ ਹੈ
ਲੁਧਿਆਣਾ 5 ਦਸੰਬਰ ():- ਲੋਕ ਇਨਸਾਫ ਪਾਰਟੀ ਦੇ ਪ੍ਰਧਾਨ ਅਤੇ ਹਲਕਾ ਆਤਮ ਨਗਰ ਤੋਂ ਵਿਧਾਇਕ ਸਿਮਰਜੀਤ ਸਿੰਘ ਬੈਂਸ ਨੇ ਵਾਰਡ ਨੰਬਰ 47 ਵਿਚ ਲੋਕਾਂ ਨੂੰ ਆ ਰਹੀ ਪਾਣੀ ਦੀ ਸਮੱਸਿਆ ਦਾ ਹੱਲ ਕਰਨ ਲਈ ਆਪਣੇ ਨਿੱਜੀ ਖਰਚੇ ਤੇ ਬਾਬਾ ਜੀਵਨ ਸਿੰਘ ਪਾਰਕ ਮਨਜੀਤ ਨਗਰ ਵਿਚ ਲਗਵਾਏ ਟਿਊਬਵੈੱਲ ਦਾ ਉਦਘਾਟਨ ਕੀਤਾ।ਇਸ ਮੌਕੇ ਉਹਨਾਂ ਨਾਲ ਐਸ.ਸੀ ਵਿੰਗ ਦੇ ਜਿਲਾ ਪ੍ਰਧਾਨ ਰਾਜੇਸ਼ ਖੋਖਰ ਅਤੇ ਯੂਥ ਵਿੰਗ ਲੁਧਿਆਣਾ ਸ਼ਹਿਰੀ ਦੇ ਪ੍ਰਧਾਨ ਤਲਵਿੰਦਰ ਸਿੰਘ ਟੋਨੀ ਵੀ ਮੌਜੂਦ ਸਨ। ਇਸ ਮੌਕੇ ਤੇ ਸੰਬੋਧਨ ਕਰਦਿਆ ਵਿਧਾਇਕ ਬੈਂਸ ਨੇ ਕਿਹਾ ਕਿ ਪੰਜਾਬ ਨੂੰ ਕੁਦਰਤ ਵੱਲੋਂ ਦਿੱਤਾ ਗਿਆ ਪਾਣੀ ਇਕ ਅਨਮੋਲ ਤੋਹਫਾ ਹੈ ਅਤੇ ਇਸ ਉਪਰ ਬਹੁਤ ਸਾਰੇ ਸਲੋਗਨ ਵੀ ਬਣੇ ਹਨ, ਜਿਵੇਂ ਜਲ ਹੈ ਤਾਂ ਕੱਲ ਹੈ।ਉੁਹਨਾਂ ਕਿਹਾ ਕਿ ਅਜ਼ਾਦੀ ਤੋਂ ਬਾਅਦ ਪੰਜਾਬ ਸੂਬੇ ਦਾ ਪਾਣੀ ਦੂਜੇ ਸੂਬਿਆ ਨੂੰ ਨਹਿਰਾ ਅਤੇ ਸੂਇਆ ਰਾਹੀ ਮੁਫਤ ਵਿਚ ਦਿੱਤਾ ਜਾ ਰਿਹਾ ਹੈ। ਬੈਂਸ ਨੇ ਕਿਹਾ ਕਿ ਲੋਕ ਇਨਸਾਫ ਪਾਰਟੀ ਵੱਲੋ ਪਾਣੀਆ ਦੀ ਰਾਖੀ ਲਈ ਕੀਤਾ ਗਿਆ ਸ਼ੰਘਰਸ਼ ਇਤਿਹਾਸਿਕ ਹੈ। ਉਹਨਾਂ ਇਹ ਵੀ ਕਿਹਾ ਕਿ ਜੇਕਰ ਦੂਜੇ ਸੂਬੇ ਪਾਣੀ ਦੀ ਕੀਮਤ ਨਹੀ ਦਿੰਦੇ ਤਾਂ ਉਹਨਾਂ ਦਾ ਪਾਣੀ ਬੰਦ ਕਰ ਦੇਣਾ ਚਾਹੀਦਾ ਹੈ ਜਿਸ ਨਾਲ ਸਾਨੂੰ ਟਿਊਬਵੈੱਲ ਲਗਾ ਕੇ ਪਾਣੀ ਕੱਢਣ ਦੀ ਜਰੂਰਤ ਨਹੀ ਹੋਵੇਗੀ ਅਤੇ ਜੇਕਰ ਹੁਣ ਟਿਊਬਵੈੱਲ ਰਾਹੀ ਵੀ ਪਾਣੀ ਕੱਢਣਾ ਪੈ ਰਿਹਾ ਹੈ ਤਾਂ ਇਸ ਦੀ ਵਰਤੋਂ ਸੰਜਮ ਨਾਲ ਕਰਨੀ ਚਾਹੀਦੀ ਹੈ।ਇਸ ਮੌਕੇ ਤੇ ਇਲਾਕਾ ਨਿਵਾਸੀਆ ਨੇ ਵਿਧਾਇਕ ਬੈਂਸ ਦਾ ਧੰਨਵਾਦ ਕਰਦੇ ਹੋਏ ਸਿਰੋਪਾਉ ਦੇ ਕੇ ਸਨਮਾਨਿਤ ਕੀਤਾ। ਉਦਘਾਟਨ ਦੌਰਾਨ ਸੀਨੀਅਰ ਆਗੂ ਨੀਰਜ ਗੋਰਾ, ਰਾਜਵੀਰ ਸਿੰਘ ਸੇਠੀ, ਸੱਤਪਾਲ, ਕਾਲਾ, ਪੀ.ਏ ਗੋਗੀ ਸ਼ਰਮਾ, ਦਰਸ਼ਨ ਸਿੰਘ, ਵਿਸ਼ਾਲ ਸੋਨੂੰ, ਰਮੇਸ਼ ਕੁਮਾਰ, ਜਤਿੰਦਰ ਪੰਧੇਰ, ਕੁਲਵਿੰਦਰ ਰਛੀਨ, ਜੁਨੀਅਰ ਨਾਹਰ ਆਦਿ ਤੋ ਇਲਾਵਾ ਵਾਰਡ ਵਾਸੀ ਮੌਜੂਦ ਸਨ