ਸਾਹਿਤ ਸਭਾ ਸ਼ੇਰਪੁਰ ਦੀ ਮਾਸਿਕ ਇਕੱਤਰਤਾ ਦੌਰਾਨ ਵਿਛੜੇ ਸਾਥੀਆਂ ਨੂੰ ਸ਼ਰਧਾਂਜਲੀ
ਸ਼ੇਰਪੁਰ, 5 ਦਸੰਬਰ (ਹਰਜੀਤ ਕਾਤਿਲ) - ਸਾਹਿਤ ਸਭਾ ਸ਼ੇਰਪੁਰ ਵੱਲੋਂ ਆਪਣੀ ਮਾਸਿਕ ਇਕੱਤਰਤਾ ਦੌਰਾਨ ਸਭਾ ਵਿੱਚੋਂ ਸਦੀਵੀ ਵਿਛੋੜਾ ਦੇ ਗਏ ਤੇ ਆਪੋ ਆਪਣੇ ਖੇਤਰਾਂ ਦੇ ਉੱਘੇ ਆਗੂਆਂ ਅਤੇ ਸਭਾ ਦੀ ਮੈਂਬਰਾਂ ਸਰਵ ਸ੍ਰੀ ਗੁਰਦਿਆਲ ਸਿੰਘ ਸ਼ੀਤਲ, ਡਾ ਗੁਰਚਰਨ ਸਿੰਘ ਦਿਲਵਰ, ਸਾਥੀ ਸੁਖਦੇਵ ਸਿੰਘ ਬਡ਼ੀ ਅਤੇ ਰਾਜਿੰਦਰਜੀਤ ਸਿੰਘ ਕਾਲਾਬੂਲਾ ਹੁਰਾਂ ਦੇ ਬੇਵਕਤ ਵਿਛੋਡ਼ੇ ਤੇ ਡੂੰਘੇ ਦੁੱਖ ਦਾ ਇਜ਼ਹਾਰ ਕੀਤਾ । ਉਪਰੰਤ ਸਾਰੇ ਹਾਜ਼ਰ ਮੈਂਬਰਾਂ ਨੇ ਆਪੋ ਆਪਣੀਆਂ ਰਚਨਾਵਾਂ ਸੁਣਾਈਆਂ ਤੇ ਪੜ੍ਹੀਆਂ ਰਚਨਾਵਾਂ ਤੇ ਉਸਾਰੂ ਬਹਿਸ ਹੋਈ । ਰਚਨਾਵਾਂ ਦੇ ਦੌਰ ਵਿਚ ਰਣਜੀਤ ਸਿੰਘ ਕਾਲਾਬੂਲਾ ਨੇ ਵਿਛੜੇ ਸਾਥੀਆਂ ਨੂੰ ਸ਼ਰਧਾਂਜਲੀ ਦਿੰਦੀ ਗ਼ਜ਼ਲ ਪੜ੍ਹੀ " ਐਤਕੀਂ ਬਨੇਰੇ ਮੋਮਬੱਤੀਆਂ ਨਹੀਂ ਬਾਲੀਆਂ ਤੇਰੇ ਬਿਨਾਂ ਕਾਹਦੀਆਂ ਸੀ ਸੱਜਣ ਦਿਵਾਲੀਆਂ " ਨਾਹਰ ਸਿੰਘ ਮੁਬਾਰਕਪੁਰੀ ਨੇ ਕਵਿਤਾ " ਪੱਤਰਕਾਰ ਅਤੇ ਕਲਮਕਾਰੋ " ਹਰਜੀਤ ਕਾਤਿਲ ਨੇ ਆਪਣੀ ਗ਼ਜ਼ਲ " ਉਹ ਸੁਣਿਐ ਉਸ ਪੱਖੇ ਸੰਗ ਝੂਲ ਗਈ , ਜੋ ਦਾਜ 'ਚ ਲੈ ਕੇ ਆਈ ਸੀ ਚਾਵਾਂ ਨਾਲ। ਤਰੁੰਨਮ ਪੇਸ਼ ਕਰਕੇ ਵਾਹ -ਵਾਹ ਖੱਟੀ। ਕਰਮਿੰਦਰ ਸਿੰਘ ਲਾਲੀ ਨੇ ਕਵਿਤਾ " ਵਿਨਾਸ਼ ਵੱਲ ਵਧਦੇ ਕਦਮ " ਮਾਸਟਰ ਮਹਿੰਦਰ ਪ੍ਰਤਾਪ ਨੇ ਕਵਿਤਾ " ਇੱਕ ਵਿਚਾਰ " ਅਤੇ ਸੁਖਦੇਵ ਸਿੰਘ ਔਲਖ ਨੇ ਆਪਣੀ ਗ਼ਜ਼ਲ " ਤਾਰੀਖ਼ ਦੇ ਸਫ਼ਿਆਂ ਉੱਤੇ ਆਪਣੇ ਹਿੱਸੇ ਦਾ ਅਹਿਦ ਲਿਖੀਂ " ਸਮੇਤ ਪੜ੍ਹੀਆਂ ਰਚਨਾਵਾਂ ਤੇ ਆਪਣੇ ਆਲੋਚਨਾਤਮਿਕ ਵਿਚਾਰ ਪੇਸ਼ ਕੀਤੇ। ਇਸ ਮੌਕੇ ਡਾ ਭਰਪੂਰ ਸਿੰਘ ਭੱਠਲ ,ਮਾਸਟਰ ਭੋਲਾ ਸਿੰਘ ਟਿੱਬਾ , ਬਲਦੇਵ ਸਿੰਘ ਘਨੌਰੀ ਅਤੇ ਰਜਿੰਦਰ ਸਿੰਘ ਗਿੱਲ ਮੌਜ਼ੂਦ ਸਨ ਸਾਹਿਤ ਸਭਾ ਸ਼ੇਰਪੁਰ ਦੀ ਅਗਲੀ ਮੀਟਿੰਗ 2 ਜਨਵਰੀ ਦੀ ਨਿਸ਼ਚਿਤ ਕੀਤੀ ਗਈ ਹੈ ।