ਮਾਨਸਾ ਜ਼ਿਲ੍ਹੇ ਦੇ ਮੁੰਡੇ ਨੇ ਆਈਏਐਸ ਵਿੱਚ ਪਾਇਆ 34ਵਾਂ ਰੈਂਕ
ਸਿਮਰਨਦੀਪ ਸਿੰਘ 'ਤੇ ਪਰਿਵਾਰ ਨੂੰ ਲੱਗਾ ਵਧਾਈਆਂ ਦੇਣ ਵਾਲਿਆਂ ਦਾ ਤਾਂਤਾ
ਮਾਨਸਾ, (ਨਾਨਕ ਸਿੰਘ ਖੁਰਮੀ): ਮਾਨਸਾ ਜ਼ਿਲ੍ਹੇ ਦੇ ਮੁੰਡੇ ਨੇ ਆਈਏਐਸ ਵਿੱਚ ਪਾਇਆ 34ਵਾਂ ਰੈਂਕ ਹਾਸਿਲ ਕੀਤਾ ਹੈ। ਇਸ ਨਾਲ ਸ਼ਹਿਰ ਦਾ ਨਾਮ ਹੋਰ ਵੀ ਉੱਚਾ ਹੋ ਗਿਆ ਹੈ। ਮਾਨਸਾ ਸ਼ਹਿਰ ਦੇ ਜੰਮਪਲ ਸਿਮਰਨਦੀਪ ਸਿੰਘ ਸਪੁੱਤਰ ਅਜੈਬ ਸਿੰਘ(ਦੰਦੀਵਾਲ ਪੈਲੇਸ, ਸੰਤ ਸਵੀਟਸ ਐਂਡ ਰੈਸਟੋਰੈਂਟ ਅਤੇ ਹੋਟਲ 4 ਸੀਜ਼ਨ ਵਾਲੇ)ਨੇ ਆਈਏਐਸ ਦਾ ਇਮਤਿਹਾਨ ਪਾਸ ਕਰਕੇ 34 ਵਾਂ ਰੈਂਕ ਹਾਸਲ ਕੀਤਾ ਹੈ। ਇਸਤੋਂ ਬਾਅਦ ਉਨ੍ਹਾਂ ਦੇ ਪਰਿਵਾਰ ਨੂੰ ਵਧਾਈਆਂ ਦੇਣ ਵਾਲਿਆਂ ਦਾ ਤਾਂਤਾ ਲੱਗਿਆ ਹੋਇਆ ਹੈ।
ਸਿਮਰਨਦੀਪ ਸਿੰਘ ਨੇ ਦਸਵੀਂ ਦੀ ਪ੍ਰੀਖਿਆ ਅਕਾਲ ਅਕੈਡਮੀ ਕੌੜੀਵਾੜਾ ਤੋਂ ਕੀਤੀ ਅਤੇ ਬਾਰਵੀਂ ਦਾ ਇਮਤਿਹਾਨ ਡੀਏਵੀ ਸਕੂਲ ਮਾਨਸਾ ਤੋਂ ਪਾਸ ਕਰਕੇ ਝਾਰਖੰਡ ਤੋਂ ਆਈਆਈਟੀ ਕੀਤੀ ਹੈ। ਉਸਨੇ ਗੁਰੂ ਕਾਸ਼ੀ ਯੂਨੀਵਰਸਿਟੀ ਤਲਵੰਡੀ ਸਾਬੋ ਤੋਂ ਐਮਬੀਏ ਕੀਤੀ। ਹਿੰਦੋਸਤਾਨ ਪੈਟਰੋਲੀਅਮ ਵਿਚ ਕਈ ਸਾਲ ਨੌਕਰੀ ਕੀਤੀ ਹੈ,ਤੇ ਨਾਲ ਨਾਲ ਪੇਪਰ ਦੀ ਤਿਆਰੀ ਕਰਦਾ ਰਿਹਾ। ਥੋੜ੍ਹਾ ਚਿਰ ਪਹਿਲਾਂ ਹੀ ਉਸਦੀ ਨਿਯੁਕਤੀ ਪੀਪੀਐਸਸੀ ਰਾਹੀ ਬਤੌਰ ਡੀਐਸਪੀ ਹੋਈ ਸੀ ਅਤੇ ਹੁਣ ਵੱਡੀ ਪ੍ਰਾਪਤੀ ਤਹਿਤ ਹੁਣ ਉਸਨੇ ਆਈਏਐਸ ਦਾ ਮਾਰਕਾ ਮਾਰ ਕੇ ਜਿਲੇ ਦਾ ਨਾਮ ਰੋਸ਼ਨ ਕੀਤਾ ਹੈ।