" ਵਿਕਾਸ ਬੱਗੇ ਦੇ ਕਤਲ ਕੇਸ ਵਿੱਚ ਪੁਲਿਸ ਨੇ ਢਾਈ ਦਰਜਨ ਸਿੱਖ ਨੌਜਵਾਨ ਗਿ੍ਫਤਾਰ ਕੀਤੇ "
ਲੰਡਨ -ਵਿਸ਼ਵ ਹਿੰਦੂ ਪ੍ਰੀਸ਼ਦ ਦੇ ਪ੍ਰਧਾਨ ਵਿਕਾਸ ਪ੍ਰਭਾਕਰ ਉਰਫ ਵਿਕਾਸ ਬੱਗਾ ਦੇ ਕਤਲ ਦੀ ਆੜ ਹੇਠ ਪੰਜਾਬ ਪੁਲਿਸ ਅਤੇ ਭਾਰਤੀ ਏਜੰਸੀਆ ਸਿੱਖ ਨੌਜਵਾਨ ਤੇ ਵੱਡਾ ਜ਼ੁਲਮ ਢਾਹ ਰਹੀਆਂ ਹਨ । ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਨੂੰ ਪੁੱਜੀਆਂ ਰਿਪੋਰਟਾਂ ਅਨੁਸਾਰ ਪੁਲਿਸ ਵਲੋਂ ਤੀਹ ਸਿੱਖ ਨੌਜਵਾਨਾਂ ਨੂੰ ਗਿ੍ਫਤਾਰ ਕਰਕੇ ਉਹਨਾਂ ਤੇ ਤਸ਼ੱਦਦ ਢਾਹਿਆ ਜਾ ਰਿਹਾ ਹੈ। ਇੱਥੋਂ ਤੱਕ ਸ਼ੱਕ ਦੇ ਅਧਾਰ ਤੇ ਸਿੱਖ ਨੌਜਵਾਨਾਂ ਦੇ ਰਿਸ਼ਤੇਦਾਰਾਂ ਦੀ ਫੜੋ ਫੜਾਈ ਜਾਰੀ ਹੈ। ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਦੇ ਜਨਰਲ ਸਕੱਤਰ ਭਾਈ ਲਵਸ਼ਿੰਦਰ ਸਿੰਘ ਡੱਲੇਵਾਲ ਨੇ ਦੋਸ਼ ਲਗਾਇਆ ਹੈ ਕਿ ਇੱਕ ਮਹੀਨਾ ਪਹਿਲਾਂ ਗਰੀਸ ਤੋਂ ਪੰਜਾਬ ਗਏ ਨੌਜਵਾਨ ਅਮਨਦੀਪ ਸਿੰਘ ਪਿੰਡ ਪੱਦੀ ਸੂਰਾ ਸਿੰਘ ਨੂੰ ਨਵਾਂ ਸ਼ਹਿਰ ਪੁਲਿਸ ਨੇ ਵਿਕਸ ਬੱਗਾ ਦੇ ਕਤਲ ਕੇਸ ਵਿੱਚ ਇੱਕ ਹਫਤਾ ਸੀ.ਆਈ.ਏ ਸਟਾਫ ਰੱਖਿਆ ਅਤੇ ਤਸ਼ੱਦਦ ਕੀਤਾ । ਤਸ਼ੱਦਦ ਕਰਨ ਮਗਰੋਂ ਉਸਨੂੰ ਛੱਡ ਦਿੱਤਾ ਗਿਆ ਪਰ ਜਲੰਧਰ ਪੁਲਿਸ ਦੁਬਾਰਾ ਗਿ੍ਫਤਾਰ ਕਰਕੇ ਲੈ ਗਈ ਤਿੰਨ ਦਿਨ ਪੁੱਛਗਿੱਛ ਕਰਕੇ ਛੱਡ ਦਿੱਤਾ । ਕੁਝ ਦਿਨਾਂ ਬਾਅਦ ਅਮਨਦੀਪ ਸਿੰਘ ਨੂੰ ਜਲੰਧਰ ਪੁਲਿਸ ਨੇ ਪੁੱਛਗਿੱਛ ਲਈ ਦੁਬਾਰਾ ਬੁਲਾਇਆ ਸੀ ਪਰ ਰਾਤ ਨੂੰ ਅਮਨਦੀਪ ਸਿੰਘ ਘਰ ਨਹੀਂ ਆਇਆ ਤੇ ਅਗਲੇ ਦਿਨ ਅਮਨਦੀਪ ਸਿੰਘ ਦੇ ਪਰਿਵਾਰ ਨੂੰ ਪੁਲਿਸ ਦਾ ਫੌਨ ਆਇਆ ਕਿ ਅਮਨਦੀਪ ਦਾ ਫਗਵਾੜੇ ਕੋਲ ਐਕਸੀਡੈਂਟ ਹੋ ਗਿਆ ਤੇ ਉਸਦੀ ਮੌਤ ਹੋ ਗਈ ਹੈ ਜਿਸ ਟਰੱਕ ਨਾਲ ਐਕਸੀਡੈਂਟ ਹੋਇਆ ਉਸ ਦਾ ਡਰਾਇਵਰ ਫੜਨ ਦੀ ਝੂਠੀ ਕਹਾਣੀ ਵੀ ਪੁਲਿਸ ਨੇ ਬਣਾ ਲਈ ਹੈ ਅਮਨਦੀਪ ਦਾ ਕਤਲ ਕਰਕੇ ਪੁਲਿਸ ਨੇ ਐਕਸੀਡੈਂਟ ਦਿਖਾਉਣ ਦੀ ਕੋਸ਼੍ਸ਼ ਕਰ ਰਹੀ ਹੈ। ਜਦਕਿ ਅਸਲੀਅਤ ਵਿੱਚ ਅਮਨਦੀਪ ਸਿੰਘ ਦੀ ਪੁਲਿਸ ਹਿਰਾਸਤ ਵਿੱਚ ਭਾਰੀ ਤਸ਼ਦੱਦ ਕਾਰਨ ਮੌਤ ਹੋਈ ਹੈ ਅਤੇ ਇਸ ਵਾਸਤੇ ਪੁਲਿਸ ਸਿੱਧੇ ਤੌਰ ਤੇ ਜਿੰਮੇਵਾਰ ਹੈ। ਵਿਕਾਸ ਬੱਗੇ ਦੇ ਕਤਲ ਕੇਸ ਵਿੱਚ ਨਵਾਂਸ਼ਹਿਰ ਪਿੰਡ ਸਲੋਹ ਅਤੇ ਪਿੰਡ ਗੜਪਧਾਣਾ ਅਤੇ ਹਰਿਆਣਾ ਦੇ ਸਿੱਖ ਨੌਜੁਆਨ ਜੋ ਵਿਦੇਸ਼ ਵਿੱਚ ਹਨ ਉਹਨਾਂ ਦੇ ਪਰਿਵਾਰਾਂ ਨੂੰ ਪੁਲਿਸ ਵੱਲੋਂ ਦੋ ਹਫਤੇ ਤੋਂ ਲਗਾਤਾਰ ਤੰਗ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ । ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਵਲੋ ਪੁਲਿਸ ਦੇ ਇਸ ਜ਼ਾਲਮਾਨਾ ਰਵੱਈਆ ਦੀ ਸਖਤ ਨਿਖੇਧੀ ਕਰਦਿਆਂ ਸਿੱਖ ਜਥੇਬੰਦੀਆਂ ਅਤੇ ਮਨੁੱਖੀ ਅਧਿਕਾਰ ਸੰਗਠਨਾਂ ਨੂੰ ਪੁਲਿਸ ਦੇ ਇਸ ਹਿਟਲਰਸ਼ਾਹੀ ਰਵੱਈਏ ਖਿਲਾਫ ਕਾਰਜਸ਼ੀਲ ਹੋਣ ਦੀ ਸਨਿਮਰ ਅਪੀਲ ਕੀਤੀ ਗਈ ਹੈ।